Aumingja kóngurinn

Þær eru ekki góðar fréttirnar frá ríki Svía. Blessaður kóngurinn er að tapa peningum á kreppunni og það jafnvel meira en Jón og Gunna.

Það verður að slá upp söfnun á Norðurlöndum fyrir manninn, ekkert minna. 

   

Svíakóngur tapar á fjármálakreppunni

Hvað er klám?

Það er sennilega ekki til nein hárrétt skilgreining á klámi. Þar er við að eiga einstaklingsbundið mat hvers og eins. Ég persónulega sé ekkert klámfengið við myndir af nöktu fólki í tímaritum sem sérhæfa sig í þannig efni. Það er ekkert óeðlilegt eða ógeðslegt við nakinn mannslíkama. 

En þeir eru vissulega til sem telja þannig myndir argasta klám. Þeir sem eru þannig þenkjandi geta varla farið í sund því þar er þá argasta klámsýning undir hverri sturtu. Þannig  fólk hlýtur að hátta sig í myrkri fyrir svefninn, svo sterkri siðferðiskennd þess verði ekki misboðið.

Þetta fólk reynir oft hvað það getur að hafa vit fyrir öðrum sem ekki eru eins þröngsýnir og  hneykslunargjarnir. Það fékk því fram komið að blöð af þessu tagi væru sett í ógegnsætt plast svo viðbjóðurinn blasti ekki við viðkvæmum sálum. Þröngsýni og tepruskapur er ekki bundin við Færeyjar.

Mér er minnisstæður atburður fyrir allmörgum árum þar sem kona skrifaði harðorðaða og  átakanlega Velvakandagrein um þann viðbjóð sem oft blasti við henni þegar hún ætlaði að njóta kvöldblíðunnar á sínum eigin svölum.  Þaðan sá hún inn í stofu á íbúð í annarri blokk  í næsta nágrenni og þar blasti iðulega við augum hennar,  par að gera það, sem að hennar mati ætti aðeins að gera í lokuðum  herbergjum. 

Lögreglan var sett í málið og við rannsókn kom í ljós að til að fá sjónlínu frá svölum „aumingja“  konunnar yfir í sóða stofuna þurfti hún að leggja sig í hættu og  hanga nánast öll útaf svölunum. 

Það er mikið á sig leggjandi...... .  

Hald lagt á klámblöð

Klikkaðir kanar

Kosningabaráttan í Bandaríkjunum  er oft á tíðum grimmúðleg og óvægin.

Þar er beitt nánast öllum þeim meðulum sem hugsast geta og öllu til tjaldað.

Það er þó helst eitt sem verður útundan og það eru málefnin, sem þó allt snýst jú um.

Þetta framtak Larry Flynt verður vafalaust fallegt og málefnalegt innlegg í kosningabaráttu Obama.  

Subbuleg mynd með tvífara Palin

Muhammad al-Habadan , má ekki bjóða þér til Íslands?

Eigum við ekki að bjóða þessum manni að setjast að á Íslandi svo hann geti boðað fagnaðarerindi sitt hér.  Svo hann geti miðlað okkur af víðsýni sinni og mannkærleika.

 Ofsafylgjendur fjölmenningarsamfélags munu vafalaust fagna því  sem frábæru innleggi í okkar annars fátæklegu menningu.

Þetta  bæri vitni um víðsýni  og fordómaleysi okkar annars aumu sála.

.

 

Konur hylji allt nema annað augað

Nályktina leggur af ríkisstjórninni

Ráðherrar og þingmenn Samfylkingarinnar munu hafa bundið vonir við það fram eftir degi í gær að forsætisráðherra myndi ætla í stefnuræðunni að reka af sér slyðruorðið og boða aðgerðir en sú von brást. 

Ríkisstjórnarsamstarfið mun hafa hangið á bláþræði í gær vegna efnahagsástandsins og ágreinings um leiðir og aðgerðir. Svo segir í  24. stundum í dag.

Mikil óánægja mun einnig innan Samfylkingarinnar með aðdraganda og framkvæmd Glitnismálsins, sem hefur magnast er á leið og steininn hafi tekið úr þegar Davíð Oddson mætti á ríkisstjórnarfund á þriðjudag og lagði til að þjóðstjórn yrði komið á og hinir bankarnir tveir yrðu þjóðnýttir!  Skilningur ráðherra Sjálfstæðisflokksins á aðgerða- og áhugaleysi Seðlabankans um efnahagsmálin að öðru leyti, vekur furðu samstarfsflokksins.

Innan Samfylkingarinnar eru það helst þrjú atriði sem talið er að yrðu að vera fyrstu skref til lausnar á efnahagsvandanum.

1.       Að lýsa yfir vilja til aðildarumsóknar að ESB.

2.       Sækja um neyðarlán hjá Alþjóðagjaldeyrissjóðnum.

3.       Reka Davíð Oddson.

Það er þannig komið að menn eru að átta sig á því að Davíð Oddson Seðlabankastjóri  er einn aðal efnahagsvandinn,  sú skoðun er sterk innan Samfylkingar og henni vex einnig fiskur um hrygg innan Sjálfstæðisflokksins.

Það er aðeins eitt sem hugsanlega gæti  vakið Sjálfstæðismenn af þyrnirósarsvefninum.  Það þyrfti að koma Íslenska efnahagsvandanum upp í Rússneska flugvél og láta hana fljúga inn í Íslenska lofthelgi, þá stæði ekki á áhuga og vilja Sjálfstæðismanna til  aðgerða  gegn þessum vágesti. 

Þessi ríkisstjórn er þegar örend, dánar- og jarðafarartilkynning verður birt þegar aðstandendur hafa áttað sig á því.

Miklir erfiðleikar blasa við

Geir skilar auðu – á ný

Stefnuræða forsætisráðherra og umræður um hana voru í kvöld.  Ég býst við að fleiri hafi horft eða hlustað með andakt nú en oft áður, vegna þeirrar stöðu sem uppi er í þjóðfélaginu.

Forsætisráðherra hafði hér tækifæri til að blása til sóknar og stappa stálinu í þjóðina. En ekkert slíkt gerðist, ræðan var rýr í roðinu, aðeins upptalning á staðreyndum almennt og vítt orðað,  forsætisráðherra skilaði auðu!

Það kom ekki á óvart að bestu ræðumenn kvöldsins voru Össur Skarphéðinsson og Steingrímur J. Sigfússon.

Ræða Steingríms kom mér nokkuð á óvart. Hún var innblásin af baráttuanda og vilja til verka, gegn þeim vágesti sem ríður húsum þessa dagana, en ekki því andstöðu og úrtöluvæli sem oft hefur einkenn málflutning VG til þessa.

Steingrímur flutti í raun ræðuna sem ég reiknaði með að forsætisráðherra myndi flytja.  

Glitnisaðgerð ekki endapunktur

Hvað er í gangi eiginlega?

Hvernig endar þetta? Ástand heimsmála versnar stöðugt og síðasta stóra niðursveiflan  er  vafalítið sú frétt að Britney Spears sé að spá í að flytja til New York.

Hvernig dettur henni þetta í hug? 

Ég vona að þetta hafi ekki áhrif á gengi krónunnar.  

Flytur Britney til New York?

Er sjón er sögu ríkari?

 Blindir eru æfir og ætla ekki að „sjá“ kvikmyndina  Blindness sem frumsýnd verður í USA á morgun.

Þeir telja myndina lýsa blindum sem skepnum.

Myndin ku víst lýsa hegðunarbreytingum á manninum við gjörbreyttar aðstæður en ekki endilega vegna blindu sem slíkrar.  

  

Blindir gagnrýna nýjustu mynd Julianne Moore

Spákukl bankanna

Það væri gaman ef einhver fjölmiðillinn tæki sig til og kannaði nokkur ár aftur í tíman hvernig framtíðarspár  greiningadeilda bankana um gengi krónunnar og efnahagsmál almennt hafa ræst.

Nú er komin ný greining frá Kaupþingi, þar sjá þeir klárlega hvenær fer að rofa til og við fáum á ný roða í vanga og blóm í haga.

En ég man ekki betur en að fyrri greiningar hafi sagt að einmitt þetta hafi þegar gerst!   

Krónan á enn eftir að veikjast

Laug Geir?

Ekki er óeðlilegt að draga þá ályktun af þessu að Landsbankinn sé að undirbúa kaup á Glitni. Ofurskiljanlegt af þeirra hálfu, enda hafa þeir lýst áhuga sínum á því.

En Landsbankamenn áttu „leynifund“ með forsætisráðherra. Þar var staða mála rædd að sögn forsætisráðherra. Ekki var minnst einu orði á sameiningu Glitnis og Landsbankans!  Já, já einmitt.

En sennilega og einmitt vegna þess að ekki var minnst á þessi mál á fundinum, þá eru Landsbankamenn  nú á hlaupum að tæma alla bauka og kirnur til að safna saman öllu handbæru fé, til kaupana.

Það er vonandi að kappið á að koma Glitni í hendur nýjum eigendum sé ekki það mikið að það gerist áður en ríkið eignast Glitni með formlegum hætti. 

 

Straumur eignast hluta Landsbankans