Eru fjölmiðlarnir andsnúnir lýðræði?

Við búum við lýðræði og þá á öllum að vera frjálst að bjóða sig fram án hindrana, líka Ólafi F. Magnússyni.  Ég myndi að vísu ekki kjósa framboð Ólafs F. Magnússonar í Reykjavík, væri ég þar á kjörskrá.

En  ég er sammála Ólafi að ákvörðun Stöðvar 2 að H listinn verði ekki með í umræðu þætti þar sem oddvitar framboðana koma fram, er algerlega út úr korti og lýðræðinu beinlínis fjandsamlegt og hættulegt.

Stöð 2 notar, að sögn Ólafs, slaka útkomu H listans í skoðanakönnun í málgagni Sjálfstæðisflokksins, sem rök fyrir þessari ákvörðun. Þarna tekur Stöð 2 sér það vald að setja skoðanakönnun, í fjölmiðli eins framboðsins, ofar og marktækari en kosningarnar sjálfar á laugardaginn og útilokar framboð H listans fyrirfram og tekur valdið af kjósendum.

Þetta eru forkastanleg vinnubrögð og sjónvarpsstöðinni til skammar. Ef stöðin hefur ekki tíma eða getu til að sinna kosningunum og frambjóðendum af kostgæfni og sanngirni, eiga þeir að láta þá umfjöllun eiga sig.

En Ólafur hefði alveg mátt láta vera að kalla Æ listann aula- og mútuþægniframboð, hann eykur ekki fylgið með því.

 

 

Ólafur: Könnunin ómarktæk

Eurovision nálgast,..

  ... keppendur stíga á svið og flytja lögin sín, margir með fjölmenna,  skrautlega og flókna sýningu, sem gerir slöpp lögin nánast að viðhengi.

Þó Hera sé frábær flytjandi dugir það ekki til, lagið er slappt og flatt og verður gleymt áður en  síðustu tónar keppninnar deyja út.

Þegar hugsað er til baka yfir þann tíma sem Ísland hefur verið þáttakandi eru þau satt að segja ekki mörg lögin sem „lifa“ í minningunni. Flest lögin, eins og Logan lummurnar, fara inn um annað og út um hitt, ef þau ná þá svo langt, en það  er auðvitað persónubundið.

Fáein lifa í nokkrar vikur, uns spilunar tíma þeirra í útvarpi lýkur. Þá hverfa þau og gleymast. En örfá ná að lifa þó þau heyrist aldrei í útvarpi og það eru ekki endilega sigurlögin sem lifa af gleymskunnar dá.

Vinsældir ABBA hafa séð til þess að Waterloo frá 1974 gleymist seint. Minnisstæð eru líka þýsku lögin frá  1982 og 1988 (14. sæti). Austurríska lagið 2003 er líka minnisstætt af skiljanlegum ástæðum.

Ekki má gleyma Lordi 2006, og síðast en ekki síst franska laginu White and Black  sem varð í öðru sæti 1990. Lagið sem sigraði það ár er löngu gleymt.

  

Búist við miklu álagi

Flytjum viðskiptin!

Þeir finnast, en eru ekki margir, sem eru ánægðir með að erlend fyrirtæki eignist íslensk orkufyrirtæki.

Það hlýtur að vera fyrrum viðskiptavinum HS-orku og núverandi viðskiptavinum Magma Energy alvarlegt íhugunarefni að flytja viðskipti sín til annarra orkuframleiðenda.

Samkvæmt lögum geta notendur, hvar sem er á landinu, valið sér hvern þann orkusala sem þeir kjósa.

Þannig gætu menn sýnt  hug sinn í verki til þessa gjörnings, þó ekki væri annað.

Magma á helming í Búlandsvirkjun

Taser-Harry

Sífellt berast fleiri fréttir af „velheppnuðum“ rafbyssu aðgerðum lögreglu erlendis, sem hlýtur að gleðja og örva aðdáendur slíkra tóla hér á landi.

Ætla má að þrýstingur manna innan  íslensku lögreglunnar, sem hafa upptöku þessara vopna að sérstöku áhugamáli, aukist eftir  svona velheppnaðar „Taser“ aðgerðir, sem virðast, þegar grannt er skoðað,  frekar snúast um að spara lögreglunni tíma en forða henni frá hættu.

Þetta atvik í bandaríska bænum Tybee ætti að taka af öll tvímæli um gagnsemi vopnsins og "nauðsyn" þess fyrir íslensku lögregluna.  

Verði rafbyssur teknar í notkun hér á landi verða þær aðeins æfing fyrir púðurtólin með stóru kúlunum, sem munu óhjákvæmilega fylgja í kjölfarið hvað sem hver segir.  

Rafbyssu beitt á einhverfan pilt

Magnað atriði...

...í Erovision 1985 í Svíþjóð þegar Lill Lindfors rýfur kjólinn sinn þegar hún kemur inn á sviðið.

Litlu verður Vöggur feginn.

Það á alltaf að setja markið hátt í kosningum, en öllu verra og fáséðara er að menn sitji sáttir að sínu yfir afhroði í kosningum.

 

En það gengur þá bara betur næst.

 

Stolt af því að vera í baráttusæti

Lífshættuleg sólbaðstofa.

 Þessi sólbaðsstofa í Mosfellsbæ er greinilega lífshættuleg.

Starfsfólk stofunnar telur að í einum bekknum hjá þeim liggi meðvitundarlaus stúlka, sem gat því allt eins verið alvarlega veik og í lífshættu.

Hvað gera gáfnaljósin á stofunni,  jú hringja á sjúkrabíl og bíða.

Datt virkilega engum í hug að opna bekkinn þegar sóldýrkandinn svaraði ekki kalli eða sýndi önnur lífsmörk?

Svona sóðabúllur á að nafngreina svo fólk geti varað sig á þeim.

.

  

 

Sóldýrkandi svaraði ekki kalli

Heija Norge

Enn eitt raunveruleikapúslið í norsku  „vináttuvildinni“.

 

Tók stöðu gegn Íslandi

Glætan mar!

Varla hvarflar að nokkrum manni að hinar minnstu líkur séu á því að helblá höndin á Ingva Hrafni svíki lit þegar í kjörklefann er komið.   

 

Glætan mar!        

 

Ingvi Hrafn á bandi Jóns Gnarr

Toppurinn á tilverunni

Toppurinn á tilverunni fyrir sænska framagosa, sem óska sér stórrar fjölskyldu, er auðvitað að geta haft allan pakkann á framfæri ríkisins, án þess að hafa til þess unnið.

Sænska kirkjan er að auki komin á hliðina vegna þessa væntanlega brúðkaups í sænsku steinaldarfjölskyldunni, því „Vala“ prinsessa vill víkja agnarögn frá hefðinni þegar hún gengur að eiga sinn „Bam Bam“.

Langar í marga prinsa og prinsessur