Skítseyði

Aðeins fullkomið siðleysi fær menn til að opinbera aumingjaskap sinn og soraeðli á þennan hátt.  

Skemmdarverk unnin á leiðum

Kominn tími til

Það er sannarlega kominn tími til að rannsakaðir verði starfshættir þessa fornaldarapparats sem Kaþólska kirkjan er.  Það er litlum vafa undirorpið að kirkjan sú hafi í gegnum tíðina kerfisbundið stundað yfirhylmingu á glæpum presta sinna, kardínála og páfa, og geri enn af meira kappi en forsjá.

Engin stofnun hins kristna heims boðar og starfar í slíku svartnættis þröngsýni og afturhaldi og Kaþólska kirkjan. Það er óneytanlega skondið að sjá Kaþólsku kirkjunnar gagnrýna þröngsýni og afturhald Íslam. Íslam og kaþólska kirkjan eru sitthvort höfuðið á einu og sama  nátttröllinu.

Vilja rannsaka þátt páfans

Ræsisrotturnar skríða úr felum

Það er sorglegur ræfildómur að geta ekki komið aumum skoðunum sínum á framfæri nema með skemmdarverkum. Neðsta þrepið í þeim aumingjadómi eru nasista nagdýrin sem ráðast, í skjóli myrkurs með hatrið að vopni, á minnisvarða og bautasteina.

Sér í lagi minnisvarða sem öðrum þræði fremur er ætlað að um minna okkur á illvirki liðina tíma og tilgangsleysi trúarlegs haturs og ofbeldis og forða okkur frá því að endurtaka skelfileg mistök fortíðar.

  

Máluðu hakakross á minnisvarða

10 þúsund manna söfnuður barnanauðgara

Engin takmörk virðast fyrir því bulli, rugli og jafnvel hreinu ógeði,  sem fólk er tilbúið að undirgangast og framkvæma, sé því „smekklega“ hrært saman við Biblíuna.

Engu virðist breyta hversu mikið rugl og fjarri allri skynsemi slíkur „trúarboðskapur“  er, það virðist hægt að skapa trúarsöfnuði utan um nánast hvað sem er og laða fólk til fylgis við hverskonar óeðli.

Núna hefur leiðtogi þessa barnanauðgunar og fjölkvænis safnaðar í Texas verið dæmdur í lífstíðarfangelsi, en söfnuðurinn heldur  örugglega áfram sínu „góða og uppbyggilega“ starfi og bíður þess að spámaðurinn snúi aftur í faðm safnaðarins.

Er það ekki venjan?

Athugið könnunina hér til vinstri – takið þátt!

Fjölkvænismaður í lífstíðarfangelsi

Dýrt verður drottins orðið.

Talið er að það kosti Spænska ríkið 8 til 10 milljarða að fá kjólklædda umboðsmanninn í Róm í heimsókn til Spánar og þá er ekki meðtalin öryggisgæsla.  Sá kostnaður gæti hæglega hlaupið á 3 til 4 milljörðum ef ekki meira.

Það er raunar broslegt að umbinn frá Róm skuli þurfa sérstaka öryggisgæslu Spænska ríkisins. Umbinn starfar fyrir Guð, sem okkur er sagt að sé almáttugur og ekkert ómögulegt, hvort heldur er að baka Pizzu eða heilu sólkerfin og aðra himnanna kransa, skapa menn og dýr merkurinnar og hvað eina og það bara fyrir morgunkaffi.

En páfinn, sem hvað ákafast boðar mannkyninu að trúa á Guð og treysta honum og hans forsjá í einu og öllu, treystir honum ekki sjálfur fyrir horn í sínum eigin öryggismálum! Þá treystir hann betur á menn með alvæpni, sem eru reiðubúnir að drepa samstundis hvern þann sem ógnar hans heilagleika. En auðvitað í Guðs nafni, nema hvað.

Páfinn á auðvitað, eins og aðrir dauðlegir menn, að fjármagna sínar sólalanda- og svallferðir sjálfur.

Skoðið könnunina hér til vinstri – takið þátt!

Gagnrýna kostnað við komu páfa

Ber Páfinn enga ábyrgð á dauða fólks í Afríku?

Páfinn í Róm setur upp heilaga andlitið og hvetur þjóðir heims til að sýna ábyrgð gagnvart Austur-Afríku. Það er ekkert nema gott eitt um það að segja þegar hvatt er til góðra verka til bjargar heilsu og lífi manna.

En það er ekki bara hungur dauðinn sem vofir yfir Afríku. Þar er eyðni víða landlægur sjúkdómur og fast að því faraldur sumstaðar. Á því sviði hefur heilagur páfinn líka látið til sín taka svo um munar, ekki til að bjarga fólki frá veikindum og dauða heldur hið gagnstæða.

Páfinn og hans slekti allt hefur barist með kjafti og klóm gegn notkun smokksins, sem er besta þekkta vörnin gegn þessari vá. Í því sambandi skiptir líf og heilsa fólks heilagann páfann engu.

Það er lítill samhljómur í því  að vilja bjarga fólki frá hungurdauða en berjast svo gegn þeim sem vilja forða sama fólkinu frá því að smitast og deyja drottni sínum úr eyðni.

Axla kjólklæddu hræsnishaugarnir í Vatíkaninu  ábyrgð á þeim gjörðum? Nei, þá vísa þeir í margræðan texta í gamalli skruddu frá tíma risaeðlanna.

Flottir karlar!

Kíkið á könnunina hér til vinstri!

 

Páfi hvetur til ábyrgðar

-Ekki benda á mig, ég var vanbúinn-

Línurnar hafa verið lagðar. Kirkjan ætlar engu að breyta í sínum starfsháttum. Mjóróma yfirlýsing biskups að þetta muni ekki gerast aftur ásamt sýnishorni af iðrunarlausri afsökunarbeiðni hans er allt sem kirkjan hefur fram að færa, gott fólk.  

Lengra ætlar kirkjan ekki að ganga og að kirkjuþinginu loknu verður látið eins og þetta mál sé endanlega úr sögunni eða hafi jafnvel aldrei komið upp.

Biskup ber því miður ekki gæfu til þess að sjá að þetta mál er stærra en einn vanbúinn biskup. Biskupinn vanbúni segist ekki vera komin á kirkjuþingið til að ræða þessi mál! (??) Hann ætlar að sitja en málið skal víkja.

Amen!

Næsta mál, skál!

 

„Við vorum vanbúin“

Rambo páfi

Það þurfti aðeins að henda eins og einni blessun í Jóhannes Páll páfa heitinn, til að hann sprytti upp sem Rambo og stjórnaði aðför sérsveitar Bandaríska hersins að Ósóma bin Laden og drápi hans.

Hvað ætli Jóhannes gamli taki sér svo fyrir hendur þegar þeir taka hann endanlega í dýrlingatölu?

Ætli hann geti hugsað sér að keppa í Eurovision?  Ef svo, þá væri það verðugt verkefni fyrir vin minn og sálusorgara, Jón Val Jensson að fá hann til að keppa fyrir Ísland!

Islande douze points!

  

Dauði bin Laden kraftaverk páfa

Réttlæti eða hefnd?

Þvílíkt réttlæti, halda menn að konugarminum líði eitthvað betur, með því að gera hana að böðli og láta hana með eigin hendi gjalda óþverranum  auga fyrir auga með því að hella sýru í augu hans?

Væri ekki nær fyrir þessa réttsýnu menn, sem þannig dæma, að breyta lögunum til verndar konunum frekar en tryggja þeim hefnd að ódæðinu loknu?

En það er víst ekki hægt, Allah ræður því. Hann mun víst ekki til viðræðu um breytingar á ævafornum siðum frekar en guð kristinna manna.

 

Auga fyrir auga

Eru konur á jafngóðum -eftirlaunum- og karlar í þessum bransa?

Íslamskir karlar sem ganga í dauðann fyrir trúna fá, eins og allir vita, að launum paradísarvist og kippu 100 óspjallaðra meyja til frjálsra nota, fyrir fórn sína. Þokkalegustu eftirlaun það!

Þá  er það spurningin, hvort konan sem neydd var í þá Íslömsku „hetjudáð“ að hlífa Ósómanum fyrir kúlum andskotans, hafi hlotið að launum paradísarvist fyrir sitt líf og að auki digra kippu af óspjölluðum sveinum?

Er það þannig, veit það einhver?

Er þetta kannski borðleggjandi mál fyrir kærunefnd jafnréttismála?

  

Reyndi að nota eiginkonuna sem skjöld