Er hægt að panta þýfi eins og hvern annan varning?

Það er engu  líkara en þjófarnir hafi verið að ruppla upp í pöntun.

Brotist inn í 7 bifreiðar í Grindavík

Nema hvað?

Er eitthvað annað inn í myndinni en þeir standi við sinn samning og skili varðskipinu fullsmíðuðu?

 

Heita að klára Þór

Lækkar bensínið í dag?

Nú er heimsmarkaðsverð á olíu á hraðri niðurleið.

Það er kunnara en frá þurfi að segja að íslensku olíufélögin eru fljót að bregðast við verð- breytingum á heimsmarkaði og skila þeim til sinna viðskiptavina. 

Þannig að búast má vil lækkun strax í dag.

Ekki spurning.

.

.

 

Olíuverð á hraðri niðurleið

Hver er krafan Jón?

Jón Gerald Sullenberger virðist ekki  hafa maga fyrir samkeppni því hann er strax í fyrstu viku farinn að grenja.

Hver er krafan hjá Jóni?  Eiga birgjar að hækka verðin til Bónus svo Bónus verði að koma upp að hliðinni á Jóni í verðum?

Verður það kjarabótin sem Jón ætlaðir að færa landsmönnum?

Ef útsöluverðin  í Bónus eru lægri en Sullenberger  stendur til boða hjá birgjum væri þá ekki einfaldast hjá honum að gefa skít í birgjana og birgja sig upp í Bónus?  Þar er jú lægsta verðið.

 

Vill betra verð frá birgjum

Hrunið mikla?

Það má vel sjá þetta fyrir sér sem  módel af hruni Íslenska bankaundursins þegar það féll saman í einu vetfangi  í illa lyktandi kös.

 

Hvað eru margir sjússar í hverjum hillumetra af áfengi?

Hvernig má það vera?

Hvernig getur einhver lagt fram „spá“ kinnroðalaust, hvernig hagvöxtur og staða þjóðarbúsins verður eftir 5 ár? Tekur einhver í alvöru mark á þessu eftir það sem á undan er gengið?

Hvaða aðferðir og formúlur notar AGS til að finna þetta út? Þær sömu og sögðu okkur 2007 að hagvöxtur hér og útþensla lífsgæða tæki aldrei enda?

Þó einhver hagfræðingurinn eða greiningardeildarsérfræðingurinn innan bankakerfisins hafi skynjað hvað myndi gerast á haustmánuðum 2008, þá  var það ekki sagt upphátt, enda þáðu þeir ekki laun fyrir það.

Fyrir venjulegt fólk er það illskiljanlegt hvernig AGS ætlar að ná fram hagvexti hér í náinni framtíð,  því meðulin sem AGS beitir  á hagkerfið eru meira í ætt við eitur en fjörefni.

AGS ætti að snúa greiningardeild sinni innávið og skoða sögu bankans, slóð auðnar  og dauða.

Svo mikið er víst að það verða ekki greiningardeildarsérfræðingar AGS sem rífa þjóðina upp úr þessum fúla pytti, það gerir hún sjálf.

  

Spá hagvexti eftir 2010

Víruspóstur í nafni Facebook!!

Ég vara fólk við að opna eftirfarandi tölvupóst sem lítur út fyrir að vera frá Facebook við fyrstu sýn:

The Facebook Team    -   Password Reset Confirmation.

Pósturinn er vírus! Ég asnaðist til að opna póstinn, sem betur fer stoppaði vírusvörnin innrásina.

Táfýluskór?

Þegar ég las fyrirsögnina þá hugsaði ég með mér, loksins, loksins, væru komnir á markað slitnir skór með „innbyggðri“ táfýlu. Það væri þá hægt að fá skó sem hæfðu  snjáðum, upplituðum og gauðrifnum fatnaði sem fólk kaupir dýrum dómum og klæðist.

En fréttin fjallaði um allt annað og öllu alvarlegra mál.

Illa þefjandi íþróttaskór rannsakaðir

Ef kaup á 5% hlut...

...í Kaupþingi og lán bankans til kaupana var ekki nægjanlega stórt til að tæki því að leggja það fyrir stjórnina, hvað var þá af þeirri stærðargráðu að ástæða þætti til að stjórnin fjallaði um það?

Var stjórnin aðeins útvalin hópur manna með áskrift að ríflegri þóknun sem greidd var fyrir „stjórnarsetu“ án allrar ábyrgðar?

Bar einhver ábyrgð á einhverju í þessum banka?

 

Vissi ekki um lán til Al-Thani

Hvaða máli skiptir...

... hver sá heppni er, af hverju þarf almenningur að vita það?

Um leið og það vitnast hver hann eða hún er, hefur sjálfkrafa verið gefið út veiðileyfi á Þennan  „heppna“ lottóspilara, líf hans verður lagt í rúst og hann getur aldrei um frjálst höfuð sér strokið eftir það.

Látum manninn í friði. 

Hver er sá heppni?