Stólpípukukl

Það er hreint magnað að fólk skuli fara í svona detox kukl- og skottulækna meðferð og kvarta svo við landlæknisembættið þegar kuklið hefur önnur áhrif en vonast var eftir.

 

Kærendum væri nær að snúa sér til efnahagsbrotadeildar Ríkislögreglustjóra með sínar kærur, þar eiga þær heima, ekki hjá landlækni, því þetta detox svindl á ekkert skylt við lækningar.

 

Kvartað yfir detox til landlæknis

Slys? – Nei glæpur!

Olíulekinn í Mexíkóflóa er orðin að mesta umhverfisslysi  í sögu Bandaríkjanna.

Raunar er þetta ekki slys heldur hreinn og klár glæpur ef marka má viðtal í fréttaskýringarþættinum 60 mín nýlega, hvar rætt var við starfsmann á borpallinum, Mike Williams, sem dró upp, vægast sagt myrka mynd af stafsháttum BP.  Mike komst naumlega lífs af, en 11 félagar hans biðu bana.

Greinilega eru ekki allir sammála um að BP beri ábyrgð á glæpnum, þeirra á meðal er frú Sarah Palin f.v. varaforsetaframbjóðandi, samkvæmt frétt á Vísi.is:

„Sarah Palin, varaforsetaefni Repúblíkana í síðustu forsetakosningum, segir að umhverfisverndarsinnar beri ábyrgð á olíulekanum á Mexíkóflóa. Andstaða þeirra við olíuboranir á landi hafa neytt stjórnvöld og einkafyrirtæki til ráðast í afar áhættusöm verkefni á miklu dýpi“ 

 Fréttin í heild hérna.

Frú Palin kýs að horfa algerlega framhjá þeim staðreyndum að BP hundsaði  reglur og þverbraut allar öryggiskröfur til að spara tíma og fé.

Þessi skoðun hennar kemur ekki á óvart, þar sem hún er boðberi þeirrar hugmyndafræði að taka beri fjármuni fram yfir fólk.  

 

.

 

Ráða betur við olíulekann

Það var Síminn sem rændi bankanna!

Þessa frábæru hugmynd gætu bankadólgarnir nýtt sér.

Gert símafyrirtækin, eigendur símalínanna, sem notaðar voru til að flytja og forða illa fengnu fé út og suður,  ábyrga fyrir glæpnum.

Pottþétt.

Lögsækir símafyrirtækið vegna framhjáhalds

Heggur sá er vægja skyldi.

BM Vallá hf.  er fallið í valin og eru örlög fyrirtækisins vissulega sorgleg.

En frekar lágkúrulegt þykir mér að stjórn fyrirtækisins skuli kenna núverandi stjórnvöldum um, hvernig fór.

Ekki voru það  núverandi stjórnvöld sem skuldsettu fyrirtækið upp í rjáfur í rúllettuleik græðginnar í miðju góðærinu.

Allir töldu að fyrirtækið væri stöndugt og vel rekið af hæfum mönnum, en svo bregðast víst krosstré sem önnur.

 

BM Vallá óskar eftir gjaldþrotaskiptum

Smellu(þöngul)hausar

Eru því engin takmörk sett hvað olíufélögin telja sig geta borið á borð fyrir fólk?

Olís auglýsir þessa dagana „NÝTT SMELLUKERFI“  á gaskútum!  Þvílík þvæla, það er ekki einungis rangt að þetta sé nýtt kerfi heldur hrein og klár lygi.

Svo kallaðir kósangas-kútar (própangas) hafa haft nákvæmlega svona smelluhausa svo lengi sem ég man eftir mér.  

Hver er tilgangur Olís með því að ljúga að fólki að þeir séu að innleiða einhverja nýjung?

Vanþakklæti er heimsins laun.

Allir vilja olíu, þurfa olíu og orga eftir olíu, meiri olíu og borga fyrir hana uppsett verð, mis ánægðir að vísu.

En þegar olían tekur upp á því að skila sér sjálf þangað sem eftirspurnin eftir henni er hvað mest og það alveg ókeypis, þá bregður svo við að enginn vill hana og ofaní kaupið er stórfé  varið til að eyða henni og fjarlægja.

Skrítið.

Engin olía á land enn

Risareður til sölu.

Smáralindin, stærsti drauma- prins og reðurlíki veraldar er til sölu.

Rafhlöður fylgja ekki með.

.

.

Smáralind til sölu

Stoppum klámið áður en það....það.....það....!

Öfgatrúarhundar og siðgæðisgærur  þessa lands telja fullsannað  að öll sú óáran sem yfir þjóðina hafa dunið síðustu mánuðina sé klámvæðingunni og nektarfíkn landans um að kenna, ásamt skorti á Guðlegri réttsýni.

Af frumkvæði þeirra er í undirbúningi  lagafrumvarp sem bannar elskendum, sem hafa verið saman skemur en 55 ár, að hátta sig saman nema í myrkri.

Jafnframt verður fólki bannað að sýna sig án fata í sturtum og búningsklefum sundlauga og íþróttahúsa.

Börnum verður  gert skylt að fæðast fullklædd  og þá  í kynlausum fötum.

Skylt verður að halda fyrir augu ungbarna meðan þeim er gefið brjóst til að ofbjóða ekki óþroskaðri  blygðunarkennd barnsins.

Sér í lagi eru sveinbörn viðkvæm fyrir brjóstaglápi, sem getur hæglega dregið fram klámeðlið í þeim síðar á ævinni, því lengi býr að fyrstu gerð.

 

Flestir vilja banna nektardans

Sparisjóður fer gegn lögum til að knésetja öryrkja.

Sparisjóður Vestmannaeyja fer gegn lögum og höfðar mál til greiðslu 2 milljóna króna skuldar öryrkja.

Ekki þarf að spyrja að því að Sp.V. muni ekki láta lög og annað siðferði stoppa sig þegar innheimta þarf skuldir þeirra sem skulda sparisjóðnum tugi eða hundruð milljóna eða annarra merkis manna.

Ég held að viðskiptavinir sparisjóðsins hljóti að íhuga framhaldsviðskipti sín við þessa fyrirmynd Íslenskra viðskiptahátta.

Í mál á hendur ábyrgðarmönnum

Í ljósi þessara ánægjulegra aðgerða....

....flugfreyjanna hjá Air Comet, er ástæða til að hvetja önnur flug- félög til að draga launagreiðslur til sinna flugfreyja úr hófi, svo alls jafnræðis verði gætt á samkeppnismarkaðnum.

.

.

Kasta klæðum í mótmælaskyni