Hvenær er maður bitinn og hvenær er maður ekki bitinn?

Næsta dama sem „þjónustar“ Berlusconi karlinn þarf ekki annað en að vera ósátt við greiðsluna fyrir greiðann eða eitthvað varðandi verklega útfærslu hans og narta því til áréttingar hraustlega í besta vin greiðandans til að afsanna fullkomlega þá fullyrðingu að ekkert „bíti“ á Berlusconi. 

 

Ekkert bítur á Berlusconi

Hámark fáránleikans.

Það er mjög í tísku, þessi misserin, hjá ríkisstjórnum, sem hafa slæma samvisku eins og ríkisstjórn Ísraels, að boða að þetta stríðið, þetta manndrápið eða þessi árásin eða hin á saklaust  og varnarlaust fólk, hafi verið LÖGLEG!

Er til hálfvitalegri málflutningur? Þó einhverstaðar megi finna misvitra manna lagabókstaf sem styðja manndráp og stríð þá hlýtur allt sem er fyrir ofan hreina heimsku og algeran skynsemisskort að segja okkur að slíkt sé allt annað en ásættanleg lausn deilumála.

  

Segja árás á skipalest hafa verið löglega

Barnaskapur

Þetta löndunarbann ESB er álíka áhifaríkt, sem slíkt, eins og Hafnfirðingar settu löndunarbann á öll skip sem skrásett væru í Surtsey.

 

Tilkynnt um löndunarbann á morgun

Yfirstéttarátrúnaðarsértrúarsöfnuðurinn

Á morgun fara danskir og nýbakaðir foreldrar heim með tvíburana sína, frá þeirra þriðju fæðingu.

Þegar lukkulegir foreldrarnir yfirgefa sjúkrahúsið mun sérátrúnaðarsöfnuður kóngafólksins enn einn ganginn missa sig af hrifningu þó þeir viti að þessi „eðalbornu“ börn verði aldrei annað en baggi á sinni þjóð.

 Er ekki lífið dásamlegt?

 

Konunglegu tvíburarnir heim á morgun

Gaf Sarah Palin skotleyfi á Gabrielle Giffords?

Sarah Palin fyrrverandi varaforsetaframbjóðandi í Bandaríkjunum, sem varð helst þekkt fyrir augljósan greindarskort í kosningabaráttunni,  hefur enn á ný undirstrikað að ekki er allt með felldu í heilabúi hennar. Sarah Pallin var ein af svokölluðu Teboðspartíi Repúblikanaflokksins, grúppu sem líklegast yrði víða flokkuð til Nasisma, hugmyndafræðilega séð.

Margir líta á frú Pallin sem sína vonarstjörnu sem frambjóðanda Repúblikanaflokksins gegn Obama í komandi forsetakosningum í nóvember 2012.

Þessi „elskulega“ kona setti á heimasíðu sína kort af Bandaríkjunum, setti riffilsigti á þau fylki sem höfðu þingmenn sem hún taldi að þjóðin þyrfti að „losa sig við“. Eitt riffilsigtið af þremur á Arizona var eyrnamerkt Gabrielle Griffords, þing- konunni sem var skotin ásamt sex öðrum á dögunum.

Textinn á kortinu er:  „Við höfum skilgreint vandann. Hjálpið okkur að leysa hann“.

Svo er að sjá að þessi sjúki byssumaður hafi svarað kalli frú Palin. Palin fjarlægði riffilsigtin af Arizona í kjölfar árásarinnar og var svo ósvífin að votta aðstandendum þingkonunnar „samúð sína“.

En eftir standa öll hin riffilsigtin á heimasíðu tussunnar og bíða þess að einhverjir sækóar svari kalli hennar um nýtt morð!

Hún yrði þokkalegur forseti, tussan sú arna. 

Sjáum hvað Gabrielle Griffords, þingkonan sem var skotin, hafði um þessa taktík Palin að segja:

Palin gagnrýnd fyrir þráðkross

Bandarískur „byssuátrúnaður“ myndi kosta Íslendinga 29 mannslíf á ári.

Enn einn hörmungar skotárásin hefur átt sér stað vestur í Banda- ríkjunum.  Þingkona liggur helsærð á sjúkrahúsi og 6 aðrir gista líkhúsið, þeirra á meðal 9 ára stúlka. Það sorglegasta við þennan atburð er að hann er ekkert einsdæmi, hann er einungis einn í óendan- lega langri röð samskonar atburða.

Atburða, sem ekkert bendir til að sjái fyrir endann á, þar sem óðir byssumenn valsa um og skjóta á allt sem fyrir þeim verður, oft af þeirri ástæðu einni að byssan var við höndina þegar þeir töldu sig eiga einhverjum grátt að gjalda.

Við því er ekki að búast að breyting verði á þessu böli Bandarísku þjóðarinnar á meðan ekki dregur úr ofsadýrkun Bandaríkjamanna á byssum og „töframætti“ þeirra.

Bandaríkjamenn verða því að lifa við þetta ástand á meðan byssur af öllum stærðum og gerðum þykja jafnsjálfsögð áhöld á heimilum og hnífapör og geymsla þeirra jafnvel með þeim hætti að börn hafa að þeim aðgang eins og hræðileg dæmin sanna.

1999 dóu tæplega 29.000 manns í Bandaríkjunum af völdum skotvopna, 80 dag hvern að meðaltali. Þetta samsvarar því að á Íslandi dæju 29 manns á hverju ári af völdum skotvopna!

Hvað ætli þurfi til, svo að menn fari að hugsa hvort raunveruleg þörf sé á því að byssur séu í hvers manns vasa?  Eða þykir þetta ásættanlegt, sem eðlilegur herkostnaður almennrar byssueignar?

Læknar Giffords „hóflega bjartsýnir“

Þeirra er mátturinn og dýrðin

Þegar George Clooney eða aðrar Bandarískar hvítatjaldshetjur mæta á átakasvæði eða önnur vandamálasvæði heimsins, hljóta vandamálin að víkja eins og dögg fyrir sólu og allt færast til betri vegar.

Það hvarflar auðvitað ekki að nokkrum manni að Clooney og aðrar Hollý stjörnur séu, í svona tilfellum, að nýta sér eymd annarra til að varpa kastljósi heimsins að sér, þó ekki væri nema eitt andartak.

Clooney í Súdan

Þegar þar að kemur...

...munu „blessaðir“  Bretarnir,  lengi minnast þess þegar Katla kerlingin sendir þeim bæði tóninn og öskuna og þá munu þeir iðrast ósanngirni sinnar í  Icesave!

  

Þorparinn Eyjafjallajökull

Hvar er Evrópusambandið?

Ólíkt öðrum landshlutum Englands auk meginlands Evrópu, þar sem allt er á kafi í snjó og kuldi er mikill, þá virðist hitinn vera vandamál í London.

Hvernig er það, getur Evrópusambandið ekki miðlað þessu aðeins?  Hvers er það megnugt ef það getur það ekki?

Mikill hiti í Lundúnum

Það er gott að þekkja óvini sína - en enn betra er, að þekkja vinir sína

Já takk fyrir það Obama! Nýtt eldflaugavarnarkerfi NATO ætti að tryggja Íslendingum áhyggju laust líf og góðan nætursvefn ef ekki væri fyrir þá staðreynd að einu árásirnar sem lýðveldið Ísland hefur mátt sæta hafa verið framdar af hendi Breta, bandamanna okkar í  NATO. 

Fyrst beittu Bretar Ísland ofbeldi og yfirgangi í þorskastríðunum og núna aftur þegar þeir beittu hryðjuverkalögunum á svívirðilegan hátt gegn okkur í kjölfar bankahrunsins.  Þar sýndu Bretar að þeir setja það ekkert fyrir sig að sparka í liggjandi menn, henti það stundarhagsmunum þeirra.

Ef  nýtt eldflaugakerfi verndar okkur fyrir „óvinum“ okkar, hvað  verndar okkur fyrir „vinum okkar“ í NATO?

Varnarskjöldur fyrir öll NATO-ríkin