Og.....

..............?

 

Harry Reid berst fyrir pólitísku lífi sínu

Hin viljuga þjóð, Ísland

Um þessar mundir eru liðin 7 ár og 7 mánuðir frá upphafi „Operation Iraqi Freedom“  sem var vinnuheitið yfir innrásina í Írak.  Í innrásinni fóru Bandaríkin og Bretland í brjósti fylkingar bandalags viljugra þjóða, eins og það var kallað. Markmiðið var að steypa  Saddam Hussein  og hans ógnarstjórn og eyða öllum gjöreyðingarvopnunum sem CIA staðhæfði hann byggi yfir. Saddam fannst að lokum en engin gereyðingarvopnin, enda voru þau  ekki til.

Stjórn hersveita hinna viljugu þjóða á hernumdu Írak hefur verið ein samfelld hörmungarsaga frá upphafi til þessa dags. Þó stríðið stæði aðeins formlega séð frá 20. mars 2003 til 1. maí  sama ár, þá er öllum ljóst að stríðinu er fráleitt lokið því sjálfsmorðsárásir, hermdarverk og  launmorð hafa verið daglegt brauð ásamt  allsherjar stjórnleysi. Slíkt ástand verður aldrei kallað annað en borgarastyrjöld.

Það er yndislegt að sjá Nick Clegg, aðstoðarforsætisráðherra Bretlands koma gersamlega af fjöllum um atburðarásina í Írak og heyra hve brugðið honum er. Það er engu líkara en hann hafi aldrei heyrt á Írak minnst fyrr, kannski er það svo.

Wikileaks hefur birt tæplega 400.000 bandarískar leyniskýrslur um Íraksstríðið. Veltum þessu aðeins fyrir okkur. Til að fylla þennan fjölda hafa verið skrifaðar 150 leyniskýrslur á degi hverjum, að meðaltali, um atburði sem nauðsynlegt þótti að leynt færi.

Það er ólíklegt að skýrslurnar sem lekið hefur verið til Wikileaks séu nema brot af öllum þeim skýrslum sem skrifaðar hafa verið um miður fallega háttsemi herja hinna viljugra þjóða í Írak svo ekki sé talað um allar þær misfellur sem aldrei rata inn á skýrslur. Menn hljóta að spyrja sig í ljósi þessa hvort herjunum hafi yfir höfuð gefist tími til góðra verka.

Ísland, þökk sé Davíð Oddsyni og Halldór Ásgrímssyni, ber sína ábyrgð, sem ein hinna viljugu þjóða, á þeim glæpum sem framin hafa verið af innrásarherjunum í Írak.

Ótrúlega alvarlegar skýrslur

Do you Hillary Clinton, swear to tell the truth, the whole truth and nothing but the truth, so help you God?

Það er alkunna að kristnir herflokkar fara með bænir og herprestar  blessa þá í bak og fyrir í Drottins nafni áður en þeir geysast af stað í orrustur, til að drepa menn, konur og börn, meðbræður sína og systur. Þá er öllum tiltækum vopnum og ráðum beitt á allan þann máta sem hugmyndaflug leyfir.  Þá er óhjákvæmilegt að yfir siðferðismörkin sé stigið, ef hægt er að ímynda sér að það hugtak eigi sér tilvist í stríði. Það gerist á öllum sviðum hernaðar  og  því oftar sem kappið er meira.

Var það ekki Kristur sem sagði „Sannleikurinn mun gera yður frjálsa“?  Þó Bandaríkjamenn telji  í hroka sínum,  að þeir standi nær Guði og njóti velvildar hans í ríkari mæli aðrir menn, þá virðast þeir ekki sammála Frelsaranum þegar kemur að sannleikanum um hernaðarbrölt þeirra í Írak og víðar.

Þá snýst sannleikurinn  í andhverfu sína og verður þeim helsi um háls og allt er gert til að leyna sannleikanum og honum drekkt í lygi, líka í Drottins nafni, ef þörf krefur.

Í stríð við sannleikann

Hengjum boðberann

Allt þetta fjaðrafok vegna birtingu leyniskjalanna um starfsaðferðir og hernaðar aðgerðir herja NATO í Írak og Afganistan, staðfestir að vinnubrögð og aðgerðir „varnarbandalagsins“  þola illa dagsins ljós.

Það er sjálf vera herja NATO í þessum löndum og það sem þeir aðhafast þar sem ógna mannslífum en ekki upplýsingar um þær athafnir.

Lítið leggst fyrir góðan dreng, Anders Fogh Rasmussen, að hann skuli hafa fórnað æru sinni og gerst skítmokari NATO. 

 

  

Nató segir WikiLeaks ógna mannslífum

Sæluríkið

Það er óneitanlega dálítið skondið að þrír S-Kóreumenn skuli vera fyrir rétti, ákærðir fyrir að reyna að komast „ólöglega“ til Norður-Kóreu, sem þeir munu dá og dýrka.

Eina tilhlýðilega refsingin við svona heimsku er að dæma þá í „sæluna“ og hjálpa þeim síðan yfir landamærin.

Suður-Kóreumenn flýðu til Norðursins

Dauðakippir

Það kemur skemmtilega á óvart að sjá að smá líf leynist í Jimmy Carter eftir allt saman og ekki seinna vænna, maðurinn er orðin 86 ára.  

Betra hefði verið að blóðið hefði runnið ögn í honum á meðan hann var forseti Bandaríkjanna 1977 - 1981. Carter´s verður helst minnst fyrir að vera einhver litlausasti og verkminnsti forseti Bandaríkjanna.  

Það var eins og Bandaríkjamenn hefðu ánetjast dauða og doða í stjórnartíð Carters, því þeir gengu skrefinu lengra í næstu forsetakosningum þegar þeir höfnuðu Carter og kusu líkið af Ronald Reagan sem forseta.   

 

Heimsþekktir öldungar vilja frið í Miðausturlöndum

Af ávöxtunum skuluð þér þekkja þá!

Er ekki dásamlegt að segjast hafa sannleikann að leiðarljósi, þegar honum hefur verið stungið undir stól.

Hvar höfum við séð sambærilega mennta- og kynþáttastefnu og frá er greint í fréttinni, hvar lærði Síonistastjórnin í Ísrael til verka?

  

Ísraelskur skólastjóri kallaður á teppið

Eitthvað nýtt, ó nei!

Það þarf ekki  að koma neinum á óvart, þó bann við byggingarframkvæmdum Ísraelsmanna á Vesturbakkanum verði ekki framlengt.  Það er hefðbundin aðferð Ísraels til að binda endi á málamynda friðarviðræður þeirra við Palestínumenn að hleypa, í krafti hervalds, landránsliði inn á Palestínskt land.

Þá verður að sjálfsögðu allt vitlaust og Ísraelsmenn geta sagt að Palestínumenn hafi skotið fyrsta skotinu. Útkoman verður á endanum sú, eftir manndráp og voðaverk á báða bóga, að Ísrael verður enn einu skrefinu nær markmiðinu, sem er að innlima allt Palestínskt land í Stór Ísrael.

Umheimurinn situr hnípinn hjá og samþykkir gjörninginn, rétt einu sinni, með aðgerðarleysi sínu.

 

Landtökumenn fagna afnámi byggingarbanns

Kunnuglegt stef

Niðurstaða rannsóknar, sem fór fram á vegum Mannréttindaráðs Sameinuðu þjóðanna á árás Ísraelsmanna á skipalest hjálparsamtaka í maí, kemur ekki á óvart. Mannréttindaráðið telur fulla ástæðu til að sækja Ísraelsmenn til sakar fyrir manndráp og pyntingar.

Viðbrögð Ísraela við niðurstöðu rannsóknarinnar kemur heldur ekki á óvart, en þeir segja rannsóknina hlutdræga, öfgafulla og pólitíska. Ísraelsku  sérsveitarmennirnir voru víst aðeins að verja hendur sínar þegar þeir réðust á skipið Mavi Marmara og skutu og drápu 9 skipverjana um borð í skipinu. 

Það sjá það auðvitað allir að málflutningur Ísraelsku stjórnarinnar er ekki hlutdrægur, öfgafullur og pólitískur. 

  

SÞ sakar Ísraelsmenn um glæpi

Bragðað á eigin meðulum

Vopnin eru að sjálfsögðu ætluð til að verja og viðhalda núverandi spilltu og rotnu stjórnkerfi Sádi-Arabíu, alræði örfárra fjölskyldna, kúgun kvenna og misskiptingu landsins gæða.

Það er undarlegt að Bandaríkjamenn skuli ekki hafa sama ofuráhugann að koma á lýðræði í Sádi-Arabíu og í Írak.  Mikið má vera ef þessum vopnum verður ekki, í fyllingu tímans, snúið gegn þeim sjálfum eins og gerðist í Írak og það væri þeim rétt mátulegt.

Eins og allir vita höfðu Bandaríkin engan áhuga á lýðræði fyrir íbúa Íraks meðan Saddam var bandamaður þeirra og vopnum af öllum gerðum og stærðum var mokað í Saddam til að verja hann - fyrir lýðræðinu, sem öðrum óvinum.

  

Yrðu stærstu vopnaviðskipti í sögu Bandaríkjanna