Tók það þessa miklu tækniþjóð....

....virkilega 8 mánuði að reikna þetta út.

Merkilegt.

Fleiri kusu í Bandaríkjunum

Æ,æ mig auman

Að segja stúlkukindinni upp rétt fyrir 29 ára afmæli hennar tekur út yfir allt.

Höfum við ekki þolað nóg, bankahrunið, Icesave,  Evrópusambandsaðild(?), þótt ekki bættist þetta við? 

Ætlar þessum hörmungum aldrei að linna?

Jessica Simpson ein á ný

Vantar ekki eitthvað í þessa frétt?

Þessi frétt fjallar um, í löngu máli, að hulu hafi verið svipt af einhverju leynimakki CIA.

Ekki er minnst einu orði á hvað hafi verið undir hulunni. Er það fréttin að CIA vinni ekki fyrir opnum tjöldum?

Og ég sem hélt að ekki væri hægt að skrifa frétt án þess að minnast á það sem fréttin fjallar um. En svo lengi lærir sem lifir.

.

Hulu svipt af leyniverkefni

Harkan sex.

Þeir eru ekki að tvínóna við hlutina Frakkarnir. Allt eða ekkert skal það vera.

Frakkar hafa alltaf tekið málin föstum tökum og hugsa ætíð stórt í mótmælum og andófi, hafi þeir til þess tilefni. 

Þeir stöðva alla umferð, loka höfnum o.s.f.v.

Nú hóta starfsmenn varahluta- verksmiðju að sprengja hana í loft upp verði ekki orðið við kröfum þeirra. Ég efast ekki um að hugur fylgir máli.

Við hefðum átt að láta þá semja um Icesave fyrir okkur.

.

Sprengja verksmiðju fái þeir ekki starfslokagreiðslu

Reyklausir vinnustaðir, gott mál en....

....er það ekki full langt gengið að setja um það reglugerð að eins manns vinnustaðir séu reyklausir?

Reyklaust í vörubílum

Hvað er næst, þvottur á snúrum í þingsölum?

Sumum finnst sú skoðun mín eflaust  gamaldags að þjóðþing sem og flestir vinnustaðir séu ekki heppilegir til barnagæslu, hvorki í Ástralíu eða annarstaðar og þá ekki hvað síst með hagsmuni barnsins í huga.

Aumingja konunni finnst greinilega niðurlægjandi að nota dagheimili þingsins, sem mun, ef mér skjátlast ekki því meir, hafa verið sett á laggirnar til að mæður með ung börn gætu sinnt þingstörfum.

Hvað er næst, þvottur á snúrum í þingsölum?

Ef þessi kona væri flugmaður, ætli henni fyndist niðurlægjandi að fá ekki að hossa barninu á hnjánum í vinnunni?

 

Ástralska þingið ekki barnvænt

Andfætlingar eru þeir oft kallaðir......

 ....sem búa á suðurhveli jarðar. En hitt vissi ég ekki að Kyrrahafsbúar væru andáttungar okkar, en áttirnar nunu víst vera öfugar á Kyrrahafinu ef marka má þessa frétt.

„Við höfum vissar áhyggjur af því að þeir skjóti eldflaugum til vesturs, í átt að Hawaii,"  

Sagði  Robert Gates, varnarmálaráðherra Bandaríkjanna um hugsanlega  eldflaugaárás frá Norður-Kóreu.

  

Það er hægt að taka undir ótta Gates af eldflaugaárásum og sérílagi frá N-Kóreu, því ekkert er hræðilegra fyrir vammlaust fólk en að vera drepið af kommúnistum.

 

Varnir auknar við Hawaii

Að segja eitt en meina það gagnstæða.

Benjamin Netanyahu, forsætisráðherra Ísraels segist styðja Palestínskt ríki. En því setur hann svo ströng og óaðgengileg skilyrði að ekki fer á milli mála hvað hann meinar.

Að stofnun Palestínsks ríkis komi aldrei og undir engum kringumstæðum til greina.

Með þessari framsetningu getur Netanyahu sagst hafa boðið frið en verið hafnað. Þetta eru stöðluð vinnubrögð Ísraelsmanna. Ísraelar hafa stundað það að eyðileggja friðarumleitanir á lokametrum samninga með því að boða til nýrra landtökubyggða eða annarra álíka aðgerða og  kallað þannig á viðbrögð hjá öfgamönnum Hamas.

Eina vonin til friðar er að Bandaríkjamenn setji Síonistum stólinn fyrir dyrnar og neyði þá til friðarsamninga, alla leið.

Ræða Obama á dögunum vekur þá von að einmitt það gæti orðið raunin.

 

Netanyahu styður Palestínuríki

Lítill munur á kúk og skít

Ekkert er líklegra en að þeir geti hjálpað hvor öðrum, Ahmadinejad forseti Írans og Netanyahu forsætisráðherra Ísraels að skjóta stoðum undir öfgastefnu hvors annars til að viðhalda spennu og þá helst stríðsástandi í þessum heimshluta.

Enda hæfir þar kjaftur skel og lítill munur er á kúk og skít.

Bjargar Ahmadinejad Netanyahu fyrir horn?

Gordon Brown ætlar ekki.....

  

.

.

.

.

.

.

.

.

.

...að láta af embætti.

Þvert á móti þá boðar hann pólitíska hreingerningu!

Verði ykkur að góðu!

Gordon Brown ætlar ekki að víkja