Lítið kraftaverk

Ég spáði því í innleggi (nr.6) við þessa færslu , á sunnudaginn var, að Vegagerðin myndi ljúka brúarsmíðinni og hleypa umferð á brúnna um eða fyrir þessa helgi, það ætlar að ganga eftir.

Þeir eiga hrós skilið hjá Vegagerðinni og þá ekki hvað síst frá þeim aðilum sem legið hafa nöldrandi á bakinu á henni allar götur frá því vegurinn rofnaði.

Afsökunarbeiðni væri raunar við hæfi.

  Fleiri færslur um sama efni, hér,  hér og hér og hér.

Brúin tilbúin um helgina

Athugasemdir

[Þórir Kjartansson, 15.7.2011 kl. 13:59]

Ef einhver ætti að biðjast afsökuna er það vegamálastjóri sem gaf það strax út að það tæki allt að þrem vikum að opna hringveginn aftur. Ekki skrítið að menn æstu sig svolítið við þau tíðindi.  En svo eru það mennirnir sem vinna verkið, smiðir og tækjastjórnendur sem skera þessa yfirmenn sína niður úr snörunni. Þeir eiga fyrst og fremst  þakkir skildar.

[Axel Jóhann Hallgrímsson, 15.7.2011 kl. 14:18]

Vegamálastjóri er eldri en tvævetur í þessum bransa og veit að betra er  að hafa vaðið fyrir neðan sig í yfirlýsingunum.

Ef hann hefði lofað verkinu á viku og það ekki tekist, ef ekki hefði allt gengið upp, þá þarf ekki að fara í neinar grafgötur með viðbrögðin, yfirlýsingarnar, afsagnarkröfurnar og allt það, þó ekki hefði munað nema einum degi.

Ég fæ ekki séð hvernig hægt er að hrósa hluta þeirra manna sem koma að þessu verki og skamma hina.

Réru ekki allir hjá Vegagerðinni á sama borð í þessu máli?

[Hilmar Þór Hafsteinsson (IP-tala skráð) 15.7.2011 kl. 14:35]

Þú ert sannarlega lítið kraftaverk Axel Jóhann minn og átt hrós skilið.

En mér er fyrirmunað að lofsyngja Vegagerðina fyrir að reyna að klastra upp einbreiðri bráðabirgðabrú yfir Múlakvísl á vikutíma (ef það þá gengur eftir) á hábjargræðistíma ferðaþjónustunnar í landinu.

Leyfi mér líka að benda þér á að ef Vegagerðin hefði staðið við gefin fyrirheit um sólarhringsvaktir við brúarframkvæmdir væri verið að opna brúna í dag.

Sofandaháttur Vegagerðarinnar hefur kostað 28 klst töf á verkinu.

[ls (IP-tala skráð) 15.7.2011 kl. 14:51]

skv. Framkvæmdafréttunum sem Hilmar hefur vitnað í var sólarhringsvakt við að reka niður staurana. Miðað við það sem maður hefur séð, hefur ekki verið bið á því að stálbitarnir eða gólfið hafi komist á staurnana eftir því sem þeir hafa verið komnir niður. Það hefur því ekki tafið verkið að þeir sem vinna við það, hafi tekið sér pásu yfir blánóttina.

[Hilmar Þór Hafsteinsson (IP-tala skráð) 15.7.2011 kl. 15:05]

ls (IP-tala skráð) 15.7.2011 kl. 14:51: Það hefur sem sagt ekki tafið verkið að þeir sem áttu að vinna við það voru sofandi!

[ls (IP-tala skráð) 15.7.2011 kl. 15:23]

Nei, það virðist ekki hafa tafið verkið að þeir hafi hallað sér meðan þeir biðu eftir að staurarnir færu niður.

[Óskar, 15.7.2011 kl. 15:38]

Hilmar er einn af þessum náhirðarbloggurum sem verður afskaplega svekktur þegar ríkisstjórninni eða opinberum aðilum tekst vel upp eins og í þessu tilfelli.  Engu líkara en að helgin sé ónýt hjá vesalings Hilmari.

[ls (IP-tala skráð) 15.7.2011 kl. 15:54]

Það er nú frekar asnalegt að blanda pólítík í þetta (á hvorn veginn sem er), sýnist að (ó)ánægjan með Vegagerðina fari nú ekki eftir flokkslínum. Enda starfmennirnir ráðnir á tímum ýmissa ríkisstjórna

[Hilmar Þór Hafsteinsson (IP-tala skráð) 15.7.2011 kl. 15:57]

Óskar, 15.7.2011 kl. 15:38: Ég er reyndar hóflega bjartsýnn fyrir hönd Vegagerðarinnar um að einbreiða bráðabirgðabrúin komist í gagnið um helgina.

Ef svo verður geta landsmenn vissulega frekar þakkað það kröftugum þrýstingi frá heimamönnum, ferðaþjónustuaðilum og bloggurum eins og mér. 

Stjórnarsleikjurnar eru eflaust ánægðar með þriggja vikna bið eftir brúnni.

[Hilmar Þór Hafsteinsson (IP-tala skráð) 15.7.2011 kl. 15:59]

ls (IP-tala skráð) 15.7.2011 kl. 15:54: Gæti ekki verið meira sammála. Það er bara eins og samspilltar stjórnarsleikjur skilji ekki að verkefni skattborgara er að halda stjórnvöldum á tánum - hvaða angi fjórflokksins sem er við völd.

[Axel Jóhann Hallgrímsson, 15.7.2011 kl. 16:15]

Ég sé ekki Hilmar, hvaða tilgangi tvíbreið bráðabirgðabrú, til 3ja mánaða hefði þjónað öðrum en að gefa þér og félögum frekara tilefni til nöldurs, þar sem smíði hennar hefði eðlilega tekið lengri tíma. 

Eruð þið búnir að reikna það út hjá SAF hvað það muni kosta ferðaþjónustuna að bílar þurfi ef til vill að hægja örlítið á sér meðan bíllinn sem kemur á móti nær að fara yfir brúna?

Ég held að það sé fullkomið ofmat að góður gangur í brúarsmíðinni sé gráti SAF og gagnrýni bloggara að þakka. Ég held að starfsmenn Vegagerðarinnar einir, eigi heiðurinn óskiptan.

[ls (IP-tala skráð) 15.7.2011 kl. 16:27]

Vonandi tefst þetta ekki fram yfir helgi, annars verður þessu kennt um.....

http://mbl.is/frettir/innlent/2011/07/15/bruarsmidum_bodid_i_tertu/

Það fer náttúrlega hellings tími í að gúffa í sig tertu.

[Hilmar Þór Hafsteinsson (IP-tala skráð) 15.7.2011 kl. 16:29]

Axel Jóhann Hallgrímsson, 15.7.2011 kl. 16:15: Sæll félagi. Á forsíðu Fréttablaðsins í dag er greint frá því að ástand vegamála á Íslandi sé sagt hættulegt. Jarfnframt kemur það fram að evrópskir staðlar í umferðaröryggismálum hafa ekki verið innleiddir hérlendis.

Staðreyndin er að ástand vegamála á Íslandi er í skötulíki og einbreiða bráðabirgðabrúin á Múlakvísl er auðvitað brot á öllum Evrópustöðlum.

Ég er að reyna að vekja almenning til umhugsunar um réttmæti þess að gera kröfur á stjórnvöld (hvaða angi fjórflokksins sem það er) og stofnanir ríkisins.

Allt of stór hluti Íslendinga virðist haldinn þeirri firru að það sé dónaskapur og heimtufrekja að krefjast umbóta.

[Axel Jóhann Hallgrímsson, 15.7.2011 kl. 17:22]

Við þurfum ekkert að fara í umræðu um ástand vega almennt í þessu sambandi Hilmar, við vitum af hverju skorið hefur verið niður í viðhaldi vega og við vitum hvar rætur þess niðurskurðar liggja.

Það er kjánaskapur að gera ýtrustu kröfur í núverandi árferði og að þú vísir í Evrópska staðla, máli sínu til stuðnings, er býsna broslegt.

Hvaðan á að taka viðbótarkostnaðinn við tvöföldu brúna sem uppfyllir bæði þína drauma og Evrópska staðla?

[Axel Jóhann Hallgrímsson, 15.7.2011 kl. 17:25]

JA hver skrambinn Is, ætla þeir að gefa sér tíma í tertu og það í miðju verki!

[Hilmar Þór Hafsteinsson (IP-tala skráð) 15.7.2011 kl. 18:04]

Axel Jóhann Hallgrímsson, 15.7.2011 kl. 17:22: Einbreiða bráðabirgðahallærisbrúin yfir Múlakvísl er einmitt hluti af íslenska vegakerfinu Axel Jóhann. Það er býsna broslegt að þér skuli finnast það 'lítið kraftaverk' þegar Vegagerðin töfrar upp úr hatti sínum hættulegt og ólöglegt umferðarmannvirki.

Íslendingar eru ein ríkasta þjóð heims, miðað við höfðatölu Axel Jóhann. Það er til nægt fjármagn til að koma Hringveginum öllum í nútímahorf. 'Norræna velferðarstjórnin' mun hins vegar aldrei finna það fjármagn, enda bundin á klafa hjá AGS við að minnka þjóðartertuna eins og hægt er.

[Bergljót Gunnarsdóttir, 15.7.2011 kl. 21:42]

Axel Jóhann !

[Axel Jóhann Hallgrímsson, 15.7.2011 kl. 21:49]

Takk fyrir þessa indislegu innkomu Bergljót!