Ímyndarþvottur

Ég sé ekki betur en Jacques Coutela hafi verið rekinn  úr National Front fyrir að segja það upphátt sem flestir í þeim „ágæta“ flokki hugsa.

Allir eru á harða hlaupum að afneita hugsanlegum skoðana- eða trúartengslum við fjöldamorðingjann í Útey, innlendir sem erlendir, hraðast og fremstir fara helstu fordómasmiðirnir.

Rekinn úr flokknum fyrir að verja Breivik

Athugasemdir

[Guðmundur Ásgeirsson, 27.7.2011 kl. 13:50]

Skammastu þín ekkert fyrir að gera stórum hópi fólks sem þú þekkir ekki neitt upp svona ógeðfelldar hugsanir? Bara út af einu rotnu epli?

[Óskar, 27.7.2011 kl. 13:53]

Ekki sér ég hað Axel ætti að skammast sín fyrir.  Þeir sem safnast saman í hægri öfgaflokkum á vesturlöndum hafa einfaldlega mjög sjúkar skoðanir á vinsti mönnum og svo maður talar nú ekki um múslima.  Hér á landi er nóg að lesa amx, horfa á omega eða hlusta á útvarp sögu til að sjá að þetta fólk gengur upp til hópa ekki heilt til skógar.

[Axel Jóhann Hallgrímsson, 27.7.2011 kl. 14:14]

Guðmundur, segir stefnuskrá flokksins ekkert um hugsanagang meðlima hans?

[Guðmundur Ásgeirsson, 29.7.2011 kl. 08:22]

Væntanlega. En það virðist ekki skipta hann Óskar hérna máli. Hann hefur ekki fyrir því að kynna sér þá stefnuskrá sem ég fylgi, áður en hann dregur þá ályktun að ég hljóti að vera stórhættulegur öfgamaður lengst til hægri. Ef hann bara vissi hversu röng sú ályktun er...

Axel, ég hef ekki kynnt mér stefnuskrá National Front, þarf svo sem ekki á því að halda. Ef þú hefur kynnt þér hana og komist að upplýstri niðurstöðu um að hún sé svona öfgafull, þá hefurðu gert meira en ég að því leyti, og þá biðst ég velvirðingar ef athugasemd mín hefur verið út í bláinn.