Er skítalykt af málinu?

 

Gæsluvarðhaldskröfu hafnað

Að hafa skítlegt eðli.

Hjálparvörur fyrir stómaþega hafa verið gjaldfrjálsar í meira en áratug en það verð sem Tryggingastofnun greiðir hefur hinsvegar ekki hækkað í sex ár.

En nú bregður svo við vegna mikilla hækkana á vörunum að stómaþegar þurfa að borga stómavörurnar sjálfir þar sem greiðsla Tryggingastofnunar hrekkur ekki til.

Tryggingarstofnun og heilbrigðisráðuneytið hafa þegar afgreitt leiðréttingu á málinu en það strandar í fjármálaráðuneytinu sem hefur legið á málinu síðan í janúar s.l.

Jón Þorkelsson formaður Stómasamtakanna hefur bæði reynt að ná í fjármálaráðherra í síma og skrifa honum en ekki fengið nein svör!

Eðli máls samkvæmt eru það helst öryrkjar og ellilífeyrisþegar sem  aðallega nota þessar vörur, fólk sem sannarlega má ekki við aukaútgjöldum sem þessum.

Er þetta kannski forsmekkurinn, hverjum ríkisstjórnin ætlar að standa undir kreppunni?

Árni M. Mathiesen, kanntu að skammast þín eða ertu haldinn ........ eðli?

. 

Eins og að rukka fyrir klósettferðir

Góður fundur í Háskólabíó

Magnaður borgarafundur í Háskólabíó, góðar framsögur fluttar fyrir troðfullu húsi út í dyr. Margrét Pétursdóttir verkakona átti ræðu kvöldsins, magnaða, málefnalega og  kraftmikla ræðu, flutta af tilfinningu og þunga.  Með betri ræðum sem ég hef heyrt.

 8 ráðherrar af 12 og þokkalegur fjöldi þingmanna mættu á fundinn. Svör ráðherra voru frekar rýr í roðinu og loðin. Þorgerður Katrín flutti aftur 3ja vikna gamla þulu sína að allt yrði að vera upp á borðinu, með vísan til aðkomu þeirra hjóna að Kaupþings foraðinu. Ef hugur fylgir máli hvað þarftu að stokka spilin þín lengi áður en þú leggur þau á borðið Þorgerður?

  

Við verðum að fá að kjósa

Konur án klæða

Þessar ágætu konur yrðu skemmtileg og aðtrekkjandi viðbót við annars velmannaðar mótmælastöður á Austurvelli á laugardögum.  

Svona mótmæli eru ólíkt áferðafallegri og vænlegri til árangurs en eggjakast og skemmdaverk.

Svo er indælt að einhverjir skuli muna eftir blessuðum dýrunum á þessum síðustu og verstu tímum.

Ætla að mótmæla á Íslandi

Trúartáknum kastað á dyr?

Þessi dómari hefur komist að nokkuð skynsamlegri niðurstöðu. Það er grundvallaratriði þar sem trúfrelsi ríkir, að trúartáknum sé ekki att að fólki í opinberum stofnunum svo sem skólum.

Jafnt skal þá yfir alla ganga, ekki gengur að úthýsa einu trúartákni en umbera önnur á sama tíma. Ekki kemur fram í fréttinni hvort trúartáknum t.d. múhameðstrúarmanna hafi líka verið úthýst.

Klæðnaður múhameðstrúar- kvenna t.d. er ekkert annað en gargandi trúartákn, ætli þeim klæðnaði hafi jafnframt verið úthýst úr skólum Spánar?

Ég efast satt að segja um það, enda verður víst umfram allt að gæta þess að styggja ekki það ágæta fólk.

Burt með krossana

ICE NAVY

Það er til einföld lausn á þessu pínlega vandamáli.

Það þarf aðeins að mála skipin grá og mála ICE NAVY stórum stöfum á síður þeirra og þá kemur Björn Bjarnason hlaupandi með meira fé en á skortir.

.

Gæti þurft að leggja skipunum

Með lögum skal land byggja!

 

Ég er fráleitt stuðningsmaður Saving Iceland og hinn umræddi handtekni maður er víst einn af gleðipinnum þeirra samtaka. Og að mínu mati var sekt sú sem hann fékk og afseta í framhaldinu síst of væg.

Ekki fannst mér framganga mótmælenda við Lögreglustöðina til fyrirmyndar eða eftirbreytni nema síður sé.

En það breytir ekki þeirri skoðun minni að maðurinn sá, rétt eins og allir aðrir, lúti sömu lögum og hafi sama rétt og aðrir gagnvart lögunum.

Handtaka hans nú og þær skýringar sem gefnar eru sýna að eitthvað verulega bogið og rotið í yfirstjórn löggæslu landsins og greinilegt í ljósi staðreynda að tilgangur yfirvalda hafi verið einhver annar en einlæg ást á lögum og rétti.

Með lögum skal land byggja eru einkunnarorð Lögreglunnar en ekki er annað að sjá en kominn sé brestur  í  þau ágætu orð. Allir eiga að vera jafnir fyrir lögunum en ljóst að  sumir telja sig töluvert jafnari.

Fráleitt ólögmæt handtaka

Er bankaleyndin svokallaða, hulinshjálmur glæpa?

Lárus Welding fyrrverandi forstjóri Glitnis banka hf.,harmar að Morgunblaðið birti trúnaðarupplýsingar um að verklagsreglur hafi verið brotnar í Glitni, skiljanlega, hvað annað?

Getur verið að Lárus Welding sé þeirrar skoðunar að lögbrot og brot á verklagsreglum verði  lögleg og hið besta mál með því að skrá  „glæpinn“ sem trúnaðarmál?

Er óeðlilegt að ætla út frá þessari hugmyndafræði forstjórans fyrrverandi að ýmislegt miður fallegt sé falið bak við hið sakleysislega orð bankaleynd?

.

Hverju er gaukað að Lalla þarna, feitum díl?

Lárus Welding: Rangt að reglur hafi verið brotnar

Hver má og hver ekki?

 

Hvernig stendur á því að það er talið mikilvægt að halda forstjóra Fjármálaeftirlitsins til hlés og forða honum frá fréttamönnum á sama tíma og formaður bankastjórnar Seðlabankans galar að eigin geðþótta, eins og hani á haug á hormónatrippi, verpandi fúlum hanaeggjum?

,

 

Það ríkir ekkert traust

Fréttaskýring dagsins

Blaðamannafundir Geirs og Ingibjargar hafa verið eins og þar færu illa upplýstir blaðafulltrúar að útskýra fréttir gærdagsins eða draga dulu yfir það sem ekki má vitnast.

Hvað ætli verði þema dagsins, samhugur og samheldni ríkisstjórnarinnar og svo þetta sígilda, fullt traust Geirs á Seðlabankastjóra, sama hvað.......?

.

.

 

Ráðherrar boða blaðamannafund