Bloggfærslur mánaðarins, september 2009
Vandræðagripir þessir froskar
3.9.2009 | 20:46
Spaugilegt | Breytt s.d. kl. 20:47 | Slóð | Facebook | Athugasemdir (0)
Ef Ísraelar hafa rænt skipinu...
2.9.2009 | 13:43
Þeir vita að þeir geta farið sínu fram hvar sem er í heiminum, athugasemda lítið og haga sér svo sannarlega í samræmi við það.
ESB: Arctic Sea líklega með vopnafarm | |
Tilkynna um óviðeigandi tengingu við frétt |
Utanríkismál/alþjóðamál | Slóð | Facebook | Athugasemdir (5)
Nokkur umræða hefur verið í fjölmiðlum um væntanlega inngöngu vélhjólaklúbbsins Fáfnis heitins í samfélag Vítisengla og skipulagða glæpastarfsemi þeim tengdum.
Ríkislögreglustjórinn í eigin persónu lýsti þeirri skoðun sinni í sjónvarpsviðtali á dögunum að banna ætti mótorhjólasamtökin hér á landi og jafnframt skipulagða glæpastarfsemi. Ekki vil ég gera lítið úr góðri meiningu hans. Víst er að koma þessara samtaka hingað er lítið fagnaðarefni.
Í þessari frétt er greint frá því að Ragna Árnadóttir dómsmálaráðherra ætli að leggja fram á Alþingi í haust, frumvarp sem banni skipulagða glæpastarfsemi!
Er ég að miskilja eitthvað hafa glæpir fram að þessu ekki verið bannaðir? Eða er það staðreynd, sem ýmislegt bendir til, að bann við afbrotum á Íslandi nái aðeins yfir staka skyndiglæpi smákrimma en ekki skipulagða starfsemi jakkaklæddra stórbófa?
Margt bendir til að starfsemi Íslensku bankanna síðustu árin hafi flokkast undir glæpastarfsemi og vel skipulagða í þokkabót, hafi jafnvel alltaf gert og geri enn.
Það verður fróðlegt að sjá hvort Íslensku bankarnir verði, í frumvarpi dómsmálaráðherra, undanþegnir banni við skipulegri glæpastarfsemi svo ekki þurfi að leggja þá niður eða stinga þeim inn.
Leita fordæma að banni við starfi Vítisengla | |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 09:32 | Slóð | Facebook | Athugasemdir (4)
Forsetframbjóðandi settur á oddinn
1.9.2009 | 23:46
Nú geta karlkyns kjósendur í Uruguay sett Jose Mujica forsetaframbjóðenda á oddinn í orðsins fyllstu merkingu þegar þeir hyggjast hafa það kammó með sinni heitt elskuðu.
En það er næsta víst að Jose karlinn verður ekki jafn þrifalegur og upplitsdjarfur að leik loknum og hann var áður en hann var kallaður til og settur inn í málið.
Vinstri ríkissmokkar gagnrýndir | |
Tilkynna um óviðeigandi tengingu við frétt |
Dauðinn lá í leyni á leikskólanum!
1.9.2009 | 22:20
Hvernig ratar virk handsprengja í sandkassa á leikskólalóð? Þar sem handsprengjur eru að öllu jöfnu ekki aðgengilegar almenningi og ekki í hvers manns höndum, þá er því miður ekki nema eitt svar við því.
Henni hefur verið komið fyrir þar og þá í einum tilgangi aðeins. Henni hefur verið ætlað að komast í litlar forvitnar hendur sem væru fúsar að kanna leyndardóma þessa undarlega hlutar til fulls með þeim skelfilegu afleiðingum sem það hefði í för með sér.
Fyrir alla lífsins lukku komst sprengjan í réttar hendur áður en voði hlaust af.
Hver stendur að baki þessu og hvað getur valdið svo djöfullegum ásetningi og mannfyrirlitningu?
Eftir situr sá óþægilegi grunur að þetta sé ekki einangrað dæmi og ógnvaldurinn láti ekki staðar numið hér.
Ekki er nema von að foreldrar séu í uppnámi og yfirvöldum brugðið, fólki bregður jú af minna tilefni.
Handsprengja fannst við danskan leikskóla | |
Tilkynna um óviðeigandi tengingu við frétt |
Það er deginum ljósara að ...
1.9.2009 | 21:10
...að stærstur hluti þjóðarinnar þekkir enn muninn á brunaliðinu og slökkviliðinu.
Þjóðin metur störf og stefnu stjórnarinnar, þótt undan svíði og virðist lítt heilluð af málflutningi stjórnarandstöðunnar, sér í lagi lýðsskrumi Framsóknarflokksins og blöðruprumpi Borgarahreyfingarinnar.
Þetta hlýtur að vera stjórnarandstöðunni umhugsunar efni.
Fylgi stjórnarflokkanna eykst | |
Tilkynna um óviðeigandi tengingu við frétt |
Þetta má aldrei, aldrei aftur gerast.
1.9.2009 | 17:33
Eitthver mesti hildarleikur í sögu mannkyns hófst 1. september 1939 með innrás Þjóðverja í Pólland.
En það er eitt sem virðist algert tabú í frásögnum af Póllandsstríðinu, en það er þáttur Sovétríkjanna í því máli.
Það er t.d. rangt sem sagt er í þessari frétt að Þjóðverjar hafi lagt Pólland undir sig. Stalín sá sér leik á borði og réðst, samfara innrás Þjóðverja, inn í Pólland úr austri og lagði undir sig hart nær helming landsins.
Sovétríkin voru því innrásar- og upphafsaðilar stríðsins ekkert síður en Þjóðverjar, þótt þeir hafi ekki hleypt af fyrsta skotinu. En bandamenn kusu að líta framhjá þeirri staðreynd, því þeir bundu vonir við bandalag við Stalín til varnar útþenslustefnu Hitlers, sem síðar varð þegar Hitler réðst á Sovétríkin í júní 1941.
Sovétríkin lögðu líka undir sig Eystrasaltslöndin og réðust á Finnland til landvinninga, þeir hafa aldrei verið látnir gjalda þess, enda töldust þeir til sigurvegara stríðsins, og sigurvegar fremja ekki stríðsglæpi eins og kunnugt er.
Eftir stríðslok færðu Sovétmenn Pólland til, skáru sjálfum sér væna sneið af Póllandi í austri og tóku samsvarandi sneið af Þýskalandi og skeyttu við Pólland í vestri. Þetta var gert án verulegra andmæla annarra bandamanna.
Annar árásaraðilinn á Pólland varð þannig einn af sigurverum stríðsins, rétt eins og Ítalir sem skiptu um lit í lok stríðsins.
Sorglegasti kafli Evrópusögunnar hófst með innrásinni í Pólland | |
Tilkynna um óviðeigandi tengingu við frétt |
Utanríkismál/alþjóðamál | Breytt s.d. kl. 17:35 | Slóð | Facebook | Athugasemdir (4)
Mér er orða vant.
1.9.2009 | 14:31
Það er ógerningur að koma hugsunum sínum í orð eftir lestur svona frétta.
Fimm börnum bjargað úr kynlífsþrælkun | |
Tilkynna um óviðeigandi tengingu við frétt |