Ruglukollar rugla hvorn annan.

Mahmoud Ahmadinejad er tvímælalaust ruglukollur og rétt  að taka honum með fullum fyrirvara.

Útganga Bandaríkjanna, Bretlands og Frakklands undir ræðu hans hjá SÞ væri mjög svo skiljanleg sem mótmæli,  ef þessi sömu ríki létu sjálf svo lítið að skilja og meðtaka svipuð mótmæli gegn þeim sjálfum.

  

Gengu út undir ræðu Íransforseta

Það má en samt ekki

Þetta er gott framtak hjá nemendum grunnskólans í Hrísey. Reykingar skaða, reykingar drepa, ekki minnsti vafi á því.

Með þessu framtaki stíga börnin skrefið til fulls, skref sem löggjafinn þorir ekki að stíga en leysir vandan með hálfkáki og femínistalógík.

Ég hef aldrei skilið þessa femínistahugsun í reykinga- vörnum, sem byggja á banni við auglýsingum og sýnileika vörunnar.

Þótt ég reyki ekki sjálfur og vilji allt tóbak út í hafauga, finnst mér fáránlegt að ekki megi auglýsa tóbak (og áfengi), vöru sem er fullkomlega löglegt að kaupa og neyta. Þetta stangast á við alla skynsemi.

Ef varan er skaðleg er þá ekki skynsemisskorturinn falin í því að leyfa sölu á henni yfir höfuð?

Nær væri að leyfa auglýsingar á vörunni og skattleggja auglýsingarnar og nota það fé beint til forvarna.

  

Vilja banna reykingar

Vanþakklæti er heimsins laun.

Allir vilja olíu, þurfa olíu og orga eftir olíu, meiri olíu og borga fyrir hana uppsett verð, mis ánægðir að vísu.

En þegar olían tekur upp á því að skila sér sjálf þangað sem eftirspurnin eftir henni er hvað mest og það alveg ókeypis, þá bregður svo við að enginn vill hana og ofaní kaupið er stórfé  varið til að eyða henni og fjarlægja.

Skrítið.

Engin olía á land enn

Góður Guðlaugur, áfram Guðlaugur, aldrei að víkja Guðlaugur!

Það kemur ekki mjög svo á óvart að Guðlaugur Þór Þórðarson ætli ekki að segja af sér. Maðurinn er svo forhertur og ófyrirleitinn að hann velti ekki einu sinni fyrir sér þeim möguleika og hreykir sér af því.

Guðlaugur ætlar að vandaðra manna vana að leggja verk sín í dóm kjósenda. Guðlaugur segist svo vandaður að hann láti tug milljóna greiðslur til sín ekki hafa minnstu áhrif á gjörðir sínar.

Sjaldan hefur á Íslandi verið þörf fyrir svona menn og aldrei jafn lítil og núna.

 

Guðlaugur hyggst ekki víkja

Biðleikur í siðbótinni, taka tvö.

Mjög hlýtur Snæfellsbæingum að hlýna um hjartaræturnar við þær fréttir að Magnús Stefánsson „Traustur vinur“ og hrunadansmeistari verði í hérað heim kallaður og þekking hans til heimabrúks nýtt.

Það myndi svo fullkomna og jafna um leið leikinn ef Sturla Böðvarsson yrði líka vestur kallaður sem bæjarstjóraefni Sjálfstæðismanna þar í Snæfellsbæ vestur.

Þeir hafa staðið saman vaktina áður félagarnir, sællar minningar.

Magnús bæjarstjóraefni

Er þetta nýjasta...

...aðferðin til launalækkunar, reka fólk og ráða aftur á lægra starfshlutfalli en lengja á sama tíma vinnutímann?

Mikið hljóta þessi skítseiði hjá póstinum að vera stolt af sjálfum sér.

  

Bréfberum sagt upp

Rúsínan í pylsuendanum

Það má auðvitað deila um, hvort æskilegt sé að frambjóðendur troði upp með pylsur og gos handa kjósendum og börnum og hvar þeir gera það.

Það má líka deila um hvort það sé barnalegt eða ekki að stökkva upp á nef sér yfir þannig uppákomum.

Að mínu mati eru hvorki pylsurnar eða mótmælin þungamiðjan í þessari frétt. Rúsínan í pylsuendanum er tvímælalaust innlegg Morgunblaðsins þegar blaðið gerir það að aðalatriði,  hver mótmælti.

Þess má geta að sundlaugargesturinn er bróðir Oddnýjar Sturludóttur frambjóðanda Samfylkingarinnar í Reykjavík.  

Kvartar undan kosningaáróðri í sundi

Fita knésetur Bandaríska herinn

Feitt fólk ógnar tilvist Bandaríska hersins. Allir sem ógna hernum ógna Sam Frænda og þeir sem það gera eru undantekningarlaust flokkaðir sem óvinir og hryðjuverkamenn.

Herinn vill að fólki verði bannað að fitna. Feitu fólki gengur verr en grönnu að drepa annað fólk, sem er slæmt, verulega slæmt.

 

Offita ógnar Bandaríkjaher

Til hamingju með daginn!

Til hamingju með daginn allir landsins launþegar!

Þeir sem ekki geta tekið þetta til sín, láti bara eins og ekkert sé og haldi áfram í sinni fýlu.

 

Fjölmenni í kröfugöngu

Ekkert er ungbörnum hollara og betra....

....en móðurmjólkin. En brjóstagjöf getur að sjálfsögðu farið úr böndunum og út í öfgar eins og annað.

Little Britain gerir þessu góð skil, ein góð klippa af mörgum.

 

Með fimm ára son sinn á brjósti