VÁ !

Mikið var.

Næsti.....

Hreiðar Már handtekinn

Hefur útgerðin hagrætt sér til helvítis?

Er það virkilega svo að ekki sé hægt að fara fyrningarleiðina, afturkalla kvótann á löngum tíma vegna skuldastöðu útgerðarinnar?

Hvernig stendur á þessum ofurskuldum útgerðarinnar? Hafa ekki útgerðarmenn og málpípa þeirra LÍÚ hamrað á því hvað kvótakerfið skapi mikla hagræðingu og bætta afkomu og ekki verði gert út á Íslandi án kerfisins?

Það er deginum ljósara að geti núverandi kvótahafar ekki gert út nema með bullandi tapi og skuldasöfnun, þrátt fyrir alla hagræðinguna og kosti kvótakerfisins, þá eru þeir ekki á vetur setjandi og best að taka af þeim kvótann strax og afhenda hann öðrum sem betur kunna til verka.

Það er engin ástæða til að núverandi útgerðir haldi kvótanum til þess eins að safna meiri skuldum.  Það er því tilgangslaust að taka langan tíma í fyrninguna, hún verður best framkvæmd strax. 

 

Björn Valur: Fyrningaleiðin ófær

Eiga dómarar ekki dætur?

Er þetta hæfileg refsing og hæfilegar skaðabætur að mati dómara, ef barnungum dætrum þeirra væri nauðgað?

Fébætur, hversu háar sem þær væru gætu að vísu aldrei bætt þann skaða sem svona kvikindi valda.

Þegar samanlagðar fébætur allra stúlknanna, sem voru fórnarlömb svínsins, eru þær sömu og  einstaklingi voru dæmdar fyrir hugsanlegan starfsmissi er eitthvað mikið að.

Hvernig getur hugsanlegur starfsmissir verið verðmeiri en framtíð og sálarheill fjölmargra stúlkna.

Dómarar þið sem eigið dætur, er þetta það sem þið gætuð óskað þeim?

Hugsið! Takið ykkur tak! Andskotinn hafi það!

 

Fimm ára fangelsi fyrir gróf kynferðisbrot

Það nístir inn í bein - ég gleymdi að kaupa hamsatólg...

...og því þurfti ég að nota „vestfirðing“ út á saltfisk kvöldsins.  Það var svo sem í lagi því saltfiskur er losæti sama hvaða flot er notað, en betra hefði verið að hafa hamsatólgina.

Þó ég hafi verið kvæntur vestfirðingi , ja ég man ekki hvað lengi, hef ég aldrei orðið fullkomlega sáttur við  „vestfirðing“ út á fiskinn.

En þegar ég hef hlustað á „Bad To The Bone“ þá fellur allt í sömu skorður og áður þrátt fyrir tólgarleysið.

  

Landvættirnar snúast til varnar

Drunur heyrast víða á landinu. Veðurstofan telur að drunurnar komi  frá Eyjafjallajökli.

En líklegasta skýringin er samt sú að Landvættirnar séu hreinlega búnar að fá nóg af spillingunni og áhugaleysi stjórnmálamanna um úrbætur og byrsti sig þeim til viðvörunar, hver í sínum landsfjórðungi.

.

  

Drunur hafa heyrst víða

Dýr mun Hafliði allur...

...ef svo er hvort eyra.

 

Er það ekki full þung refsing, fái konukindin 50 ára fangelsi fyrir að narta í eyrað á karlpungnum?

 

Ég var að hugsa um að hafa svið í kvöldmatinn. Ég hugsa að ég láti vera að narta í eyrun.

.

 

Kona beit eyra af manni í gleðskap

Á hvaða vegferð eru bankaráð og bankastjóri Seðlabankans?

Það liggur ljóst fyrir að það er ekki vilji stjórnvalda að laun seðlabankastjóra verði hækkuð.

Stjórnvöld verða að gera fulltrúum sínum í bankaráði ljóst til hvers er ætlast af þeim. Sé þeim ófært að framkvæma vilja og kröfu þjóðfélagsins þá eiga þeir að víkja.

Ef Már Guðmundsson getur ekki unnið á þeim kjörum sem í boði eru, þá er valið hans.

Svo má líka spyrja sig hversu skynsamlegt það er, í ljósi nýfenginnar og dýrkeyptrar reynslu, að sitja uppi með seðlabankastjóra sem telur sig eiga stjórnvöldum grátt að gjalda.

   

Hækkun kemur ekki til greina

Hefur bann við búrkum tilætluð áhrif?

Er ekki notkun búrku frekar krafa og þrýstingur karla en einbeittur vilji kvenna?

Vonandi munu sektir og refsingar vegna búrku notkunar ekki leiða til þess að karlar muni í auknum mæli halda konunum innan veggja heimilisins til að forðast sektir, frekar en leggja búrkuna af.

Ef það gerist hefur þessi tilraun til að „auka frelsi kvenna“ snúist upp í andhverfu sína.

 

Sektuð fyrir búrkuna

Hver kannast ekki við bíómyndirnar....

 ....um The Pink Panther þar sem Peter Sellers fór á kostum ásamt Herbert Lom.

Hér er klippa úr -The Pink Panther Strikes Again.-

 

Bleikur pardus handtekinn

Hvar er Ólafur Örn í röðinni?

Gott mál, gott mál...

...en ég verð að viðurkenna að ég veit ekki rassgat, þó ég búi í Grindavík, hvar þessi Ólafur Örn Ólafsson bæjarstjóri Grindavíkurbæjar, sem skrifaði undir þennan samning, er í röðinni á löngum lista bæjarstjóra sem eru á launum hjá bænum.

 

Jarðvarma- og eldsneytisverksmiðja rís í Grindavík