Verður ekki að kippa karlinum....

 ....heim og úr utanríkisþjónustunni ef hann hefur Alzheimer á svona háu stigi.

Ekki er forsvaranlegt að láta hann valda meira tjóni en orðið er.

Hann er sjúkur, og þarfnast aðhlynningar.

 

Kannast ekki við handstýringu

Mér er í dag dóttursonur fæddur

Yngri dóttir mín,  Ingibjörg Axelma og hennar maður,  Alistair Jón, eignuðust myndarstrák um miðjan dag  í dag.

Fæðingin gekk bæði fljótt og vel fyrir sig og móður og barni heilsast vel. Benjamín er 51 cm og 3760 gr.

Þá eru fjögur barnabörn í höfn og það fimmta á leiðinni.

Þetta verður gott ár.

Klessa á vegg.

Þingmenn Hreyfingarinnar bjóðast til kosta annað húsnæði fyrir þinghald yfir skemmdarvörgum svo koma megi að sem flestum stuðningsmönnum þeirra  á áhorfenda- pallana, í þeirri von að geta breytt dómstólnum í sirkus.

Merki Hreyfingarinnar á heimasíðu þeirra er afar athyglisvert . Það líkist mest málningar slettu á vegg. Sem mun vera myndræn útfærsla á stefnuskrá Hreyfingarinnar.

Sem er þegar allt kemur til alls einmitt það sem hreyfingin virðist standa fyrir og vera  - klessa á vegg.

 

Vilja þinghald í stærra rými

Nú eru þeir hlessa Björn Bjarna og snati hans, Árni Matt...

...og botna hvorki upp né niður í dómsmálaráðherranum, sem lét umsögn og mat dómnefndar á hæfi umsækjenda ráða för við skipan dómaranna en ekki flokksskírteinin eða ættar- og vinatengsl.

 

Fimm héraðsdómarar skipaðir

Fleiri hafa hent heilum plötum

Ég henti tveim heilum plötum (diskum) með Kristjáni Jóhannssyni  2004 eftir að hann hældist af því að hann kæmi fram frítt á tónleikum til styrktar krabbameinssjúkum börnum, ásamt öðrum listamönnum sem gáfu vinnu sína.

Svo upplýstist að Kristján tók „aðeins“  2 milljónir fyrir launalausa framlagið og hafði að auki logið út frítt flug með Flugleiðum, því hann ætlaði að syngja launalaust fyrir veiku börnin.

Í framhaldinu varð hann sér illilega til skammar í Kastljósþætti.

Diskur með Kristjáni mun aldrei aftur koma inn á þetta heimili.

 

Heil plata fór á haugana

Toppurinn að vera í teinóttu.

Ef jakkafatakrimmar fara að streyma inn í fangelsin er ljóst að hanna verður nýja fangabúninga.

Það er ekki forsvaranlegt að bjóða forhertum bankastjórum upp á  almúga teinóttar druslur.

Meðfylgjandi er tillaga að fanga teinóttu fyrir auðmenn, svo þeir geti borið höfuðið hátt innanum óbreytta fanga.     

 

 

. 

Hefur frest til hádegis

Erótískir lögreglubúningar! Já góðan daginn...

...hvað er nú það, er svoleiðis til? Hugsaði ég með mér.

Eftir stutta skoðun opinberaðist fáfræði mín, nánast allar starfsstéttir virðast eiga erótíska-útgáfu af einkennisfatnaði þeirra,.....lítum á nokkur dæmi.

                           

Stal erótískum lögreglubúningum

Boðunin er í póstinum Ólafur....

....þú getur treyst því!

 

Ekki boðaður til skýrslutöku

....næsti gjöri svo vel!

  

Flott.... og áfram svo!

 

Annar í skýrslutöku

Ritskoðun er ekki bara í Úkraínu hún er líka á mbl.is

Í þessari frétt segir mbl.is frá meintri ritskoðun í Úkraínu þar sem fréttamenn fái ekki að fjalla um ákveðin mál.  

Morgunblaðið hefði átt að geta þess að því hugnaðist vel þessi stefna stjórnvalda Úkraínu því þeir viðhefðu og framkvæmdu það sama.  

Í dag fékk ég tölvupóst frá Árna Matthíassyni umsjónamanni mbl.is, þar sem mér var gert að afmá af blogginu athugasemdir frá Skúla Skúlasyni. Í póstinum frá ÁM segir m.a:

 

Í umræðum við bloggfærslu þína "Hefur bann við búrkum tilætluð áhrif?", http://skagstrendingur.blog.is/blog/skagstrendingur/entry/1051058/, eru athugasemdir frá Skúla Skúlasyni sem brjóta gegn skilmálum blog.is að okkar mati,... ...Ég bendi þér á að taka athugasemdirnar út, .... 

Þetta væri svo sem gott og gilt og skiljanlegt ef mbl.is væri ekki þegar búið að frýja sig ábyrgð af öllum færslum og lýsa henni alfarið á hendur viðkomandi bloggara með eftirfarandi athugasemd sem birtist um leið og blogg er sett inn: 

„Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins“.

 Mbl.is verður að ákveða hvorumegin ábyrgðin á skrifum og athugasemdum liggur, þeir geta ekki sagt hana hjá bloggara en ætla samt að ritstýra bloggum þegar þeim þykir henta.  

Þó ég sé ekki sáttur við þessa ritskoðun þá eyddi ég athugasemdum SS því ég get ekki annað en verið sammála þeim hjá mbl.is að það sem frá Skúla Skúlasyni kemur er á köflum vart prenthæft eða eftir hafandi.   

Segja ritskoðun í Úkraínu