Veiruskita er það heillin.

 Ætli umrædd veiruskita hafi borist í Sigurð Einarsson út í London? Honum líður illa í maganum þessa dagana.

Vonandi fær hann ekki súrdoða í framhaldinu.

  

Veiruskita reyndist væg

Hvernig eru aðrir fréttamenn á fréttastofu Stöðvar2 til höfuðsins ef Óskar Hrafn var þeirra skarpastur?

Óskar Hrafn Þorvaldsson fyrrverandi fréttastjóri Stöðvar 2 virkaði satt að segja ekki trúverðurgur í viðtalinu í Kastljósi fyrr í kvöld, þrátt fyrir að um hann væri farið silkihöndum.

Maður sem segir ekkert nema sannleikann og heldur sig aðeins við staðreyndir, þarf ekki að hika og hugsa og tafsa út úr sér svarinu við einföldustu spurningum.

Hann virkaði satt að segja eins og ákvarðanafælinn hálfviti sem gæti ekki gert upp við sig í hvorn fótinn hann ætlaði að stíga og fráleitt sá skarpi einstaklingur sem væri hæfur og líklegur til að valda stöðu  fréttastjóra sjónvarpsstöðvar.

Menn hljóta að spyrja sig eftir Kastljósþáttinn hvað Óskar Hrafn hafi fengið fyrir að draga fréttina til baka og að gera sig að fífli?

Hætti á eigin forsendum

Það hefði komið verulega á óvart....

....hefði Jón Steinar ekki viljað hafna gæsluvarðhaldskröfunni og skilað séráliti . Það mun hann að líkindum gera í öllum málum þessu tengdu sem ekki hljóða upp á sýknu eða frávísun.

Mafían getur treyst því að Jón Steinar verði trúr sinni köllun út í gegn.

 

Næg tækifæri til að hafa áhrif á aðra

Gerðu það Sigurður, komdu heim, gerðu það vertu memm!

Það er deginum ljósara að á Íslandi búa tvær þjóðir, A þjóðin og B þjóðin. Þegar B maður er handtekinn er hann settur í járn og ekki fluttur milli húsa, úr varðhaldi í dómstóla eða annað, nema í járnum.

Nú bregður svo við að ekki verður lengur hjá því komist að handtaka A menn og á þá eru ekki notuð járn, þeir valsa lausir og á eftir tölta hlédrægir gæslumenn rétt eins og þeir væru lífverðir en ekki fangaverðir.

Þurfi saksóknari að ná B manni heim, erlendis frá,  er allt kerfið sett í gang, erlendis sem innanlands og menn sendir utan til að sækja viðkomandi. 

En þannig er ekki farið með A manninn Sigurð Einarsson, sem sinnir ekki boðun. Nei saksóknarinn fer í eigin persónu utan til að freista þess að ná augnsambandi  við Sigga til að fá hann til að koma heim með góðu.  

Menn geta svo spurt sig hvort líklegt væri að saksóknari færi í eigin persónu utan til að ná B manni heim.

DV: Freistar þess að ræða við Sigurð

Því verr gefast VG ráð sem fleiri koma saman.

Gísli Árnason , formaður svæðisfélags Vinstri grænna í Skagafirði hefur sent fjölmiðlum tilkynningu þar sem átalin eru harðlega áform um sameiningu atvinnuvegaráðuneytanna í eitt.

Látið er hálfgildis í veðri vaka að ráðuneyti sjávarútvegs, iðnaðar, og landbúnaðar hverfi og enginn verði á erfiðum tímum framundan til þess að sinna málefnum þeirra!

Hvaða helvítis bull er þetta, eru menn fullir fyrir norðan?  Það á ekki að leggja niður þessi ráðuneyti, einungis að sameina þau í eitt og þaðan verður málaflokkunum sinnt sem áður. Engin hætta er á að hagsmunasamtök hverskonar passi ekki uppá að þeirra málaflokki verði ekki sinnt í sameinuðu ráðuneyti.

Með þessum hugsunarhætti svæðisfélags VG ætti sjávarútvegsráðuneytið ekki að vera eitt heldur mörg, hver fisktegund ætti þá að hafa sér ráðuneyti og hvert húsdýr sitt í landbúnaðarráðuneytinu.

Þá þætti þeim í svæðisfélaginu  nú gaman að lifa. 

Svæðisfélag VG segir að einungis sparist 160 milljónir við þessa sameiningu, eins og það sé enginn peningur. Þeir leggja þá væntanlega til að í stað sameiningar ráðuneytanna verði frekar aukinn niðurskurður, um þessar millur, á sjúkrahúsinu á Sauðárkróki eða í annarri þjónustu í Skagafirði.

Hvernig lafir svona félagsskapur  saman, sem öllu vill sundra?

  

 

Breytingar á stjórnarráðinu mæta andstöðu

Ásmundur, verður stefnumálum VG betur framkomið í stjórn Framsóknar og Íhalds?

Þessi ríkisstjórn og þá ekki hvað síst þingflokkarnir sem að henni standa verða að fara að ákveða hvort ætlunin sé að standa  við málefnasamning ríkisstjórnarinnar  og starfsáætlun.  

Þeir sem sitja öfugt á þóftunum og ætla að róa frá settu marki verða að fara frá borði og koma hugðarefnum sínum í þann farveg sem þeim þykir vænlegri.

Það verður ekki bæði sleppt og haldið Ásmundur, nú er tími ákvörðunar upp runnin, viltu vera úti eða inni?

 

Aukafundur í ríkisstjórn

Smellu(þöngul)hausar

Eru því engin takmörk sett hvað olíufélögin telja sig geta borið á borð fyrir fólk?

Olís auglýsir þessa dagana „NÝTT SMELLUKERFI“  á gaskútum!  Þvílík þvæla, það er ekki einungis rangt að þetta sé nýtt kerfi heldur hrein og klár lygi.

Svo kallaðir kósangas-kútar (própangas) hafa haft nákvæmlega svona smelluhausa svo lengi sem ég man eftir mér.  

Hver er tilgangur Olís með því að ljúga að fólki að þeir séu að innleiða einhverja nýjung?

Flýgur Iceland Express á brott á morgun?

 Er það tilfellið, flýgur Iceland Express frá Akureyri á morgun og koma ekki aftur?

Er Pálmi alfarinn með allt sitt hafurtask, brask og svínarí, má treysta því? 

Verður góður dagur á morgun?

   

Express flýgur frá Akureyri á morgun

Afar undarleg fyrirsögn á viðbjóðslegri frétt.

Af undarlegri fyrirsögninni má ýmsar ályktanir draga, en ekki gæti  það hvarflað að nokkrum manni við lestur hennar að hún væri inngangur fréttar um að hreinræktað ógeð og viðbjóður í mannsmynd hafi loksins yfirgefið þetta líf og farið, verðskuldað, lóðbeint til „helvítis“. 

 

Það liggur við að maður óski þess að dauðastríð hans hafi verið eins óeðlilegt og kvalafullt og hugsast getur. 

 

Þvílíkur andskotans viðbjóður.  

 

Ofbeldismaður lést í gæsluvarðhaldi

Þegar ein kýrin pissar þá......!

Það er auðvitað visst öryggi í samtengingu rafmagns um landið, en um leið virðist falin í henni mikill veikleiki.  Sem lýsir sér í svona keðjuverkandi útsláttum og rafmagnstruflunum.

Það er spurning hvort vonlaust sé að hanna kerfið þannig að þó ein kýrin pissi, þá pissi ekki sjálfkrafa allar kýrnar í fjósinu.

Röð bilana olli rafmagnsleysi