Slys? – Nei glæpur!

Olíulekinn í Mexíkóflóa er orðin að mesta umhverfisslysi  í sögu Bandaríkjanna.

Raunar er þetta ekki slys heldur hreinn og klár glæpur ef marka má viðtal í fréttaskýringarþættinum 60 mín nýlega, hvar rætt var við starfsmann á borpallinum, Mike Williams, sem dró upp, vægast sagt myrka mynd af stafsháttum BP.  Mike komst naumlega lífs af, en 11 félagar hans biðu bana.

Greinilega eru ekki allir sammála um að BP beri ábyrgð á glæpnum, þeirra á meðal er frú Sarah Palin f.v. varaforsetaframbjóðandi, samkvæmt frétt á Vísi.is:

„Sarah Palin, varaforsetaefni Repúblíkana í síðustu forsetakosningum, segir að umhverfisverndarsinnar beri ábyrgð á olíulekanum á Mexíkóflóa. Andstaða þeirra við olíuboranir á landi hafa neytt stjórnvöld og einkafyrirtæki til ráðast í afar áhættusöm verkefni á miklu dýpi“ 

 Fréttin í heild hérna.

Frú Palin kýs að horfa algerlega framhjá þeim staðreyndum að BP hundsaði  reglur og þverbraut allar öryggiskröfur til að spara tíma og fé.

Þessi skoðun hennar kemur ekki á óvart, þar sem hún er boðberi þeirrar hugmyndafræði að taka beri fjármuni fram yfir fólk.  

 

.

 

Ráða betur við olíulekann

Til hamingju með daginn sjómenn!

Ég óska sjómönnum og fjölskyldum þeirra, og raunar landsmönnum öllum til hamingju með daginn því föðurland vort hálft er hafið.

 

Kona á framabraut

Auðvitað stefnir Hanna Birna á varaformanninn og landar honum með stæl. Hvað annað eftir þennan stórsigur hennar í borginni þar sem hún jók minnihluta sjálfstæðismanna svo um munaði.

Menn hafa forframast út á minna.

  

Íhugar varaformannsframboð

Geggjuð hugdetta

Þessi „hugljómun“  egypska dómarans eru hreint og klárt kynþátta- og trúarhatur og hefur ekkert með þá deilu að gera sem er í gangi í Palestínu og færir það mál ekkert nær lausn.

Honum væri nær þessum durti, að beina frekar kröftum sínum gegn ríkisstjórn Ísrael en löndum sínum og ísraelskum eiginkonum þeirra og börnum.

Ruglaður tappi.   

 

Börn og eiginmenn ísraelskra kvenna svipt ríkisborgararétti

Enn einu sinni...

 ...slapp sá stóri, nema hvað!

 

Tólf laxar komnir í Blöndu

Allt getur nú gerst...

... þegar menn eru á felgunni og viðeigandi búnaður er við höndina.

 

Laminn með felgulykli í höfuðið

Vonandi er gosinu lokið, en ólíklegt.

Gossaga fjallsins segir okkur að meiri líkur séu, en minni, að gosinu sé ekki lokið, því miður.

 

Þó enginn vilji að gosið taki sig upp að nýju þá hlýtur að vera skynsamlegra að gera ráð fyrir því og haga sér samkvæmt því, en að gera það ekki.

.

 

Ný óróalota í jöklinum í nótt

Eureka, eureka!

Frá upphafi kvótakerfisins hefur Hafró lagt til niðurskurð á aflaheimildum þorsks, nánast ár hvert, í ljósi mælinga á stofnstærðinni. 

Núna bregður svo við að mælingar Hafró sýna að hrygningarstofn þorsks hafi eitthvað braggast. Stekkur þá ekki fyrrverandi sjávarútvegsráðherra, Einar Guðfinnsson, inn á sviðið og hrópar eureka, eureka, kerfið er að virka!

Ráðherrann telur að niðurskurðinn  sem hann ákvað 2007 og var nr. 20 og eitthvað í röð slíkra ákvarðana sem engu skiluðu, sé klárlega að skila okkur stærri veiðistofni.

Kerfið er sem sagt að virka og allt Einari að þakka, ekki spurning um það.

 

Klár karl hann Einar, í sinni afneitun.

  

Rétt ákvörðun að draga úr veiðum 2007

Lífsins elexír

Lítil hætta er á öðru en þessi „lífsins elexír“ sé svikinn og fals eitt, eins og allt sem kemur úr smiðju þessa misheppnaða þjóðfélags.

Af atburðum síðustu vikna verður ekki ráðið að heilafrumum ráðamanna í N-Kóreu hafi fjölgað.

.

 

Norður-kóreskur ofurdrykkur

Það er á tæru...

 

... að bændur og búalið undir Eyjafjöllum komast ekki í gegnum öskuna og svartnættið nema hafa CCR í græjunum í dráttarvélunum til að hífa sig upp.

Verður ekki betra.

 

Fyrsti sláttur í öskufjúki