Þorgerður á þing

Hér er niðurstaða í skoðanakönnun á þessari síðu, sem stóð yfir í réttan sólarhring, um 80 svöruðu.

Spurt var: Hvað finnst þér um endurkomu Þorgerðar Katrínar á þing?

Það er frábært                  11,5%

Þokkalega sáttur                1,3%

Alveg sama                        6,4%

Verulega ósáttur               20,5%

Bíddu meðan ég æli          60,3%

Það er ljóst að endurkoma Þorgerðar á Alþingi hefur lítinn hljómgrunn meðal gesta á þessari síðu. Kærar þakkir fyrir þátttökuna.

Ég vek athygli á nýrri könnun hér til vinstri!

  

Ögmundur er mættur, gott fólk.

Ég verð seint talinn NATO sinni og vil gjarnan sjá Ísland standa utan við þetta svokallaða „varnarbandalag“. En þjóðaratkvæðagreiðsla um úrsögn úr NATO er ekki mál málana í dag, margt er brýnna og þarfara.

Það þarf að koma hjólum atvinnulífsins sem fyrst á fullan snúning. Þegar það er að baki má fara að ræða gæluverkefnin.

Ég hélt satt best að segja að Ögmundur Jónasson biði í það minnsta til morguns með yfirlýsingar sínar og taumlausa framkvæmdagleðina.  En sennilega náum við ekki inn í helgina áður en fyrstu grænu bólurnar spretta fram á samráðherrum hans, ef örlar ekki á þeim nú þegar.

Íhugi þjóðaratkvæði um NATO

Viðskiptaflétta var það heillin

Öllu má nú nafn gefa, en er það ekki full langt seilst, núna í september 2010 tveimur árum eftir hrun að kalla harðsvíraðar blekkingar og samblástur um miljarða fjársvik viðskiptafléttu?  

  

Viðskiptaflétta þar sem allt var ofmetið jafnt

Trúin gerir mennina mikla.

Þegar Stephen Hawking kveður sér hljóðs er rétt að leggja við hlustir því hann er einn af okkar fremstu hugsuðum og virtustu vísindamönnum.

Ekki voru það þó skoðanir Stephen Hawking‘s sem mesta athygli mína vöktu, heldur eitt bloggið um kenningar hans.

Þar segir m.a.:

„Ekki eru þetta sjálfljós sannindi af því að hugleiða þau, svo mikið er víst... ...Kristnir menn vita frá frelsara sínum betur en Stephen Hawking, að Guð skapaði himin og jörð. Það er engin ástæða til að gleypa við neinu, sem ekki hefur verið lagt á borð fyrir okkur með knýjandi sönnun.“

Ég segi nú bara „góðan daginn, gamla gráa skólahús!“ Höfundur bloggsins, sem er ákafur trúmaður svo ekki sé sterkar að orði kveðið, varar við því að taka orð Hawking‘s alvarlega og að menn eigi ekki gleypa við einhverju sem ekki sé pottþétt eða ósannað.

Það er vandséð af þessum orðum trúmannsins á hverju hann byggir sína Guðstrú, ekki getur hann byggt hana á Biblíunni, því hvergi er annað eins safn af óljósum og ósönnuðum fullyrðingum, loftköstulum og beinlínis beinum blekkingum og í þeirri ágætu bók.  

 

E.S.  Ég minni á könnunina hér til vinstri.

Ljóst að Guð skapaði ekki heiminn

Er nýja stjórnin tveggja flokka stjórn eða bara gamla sex flokka stjórnin í nýju fötum keisarans?

Jæja þá hefur Álfheiður Ingadóttir lokið örstuttu en rándýru stjórnunarnámskeiði  sínu og fallið með bauki og bramli.  Í stað hennar kemur Ögmundur karlinn Jónasson aftur í ríkisstjórnina, en hann gafst upp í fyrra, eins og kunnugt er, eftir stutta legu á ráðherrabekknum. Engum sögum fer þó af því að pólitískt heilsufar Ögmundar hafi braggast.

Hverju mun þetta breyta, sameinar þetta VG, mætir þessi fimm flokka þingflokkur til þings sameinaður og einhuga eftir þessa breytingu? Hafa Ögmundur, Atli, Ásmundur og Lilja litla Mó staðfest að þau muni ekki sinna eðlinu og hlaupa út undan sér við fyrsta tækifæri?

Þó Guðbjartur Hannesson sé góðra gjalda verður þykir mér illt að fórna Kristjáni Möller fyrir hann, hafi breytingin átt að vera til bóta.  Nær hefði verið að nýta tækifærið og fjarlægja dragbítinn Árna Pál Árnason.

Ég nenni ekki að eyða orðum á þá vitleysu að utanþingsráðherrarnir hverfi úr stjórninni, það er þyngra en tárum taki.

E.S. Takið þátt í skoðanakönnuninni hér til vinstri.

 

   

Tillaga um breytingar samþykkt

Lán fyrir Ljósanótt

Ljósanótt hefur verið fjölsótt og skemmtileg, gott menningarlegt framtak og ekki spurning um það. En það er ekki nóg, eitthvað kosta öll herlegheitin Reykjanesbæ, þó eitthvað kunni að skila sér inn með óbeinum hætti.

Nýjustu fréttir herma, að eftir áralanga stjórn Sjálfstæðisflokksins, sé bæjarsjóður Reykjanesbæjar rúmlega galtómur og komi til með að vera það um nánustu framtíð.  

Hver lánar gjaldrota bænum, sem ekki á fé fyrir daglegum rekstri,  svo Árni bæjarstjóri geti haldið carnival og dottið í það?

Ljósanótt sett í dag

Agnarsmá skoðanakönnun

Ég hef sett inn skoðanakönnun hér til vinstri um boðaða endurkomu Þorgerðar Katrínar á þing. Gjörið svo vel að taka þátt. Könnunin verður opin í sólarhring.

Skíturinn sópar sjálfum sér undan teppinu

Það er ólíkt hvað Steinunn Valdís Óskarsdóttir  er rismeiri núna í augum landans en Þorgerður Katrín Gunnarsdóttir svo ekki sé talað um Guðlaug Þór Þórðarson.

Fregnir herma að Þorgerður Katrín ætli að sópa sjálfri sér undan teppinu og setjast aftur á þing.

Guðlaugur Þór fór auðvitað hvergi og verður því áfram, sem hingað til, sami ómerkilegi skítabletturinn á hvítflibba Íhaldsins.

Sáttir við Steinunni Valdísi en ósáttir með Þorgerði Katrínu

Unnið með öfugu rassgatinu

Hér er byrjað á öfugum enda. Það væri nær fyrir ríkisstjórnina á þessum tímapunkti að tryggja stjórninni starfhæfan meirihluta á Alþingi og treysta hann í sessi  en fara í vafasaman ráðherrakapal.  

 

Stjórnin riðar til falls og í stað þess að treysta grunnin og styrkja undirstöðurnar þá málar stjórnin þakið.

 

Ráðherraskipti á morgun

Margt er líkt með prestum og pólitíkusum II

Það er sama hvort menn eru prestar eða pólitíkusar þeir viðhafa sömu vinnubrögð og siðferði. Það er að sitja sem fastast og ríghalda í embætti og vegtyllur nánast út yfir gröf og dauða, sama hvað upp kemur þeim til álitshnekkis. Prestsembættin eru þegar grannt er skoðað ekkert annað en tveggja heima pólitík. 

Séra Baldur Kristjánsson kemur fram með þá byltingarkenndu hugmynd að Karl Sigurbjörnsson víki – já, takið eftir víki – nei , nei ekki varanlega, hafi einhver haldið það – heldur tímabundið, - feli sig, með öðrum orðum, á meðan sannleiksnefndin fer hjá garði.

Karl getur svo laumað sér inn aftur, rétt eins og gerspilltu stjórnmálamennirnir sem tóku sér tímabundið leyfi frá Alþingi því þeir áttu orðið inni frítökurétt fyrir uppsafnaða spillingu. Þegar þeir koma aftur verða allar þeirra ávirðingar löngu gleymdar, hafi þær þá yfir höfuð verið til.

Karl getur þá, ferskur eftir endurkomuna, tekið til við vandræðaganginn af meiri krafti en áður.

Sjá fyrri pistil um sama efni

Finnst koma til greina að biskup stígi til hliðar