Er Lögmannafélag Íslands orðið að stjórnmálaflokki?

Brynjar Níelsson formaður Lögmannafélags Íslands virðist á góðri leið að breyta félaginu í pólitísk samtök eða jafnvel stjórnmálaflokk ef marka má yfirlýsingar og búkrokur hans í Mogganum.

Það er einkennilegt að sjá formanninn kalla það lummulegt af Alþingi að ákæra Geir H. Haarde fyrir þau atriði sem hann var sakfelldur fyrir.

Það verður fróðlegt að sjá hvort þetta strandhögg formannsins inn á hinn pólitíska vígvöll sé öllum í Lögmannafélaginu að skapi.

  

Mjög mikið áfall fyrir Alþingi

VÁ !¨!

Er það virkilega Guðlaugur Þór, maðurinn sjálfur, sem neitar að upplýsa um tugmilljóna mútu- og undirborðs greiðslur til hans,  sem segir þetta?

Hversu óforskammaðir verða menn eiginlega?

Verðandi Geir?

Hljóta að leiða sjálfa sig fyrir Landsdóm

Klæðskerasniðinn dómur að einfeldningshætti Geirs

Niðurstaða Landsdóms er skýr. Heimskan er sýknuð af öllum ákærum og hvítþveginn en lauslega áminnt. Þessi sýknudómur er því þungur áfellisdómur yfir öllu stjórnkerfinu sem slíku.

Að mati dómsins er sem sé ekki hægt að gera þær kröfur til stjórnmálamanna að þeir hafi hina minnstu glóru um það hvað sé að gerast í kringum þá og því síður að gera eigi þær kröfur til þeirra að þeir bregðist við vanda og vá með öðru en kæruleysis viðmótinu „maybe i should have“ og öðrum dóna skap!

Niðurstaða Landsdóms er með öðrum orðum sú, að útilokað sé nokkur taki að sér ráðherraembætti á Íslandi nema vera vanviti  og því gersamlega óábyrgur gjörða sinna. Æskilegt er að forsætisráðherrann toppi þá alla hina vanvitana í réttu hlutfalli við fjölda ráðherra.

Þessi dómur mun vera klæðskerasaumaður að Geir H. Haarde , vesalingnum og kjánanum að tarna.

Geir H. Haarde er hér með dæmdur kjáni og því sýkn saka.

 Málinu lokið.  

 

Sakfelldur fyrir eitt ákæruatriði

Engin nótt er svo löng að henni ljúki ekki

Þjóðin er smátt og smátt að ná áttum aftur og sjá í gegnum linnulaust lýðskrum stjórnarandstöðunnar, vafninginn Bjarna og þennan ........þennan....... bé mann, hvað heitir hann aftur, þetta Kögunar tengda kríli, hvað heitir það aftur?

Nei fólk er að átta sig á skruminu og greina hismið frá kjarnanum.

Engin furða, Íslendingar eru engir asnar.

. 

En mikið er þessi frétt fljót að renna niður fréttaskalann - og undrar sjálfsagt engan.

  

44,8% vilja að stjórnin sitji út kjörtímabilið

LÍÚ - Mafía er það og Mafía skal það heita

Ef marka má orð Adolfs Guðmundssonar, framkvæmdastjóra Gullbergs ehf og LÍÚ foringja,  þá treystir LÍÚ MAFÍAN  sér ekki til að gera út, verði veiðigjaldafrumvarpið samþykkt.

Hætti þeir útgerð eiga þeir ekki annan kost en að skila veiðiheimildunum aftur. Þeim verður þá úthlutað að nýju til annarra aðila sem ekki hafa hland fyrir hjartanu. Þetta er kjörstaða, MAFÍAN hefur mátað sjálfa sig.

Sjómenn og landverkafólk á ekki að líða MAFÍUNNI að hún beiti þeim fyrir sig í hótunum og kúgunaraðgerðum gegn stjórnvöldum. Sjómenn og landverkafólk þurfa ekkert að óttast, það verður áfram gert út á Íslandi, þó LÍÚ MAFÍAN geri það ekki, og fiski verður áfram landað til vinnslu.

Adolf ætti að hella sér í skriftir og byrja á sinni eigin uppsögn, enda eflaust með lengstan uppsagnarfrest hjá Gullbergi.

Yrðu að segja upp áhöfninni

Stundar LÍÚ tölvu og vírusárásir á þá sem skrifa gegn þeim?

Ég hef núna í tvígang eftir skrif um LÍÚ og kvótamálin orðið fyrir hatramri vírus árás á tölvuna mína. Einu sinni getur verið tilviljun, en tvisvar er það varla.

Hafa aðrir bloggarar sem skrifað hafa gegn almættinu í LÍÚ hafi orðið fyrir svipaðri reynslu?

Núna í kvöld fraus allt hjá mér og eftir mikið balsl og læti, sviptingar og blikk á skjánum þá hvarf  bloggfærsla sem ég hafði skrifað og „seifað“ um þetta mál og hvarf eftir að ég hafði „hreinsað“ út.

Af reynslu minni af þessum LÍÚ gaurum er ég tilbúinn til að trúa nánast öllu upp á þá.

Hvað haldið þið?

  

Hvernig vegnaði Afgönsku kvenréttindakonunni Fawzia Koofi, færi hún í framboð á Íslandi?

Fawzia Koofi er sannarlega hugrökk kona að bjóða sig fram til forseta í Afganistan, landi þar sem kúgun og fjandskapur í garð kvenna er rétttrúnaður. Vonandi gengur henni sem best og áfallalaust í sinni baráttu.

En hvernig myndi henni vegna hér á landi færi hún í framboð hér? Henni yrði án efa tekið fagnandi af þeim flokkum sem hvað ákafast segjast berjast fyrir réttindum og framgangi kvenna, Samfylkingu og VG. Henni yrði hampað og hafin til skýjanna sem kvenréttindakonu til þess eins að verða síðan barin niður aftur sem umhverfisböðull.

Fawzia Koofi hefur það nefnilega á sinni stefnuskrá að nýta náttúruauðlindir landsins betur til að efla efnahag landsins og afkomu þegnanna. Slík sjónarmið ganga auðvitað ekki í jafnréttisflokkum Íslands, þar sem alfriðun náttúruauðlinda eru orðin hinn eini sanni rétttrúnaður.

Rétttrúnaðurinn er samur við sig, hver sem birtingamynd hans er.

Kona býður sig fram til forseta Afganistans

Enginn aur aflögu, því miður vinur!

„Það er ekki hægt að nota útreikninga Hagstofu Íslands sem grundvöll  fyrir skattlagningu á sjávarútveginn“, segir Einar Kr. Guðfinnsson fyrrverandi sjávarútvegsráðherra.

En mætti þá nota ársreikninga útgerðanna til þess, Einar? 

Við hliðina á fréttinni um viskubrunninn  Einar Kr. Guð á mbl.is, var önnur frétt hún var um aðalfund HB Granda og er sláandi dæmi um hve illilega útgerðarfélögin hanga á horriminni.

Þar segir m.a.:

 

"Aðalfundur HB Granda samþykkti að greiða hluthöfum sínum um 679 milljónir í arð. Félagið hagnaðist um 6 milljarða á síðasta ári. Arðgreiðslan nemur því um 11,3% af hagnaði ársins".

Það er greinilega ekkert svigrúm í þessum tölum fyrir arðgreiðslur til eiganda auðlindarinnar, sem HB Grandi nýtir og byggir á hagnað sinn og arðgreiðslur til eigenda sinna.

  

Ekki grunnur til skattlagningar

Græna helstefnan

Það er ekki stefna Sjálfstæðisflokksins, ekki skörungsskapur og flekkleysi formanns flokksins sem er að skila flokknum þessu fylgi. Það eru heldur ekki verk og árangur ríkisstjórnarinnar sem afla Sjálfstæðisflokknum þessa fylgis.

Það eru þau verk sem ríkisstjórnin lætur óframkvæmd, sem það gera.

Fólk vill fara að sjá atvinnulífið rifið upp úr doðanum, það vill sjá auðlindir landsins nýttar til að skapa atvinnu. Það vill ekki lengur horfa með tóma maga á orkuna renna óbeislaða til sjávar eða út í loftið.  Svo mjög er fólk farið að lengja eftir uppbyggingunni að það vill gera allt til að þess að af henni verði. Jafnvel að fá Sjálfstæðisflokkinn við völd aftur, megi það verða til þess að koma hreyfingu á hlutina.

Græn gildi eru vissulega góðra gjalda verð í hófi, en að sama skapi  ill í óhófi. Atvinnuleysi má eflaust flokka sem mjög græna atvinnustefnu. Fari sem horfir, munu ráðherrar og þingmenn fjölmenna í þá starfsstétt  að loknum næstu kosningum. Varanlega!

Verði ekki hugarfarsbreyting innan ríkisstjórnarinnar í þessum málum strax, er alveg eins gott að afhenda Vafningnum og sjálfstæðisspillingunni lyklavöldin að stjórnarráðinu nú þegar, því það virðist hvort eð er vera langtíma markmið stjórnarflokkana.  

 

Sjálfstæðisflokkurinn fengi 43%

Að þekkja sinn vitjunartíma

Ég hefði gjarnan viljað, úr því á annað borð var farið af stað í þessa Evrópu vegferð, að sjá þessar viðræður til lykta leiddar og niðurstaða fengin í eitt skipti fyrir öll, hvort aðild að Evrópusambandinu væri eitthvað sem hentaði Íslendingum.

Öllum ætti að vera ljóst, sem það vilja sjá, að þessi Evrópu sigling er ekki líkleg til að ná landi að sinni. Ég held að sú staða sé upp komin, eftir síðasta útspil Evrópusambandsins, að ekki sé ráð að fara lengra að sinni, afþakka frekari viðræður og taka kúrsinn heim aftur.

Það væri vitlegast fyrir Samfylkinguna að játa sig sigraða nú þegar, í stað þess að berja hausnum við steininn og draga þá ákvörðun nær kosningum eða framyfir þær. Það hefur alltaf gefist betur að geta haft stjórn á undanhaldinu.

Ríkisstjórnin losnar þá við þetta umsóknarhelsi sem hefur haldið henni verklausri og ríkisstjórnarflokkunum í  fjötrum og gíslingu hvors annars. Menn geta þá hið minnsta dregið hendurnar út úr rassgatinu á sjálfum sér og snúið sér að brýnni verkefnum. Nema auðvitað flokkarnir séu staðráðnir í því að fela Íhaldi og Framsókn stjórn landsins eftir næstu kosningar.

Samfylkingin getur alltaf skoðað ferðabæklinga til Evrópu síðar þegar betur verður í bólið búið.

.

Kíkið á skoðanakönnunina hér til vinstri.  Hún er í þremur hlutum.  Skemmtilegast er,  sé öllum möguleikunum svarað.

 

Bætir ekki andrúmsloftið