Landeyjahöfn afskrifuð?

Þessi öra grynnkun í Land- eyjahöfn kemur örugglega engum á óvart þótt aðilar tengdir þessari vitleysu, þykist enn vera hissa. 

Ef dýpkun verður hætt í höfninni og henni lokað þar til aðstæður breytast hefur höfnin í reynd verið afskrifuð, því ólíklegt er að aðstæður breytist nokkurn tíma til hins betra fyrir höfn á þessum stað.

Því fyrr sem höfnin verður afskrifuð og viðurkennd sem mesta sam- gönguflopp Íslandssögunnar, því ódýrara og betra fyrir alla.

  

Vilja loka Landeyjahöfn tímabundið

Styrkja Guddi verður sér til skammar!

Ríkisstjórnin og bæjarstjórnir á Suðurnesjum tóku höndum saman í dag að ryðja úrbótum í atvinnumálum svæðisins braut. Það var ánægjulegt að heyra þann samhljóm sem var í Árna Sigfússyni bæjarstjóra og Steingrími J. Sigfússyni fjármálaráðherra í Kastljósinu áðan. Við vinnum okkur ekki  upp úr kreppunni nema menn beri gæfu til að leggja pólitískan ágreining til hliðar, snúi bökum saman og rói að sama markmiði.

Þeir voru óvenju aumlegir Sjálfstæðismennirnir á Alþingi í dag og urðu sér illa til skammar því þeir höfðu ekkert annað til málana að leggja en háð og spott. Það var athyglisvert að þar fór styrkja Guddi, með öll sín óuppgerðu mál, fyrir lúðaliðinu og sló hvert vindhöggið eftir annað í misheppnaðri tilraun sinni að vera fyndinn. 

Það er greinilegt að Sjálfstæðismenn ætla  engu að breyta, þeir ætla áfram að þvælast fyrir úrlausnum og umbótum af þeirri ástæðu einni að þær eru ekki á þeirra forsendum.  Getur skömm formanns og þingflokks Sjálfstæðisflokksins orðið öllu meiri?

Þetta er nú auma helvítis liðið!

Hvað er sjóhræddi Bjarni að vilja upp á dekk?

Nei, er hann Bjarni sjóhræddi ekki að kíkja upp á dekk  að gá til veðurs? Athuga hvort óveðrið sé gengið yfir og skollin á rjómablíða svo stjórnarandstaðan geti skriðið upp á dekk úr felustöðum sínum og látið mannalega?

Bjarni hefur sagt að stjórnarandstöðunni komi ekki við það óveður sem af þeirra völdum gengur yfir landið og miðin, þeir hafi ekki verið kosnir til að leysa þau vandamál, til þess sé stjórnin.

Já Bjarni, haltu þig neðanþilja og hjúfraðu þig upp að kjölsvíninu, þú ert best geymdur þar, alltaf!

  

Meinum ekkert með þessu

Verða skattar lækkaðir...

...á afgangsstærð landsins, sem almennt er kölluð landsbyggðin, þegar opinber þjónusta þar verður ekki orðin nema svipur hjá sjón miðað það sem gerist á forgangssvæði landsins, sem almennt er kallað höfuðborgarsvæðið?

Eða á landsbyggðarfólkið, sem verður hornreka í eigin landi nái þessi niðurskurðarhryllingur fram að ganga, einnig að dreypa á þeim beiska kaleik að vera gert að greiða heilbrigðisþjónustuforgangi aðalsins á stór-Reykjavíkur svæðinu, fullu verði ofan á eigin niðurlægingu?

  

Samstaða um jafnan rétt til heilbrigðisþjónustu

Njósna Íslendingar um aðra Íslendinga fyrir Bandaríkin?

Það er engin spurning að hér á landi eru stundaðar  víðtækar njósnir um fólk í þágu Bandaríkjanna.  Það er enginn hörgull á fólki hér á landi sem liggur eðli til að sýna Bandaríkjunum meiri hollustu en eigin landi.  

Engin veit hvað svokölluð greiningadeild gerir og hvaða hlutverki hún í raun þjónar.  Þetta er í sjálfu sér ekkert nýtt því njósnir um Íslendinga í þágu Bandaríkjanna og NATO hafa lengi viðgengist hér á landi.

Hver man ekki eftir fréttum um símahleranir undanfarna áratugi hjá vinstri mönnum, jafnvel þingmönnum og ráðherrum, sem ekki voru taldir nægjanlega hollir vinum okkar í vestri að mati þess fasista sem lengst af stjórnaði lögreglunni.

Hvað er það kallað þegar menn setja hagsmuni erlends lands ofar sínu eigin? Man það einhver?

 

Víðtækar njósnir Bandaríkjamanna

Er þetta hægt Össur?

Árni M. Mathiesen, fyrrverandi ráðherra hefur verið ráðinn aðstoðar- framkvæmdastjóri Matvæla og landbúnaðarstofnunar Sameinuðu þjóðanna, FAO með fullum stuðningi  Íslenskra stjórnvalda.

Ráðning Árna væri svo sem ekki  í frásögur færandi ef þessi sami Árni hefði ekki verið einu atkvæði frá því að sitja á sakamanna bekk fyrir Landsdómi vegna embættisafglapa. Var þessi sökunautur Geirs Haarde,  Davíðs Oddsonar, Halldórs Ásgrímssonar og Ingibjargar Sólrúnar eina vonarstjarna Íslenskra stjórnvalda í þetta embætti?

Eru þeir Alþingismenn sem vildu stefna Árna fyrir Landsdóm sáttir við þetta?

Eða er þetta bara gamla Íslenska pólitíkin, sama hvaða ógagn menn vinna landi og þjóð, þá er þeim ýtt upp, aldrei annað en upp og ef svo er, gæti það þá verið aumara eftir það sem á undan er gengið?

Árni ráðinn aðstoðarframkvæmdastjóri FAO

Er misgengi í Geir?

Samkvæmt frétt á Vísi.is neitar Geir H. Haarde að mæta fyrir Héraðsdóm til að bera vitni í skaðabótamáli hlutdeildarskírteiniseigenda á hendur ríkinu.

Var Geir ekki búinn að lýsa því yfir að hann hefði hreina samvisku og mætti Landsdómi óhræddur og viss um sýknu?

En núna getur hann ekki borið vitni fyrir Héraðsdómi vegna hættu á að skapa sér refsiábyrgð! Hvernig getur það skapað saklausum ærutoppi eins og Geir refsiábyrgð að segja sannleikann?

   

Því verr gefast heimskra þingmanna ráð sem fleiri koma saman

Er þetta reiknisdæmi bara bundið við Vestfirði? Er þetta ekki einfaldlega hin sorglega staðreynd í sambandi við niðurskurðarhugmyndir í heilbrigðiskerfinu hringinn í kringum landið? Sparnaðurinn verður óverulegur en útkoman verður þriðja heims heilbrigðisþjónusta á landsbyggðinni.

Stefnan er sett  á lélegustu heilbrigðisþjónustu norðan Miðjarðarhafs en þá langdýrustu miðað við skilvirkni.  Mikið mega þeir vera stoltir af sjálfum sér sem ætla að berja þessa heimsku í gegn.

Sparnaður hverfur fljótt

Íslendingar eru eftirsóttur vinnukraftur.

Það kemur ekki á óvart að læknar sæki utan í leit að atvinnu enda eru þeir eru ekki einir um það. Þeir eru aðeins lítill hluti af öllum þeim fjölda fólks sem hefur undanfarin misseri þurft að fara utan í leit að lífsviðurværi. Íslendingar eiga auðvelt með að fá vinnu erlendis enda vel kynntur og eftirsóttur vinnukraftur.

Ein er sú stétt manna sem lítið reynir fyrir sér eftir vinnu erlendis, það er stjórnmálastéttin. Það virðist af einhverjum ástæðum vera minni en engin eftirspurn erlendis eftir notuðum íslenskum stjórnmálamönnum.  

Hvernig ætli að standi á því?

 

Læknarnir leita til útlanda

Var lausnin á skuldavanda heimilanna send með flöskupósti?

Nú er bara spurningin, hvort lausnir ríkisstjórnarinnar á skuldavanda heimilanna, sem allir hafa beðið eftir með óþreyju frá stofnun stjórnarinnar, hafi verið send með flöskupósti og þá hvaðan?

2 ár á leiðinni frá Færeyjum