Er...

...til fátt fjölmenni? 

 

Mikið fjölmenni í Borgarnesi

Æ sér gjöf til gjalda.

Ég næ ekki þessu upphlaupi út af kostun Birtíngs, þetta eru ekki nýjar fréttir. Ég get ekki séð að þessi kostun sé í eðli sínu alvarlegri en kostun annarra fyrirtækja á hinu og þessu þvers og kruss um fjölmiðlana og hefur viðgengist um langa hríð og ekki farið leynt. Það er svo önnur saga hvort þetta geti talist eðlilegt viðskiptaform og hvort fyrirtækin telja sig vera að kaupa velvild með þessum viðskiptum.

Hver kannast ekki við að í upphafi og í lokin á sjónvarpsþáttum  og öðru efni komi tilkynning að viðkomandi þáttur hafi verið kostaður af þessum eða  hinum. Hver er munurinn á því að kosta útsendingu á einhverjum þætti eða borga annan "kostnað" fyrir fjölmiðilinn?

Voru menn í þessu tilfelli að kaupa sér meiri velvild Útvarps Sögu en ef greiðslan hefði verið í öðru formi.  En það verður að hrósa Arnþrúði fyrir að koma fram og játa að hún hafi þegið greiðslu fyrir útsendingu á þessum „áróðursþætti“  Baugsveldisins,  á stöðinni  sem gefur sig út fyrir að vera frjáls og engum háð.

Aldrei verið neitt launungarmál

Ha, er Bubbi dáinn?

Í þessari skemmtilegu frétt er eftirfarandi setning:

 

„Hann (Bubbi) er einn frægasti Íslendingur allra tíma og var orðinn goðsögn í lifanda lífi strax þegar hann var 24 ára“.

 

Samkvæmt þessu er Bubbi Morteins látinn, því svona er ekki tekið til orða nema um látið fólk. En vonandi er þessi andlátsfrétt Bubba ýkjur einar.

  

Bubbi er einn frægasti Íslendingur allra tíma

Geti það ekki gerst, gerist það í The Sun.

Er ekki sagt að standi það í The Sun sé það ekki lygi heldur haugalygi.

Enda greinilegt, ef marka má myndina, og að þetta barn hafi fæðst á dögunum,  þá fæddist það ekki „aðeins“  hvítt heldur líka nokkuð við aldur.

Það er ekki merki um vandaða blaðamennsku að vitna í The Sun. 

Svört hjón eignast hvítt barn

Asnar og aðrir asnar

Æði oft koma upp tilvik þar sem það er ekki á hreinu hver er aðal Asninn.

  

Lögreglan rannsakar fallhlífarstökk asna

Hvenær eignaðist Clinton Kilimanjaro?

Jæja núna hefur Bill Clinton eignast fjallið Kilimanjaro ef marka má fyrirsögn fréttarinnar.

 

En svo skýrist málið við frekari lestur, Bill karlinn á ekki fjallið hann ætlar bara að ganga á það áður en hann gengur á vit feðra sinna.

 

Vonandi sameinar Clinton, sem er einn af vinsælli forsetum Bandaríkjanna, ekki þessar tvær göngur  í eina.

 

Clinton á Kilimanjaro

„Allt fór afsíðis sem afsíðis gat farið.....“

Mikið fjandi  er „Laugarvegurinn“  orðin breiður fyrst það tekur tæpa 5 tíma að skokka yfir hann.

Það mætti halda að blaðamenn mbl.is væru í keppni um bjálfalegustu fyrirsögnina, því varla birtist ambögulaus fyrirsögn þessa dagana.

 

Þorlákur fyrstur yfir Laugaveg

Líkhótel lögreglunnar

Ef marka má fyrirsögn fréttarinnar þá er lögreglan farin að hýsa látið fólk.

Það er gaman að skemmtilegum uppátækjum. Líkhótel lögreglunnar er vissulega ein af frumlegri og skemmtilegri nýungum síðari tíma.

 

Sex látnir sofa úr sér

Ég get staðfest þetta

Það liggur króna á símaborðinu hjá mér og hún hefur ekki hreyft sig í allan dag. Hún heldur kyrru fyrir og hefur hægt um sig.

 

Krónan heldur kyrru fyrir

Fé „millifært“ á Englandi

Lögreglan segir verknaðinn lýsandi dæmi um fagmannlega fégræðgi.

Er þarna komin skýringin á því af hverju Sigurður Einarsson mátti ekki vera að því að skreppa heim?

Hreiðar, kollegi Sigurðar, hefur auðvitað pottþétta fjarvistarsönnun.

  

Stal 271 kind