Er þá ekki næsta mál...

...hjá Ryanair að henda út sætunum og bjóða upp á stæði til að geta pakkað betur í vélarnar?  

Nei hingað og ekki lengra

Sækjum/sendum

Fólkið, sem er erlent göngufólk, er með vistir fyrir daginn og hefur það ágætt í skálanum, en treystir sér alls ekki til að halda niður til byggða gangandi, enda algjört mannskaðaveður úti fyrir.

Þarf þá að leggja í kostnað til að sækja fólkið í dag, getur það ekki beðið af sér veðrið í skálanum í þokkalegu yfirlæti til morguns?

Fólkið fór þangað til að njóta landsins, gagns og gæða, en gerir svo í brók um leið og hreyfir vind. 

Ef fólkið er ekki í bráðri hættu getur það vel beðið nema björgunarsveitirnar séu orðnar að einhverri gjaldfrjálsri „sækjum/sendum“ hraðþjónustu. Það hlýtur að skekkja samkeppnisstöðuna á hraðsendingamarkaðnum.

Föst á Fimmvörðuhálsi

Endurbætur, heitir þetta víst....

 ....því illmögulegt er að breyta því í hestakerru, sem aldrei hefur verið annað en hestakerra og misheppnuð sem slík í þokkabót?

 

Breytti Hummer í hestakerru

Airbus A380

Ég vann við stækkun á Flugstöð Leifs Eiríkssonar í nokkur ár. Um tíma komu Airbus A380 oft til tilraunalendinga á Keflavíkurvelli og þá var oftast verið að prófa vélina í flugtaki og lendingum í miklum hliðarvindi.  

Þá gafst oft tækifæri til að fylgjast með og það var unun að sjá þetta bákn koma inn til lendingar og taka á loft í hávaða roki.

Það vakti undrun hvað þetta flykki lét vel að stjórn og hve hljóðlát hún er.

Sjón er sögu ríkari, hér er klippa frá lendingu vélarinnar á Keflavíkurflugvelli.

Stærðin á A380 sést vel samanborið við Boeing 737-300 vél Blubird.

Risaþota í fyrsta sinn yfir Atlantshaf

Sjónvarpsgláp við akstur...

...hlýtur að flokkast undir handfrjálsa notkun á fjarskiptabúnaði.

.

.

Mega glápa á sjónvarp undir stýri

Hver er við stýrið?

Ég hugsa að ég láti það alveg vera að ferðast með flugfélagi þar sem flugmennirnir treysta betur mætti bænarinnar en sjálfum sér til að stjórna flugvélinni.

Áhyggjufullur flugmaður bað farþegana um að biðja

Loftbardagi?

Slagsmál áhafnar í áætlunarflugi er algerlega ný útgáfa af loftbardaga.  

Svo myndi það hjálpa ef mbl.is læsi yfir þýðingarnar áður en þeir skella þeim á netið.

Áhöfnin slóst í flugvélinni

Hressileg lending

Þótt fréttir af slysum í flugi séu áberandi, þá er flugið samt öruggasti ferðamátinn í dag.

26 slösuðust þegar þota lenti í ókyrrð

Hvað veldur því að 22 þotur....

 ... British Airways eru kyrrsettar, gallar eða lélegt viðhald? Hugsaði ég þegar ég las fyrirsögnina.

Nei, nei þegar fréttin hefur verið lesin er ljóst að flugfélagið er aðeins að leggja flugvélunum vegna samdráttar í rekstri.

Sögnin að kyrrsetja merkir að hindra eða banna brottför, leggja hald á. Flugvélar eru að öllu jöfnu ekki kyrrsettar nema eitthvað skorti á flughæfi þeirra og þá gert af yfirvöldum.

Með fyrirsögninni fer mbl.is með rangt mál og gerir úlfalda úr mýflugu.

Kyrrsetja 22 þotur

Að hafa vit fyrir veginum.

Í umferðalögum segir að haga beri akstri eftir aðstæðum og ekki hraðar en svo að hægt sé að stöðva bifreiðina á þriðjungi þeirrar vegalengdar sem sé auð og hindrunarlaus framundan.

Þó miðju- og kantmerkingu vanti er það ekki vegurinn sem er hættulegur, þegar bifreið er ekið á 90 km/klst í svarta þoku, heldur ökumaðurinn.  

Það hefur lengi verið vandamál hjá Íslenskum ökumönnum að telja 90 km hámarkshraða vera skylduhraða án tillits til aðstæðna.

Það sem menn hafa milli eyrnanna er besta öryggistækið kunni menn að nota það. Ökum eftir aðstæðum.

Varasamir vegarkaflar á Holtavörðuheiði