Batnandi manni....

Þetta er fyrsta vitglóran sem örlar á, hjá þessum manni.

Ætli sé von á meiru?

 

Vill nýjan spítala á Vífilsstöðum

Tek ofan fyrir Kára Stefánssyni

Ríkisstjórnarflokkarnir fá það óþvegið frá Kára Stefánssyni í grein í Fréttablaðinu í dag. Kári gerir að umtalsefni glæpsamlegt skeytingarleysi fjárveitingarvaldsins gagnvart heilbrigðiskerfinu, sem Kári segir svartan blett á íslenskri menningu. Ljóst megi vera að ríkisstjórn Sigmundar Davíðs mun ekki sitja lengur en sem nemur kjörtímabilinu.

„Í málflutningi sínum fyrir síðustu alþingiskosningar gagnrýndu núverandi stjórnarflokkar ríkisstjórn Jóhönnu Sigurðardóttur fyrir að hola að innan heilbrigðiskerfið og hétu því að styðja það betur ef þeir kæmust á valdastóla. Þetta gladdi þá okkar sem eru nægilega vitgrannir til þess að hlusta á það sem stjórnmálamenn segja fyrir kosningar. Nú æxluðust mál þannig að afturendar hinna loforðaglöðu hafa vermt valdastóla í tvö og hálft ár en heilbrigðiskerfið er í engu minna rusli en áður og það horfir ekki til bóta nema síður sé."

Kári nefnir dæmi um fáránleika fjársveltisins:

„Gáttaflökt er algengast þeirra hjartsláttaróreglna sem koma þolendum í hendur heilbrigðiskerfisins. Um það bil 25% Íslendinga fá kast af gáttaflökti einhvern tíma á ævinni og þar af fær stór hundraðshluti endurtekin köst eða óreglan verður viðvarandi.

Einn af fylgifiskum gáttaflökts er heilablóðfall og er gáttaflöktið ábyrgt fyrir í það minnsta 30% þeirra. Þess vegna eru þolendur settir á blóðþynningu til þess að fyrirbyggja heilablóðföll og þegar þeir fá kast eru þeir svæfðir og þeim veitt rafstuð til þess að reyna að koma þeim í réttan takt, sem er kallaður sínus og það veit sá einn sem í flökti hefur lent hvað sínusinn er mikil blessun.

Nýverið hafa læknar á Landspítalanum, undir forystu Sigfúsar Gissurarsonar sem er ungur snillingur, farið að gera flókna brennsluaðgerð til þess að fyrirbyggja köst hjá þeim sem hafa fengið þau. Hann segir mér að á landi hér sé þörf á um það bil 150 slíkum aðgerðum á ári, en hann fær ekki leyfi til þess að gera nema 60. Það er sem sagt biðlisti fyrir þessar brennsluaðgerðir sem lengist um eitthvað minna en 90 á ári vegna þess að einhverjir á listanum deyja af sjúkdómnum eða öðru.

Hver aðgerð kostar um 700.000 krónur þannig að hann fær 42 milljónir á ári en þyrfti 105 milljónir til þess að sinna þörfinni. Afleiðingin af þessum 63 milljóna króna sparnaði er kostnaður sem er vafalítið margföld sú upphæð í lyfjum þeirra sem ekki þyrftu þau eftir aðgerð og í kostnaði við rafvendingarnar, að maður tali nú ekki um ávinninginn af vellíðan og starfsgetu þeirra sem eru allt í einu komnir í viðvarandi sínus. Sú staðreynd að ákvörðunin um að það megi ekki gera nema 60 brennsluaðgerðir á ári var tekin af skriffinni einhvers staðar í stofnun sem heitir Sjúkratryggingar Íslands breytir ekki því að það er á ábyrgð kjörinna fulltrúa fólksins í landinu að framselja valdið til þess að taka svona ákvarðanir. Þetta er ákvörðun sem endanlega kostar þjóð stórfé og einstaklinga þjáningu og jafnvel varanlega fötlun eða lífið.

Það væri sjálfsögð betrumbót á heilbrigðiskerfinu að leyfa Sigfúsi að mæta þörfinni fyrir brennsluaðgerðir að fullu þótt henni fylgi skammtímakostnaður“.

(Tilvitnun lýkur)

Það er rúmlega tveggja ára biðlisti eftir þessari aðgerð, sá biðlisti er dæmdur til að lengjast við óbreytt ástand. Það er lesendum slíkra frétta afar fjarlægt og ópersónulegt þótt einhver tala sé nefnd um lengd biðlista í heilbrigðiskerfinu.

Tölur án andlits segja lítið. Ég skrifa þetta hér til að ljá einni tölu á listanum andlit með því að upplýsa að ég er einn þeirra sem bíða eftir því að komast undir hendurnar á Sigfúsi Gissurarsyni og hans teymi.

Vonandi lifi ég biðina af.

Það má geta þess, til gamans, að fyrir þær tæpu tuttugu milljónir af opinberu fé sem Siv Friðleifsdóttir fékk frá flokkssystkinum sínum fyrir gæsku sína og góð ráð hefði mátt gera 28 svona aðgerðir.

En þetta er auðvitað alltaf spurning um forgangsröðun.

 

 

Fjársveltið þjóðinni til skammar

Fátt er svo með öllu illt...

Vart er á vandann í heilbrigðiskerfinu bætandi. Það hljóta því að teljast jákvæðar fréttir fyrir heilsugæsluna að Björk aflýsi fyrirhuguðum tónleikum hér á landi.

Björk aflýsir tónleikum

Nýtt lyf - sem virkar á allt nema þjóðarsjúkdóminn

Norður Kórea stendur fremst allra þjóða í læknavísindum, að sögn þarlendra stjórnvalda.

Þeir segjast hafa þróað lyf sem læknar alla illræmdustu sjúkdóma heimsins svo sem ebólu og alnæmi.

En þrátt fyrir þetta ná þeir engum árangri að lækna þann sjúkdóm sem er að ganga af þjóðinni dauðri – KOMMÚNISMANN!

Það skaðræðis mein grasserar í N-Kóreu sem aldrei fyrr.

 

Segjast geta læknað ebólu og alnæmi

Klárlega heilbrigðismál - að seinka klukkunni

Þing­menn allra flokka hafa lagt fram þings­álykt­un­ar­til­lögu um að seinka klukk­unni á Íslandi um eina klukku­stund. Tillagan gerir ráð fyrir að áfram verði sami tími allt árið.

Það væri afar skynsamlegt  að seinka klukkunni á Íslandi um eina stund. Flest mælir með þeirri breytingu, fátt í mót. Mesta hagræðið, auk þess að færast af breskum tíma yfir á réttan staðartíma, er að yfir dimmasta tíma ársins færist vinnudagurinn betur inn í birtuna á morgnanna.

Breytingin gæti stuðlað að betra geðheilbrigði hjá æði mörgum sem eiga erfitt í myrkrinu á morgnanna.

 

bbbVilja seinka klukkunni um klukkutíma

Flugvöllurinn má missa sig, verði Landspítalinn fluttur út á land

Það er einföld lausn á þessu flugvallarvandamáli, sem allir ættu að geta sætt sig við.  Byggjum nýja hátækni Landspítalann í nágrenni flugvallarins á Akureyri. Akureyringar skynja mikilvægi flugvallarins of vel til að þeim detti nokkurn tíma í hug sú fásinna að bola honum  burt úr bænum.

 

Þá fá þeir sínu framgengt þöngulhausarnir sem vilja Reykjavíkurflugvöll burt og halda því fram fullum fetum að engu skipti um öryggi sjúklinga í sjúkraflugi að innanlandsflugið færist úr Vatnsmýrinni til Keflavíkur.  

 

72% vilja flugvöll í Vatnsmýrinni

Skítlegt eðli íhaldsins

Það er skítlegt þetta úrspil Sjálfstæðisflokksins, að senda Sigurð Guðmundsson fyrrverandi landlækni út af örkinni til að reyna að bjarga flokknum frá frekara fylgishruni með því að láta hann hrópa á auknar fjárveitingar í heilbrigðiskerfið.

Aukið fjármagn í heilbrigðismálin er auðvitað hið besta mál eitt og sér, ef ekki væri fyrir þá staðreynd að hér er það Sjálfstæðisflokkurinn sem talar og meinar nákvæmlega ekkert með því sem hann segir.

Það er og hefur lengi verið draumur Sjálfstæðisflokksins að rústa heilbrigðiskerfinu í núverandi mynd og koma á kerfi að Bandarískri fyrirmynd þar sem efnahagur sjúklinga ræður alfarið þeirri þjónustu og meðferð sem þeir fá. Nú er lag að þeirra mati, það og ekkert annað ætla þeir sér, komist þeir til valda. 

Í því ljósi er þetta örvæntingarútspil giska broslegt og ekki til fylgis fallið.

Farin fram af bjargbrúninni

Þvílíkt bull og vitleysa!

Það hefur verið vaxandi þrýstingur í kerfinu að sjúklingum hverskonar og hvaðanæva af landinu sé gert að sækja þjónustu og læknishjálp til Reykjavíkur.

Sparnaði og niðurskurði er borið við sem höfuðástæðu þess. Ekki hefur verið sýnt fram á í hverju sparnaðurinn liggur í heildarmyndinni. Flutningar á sjúklingum, auðar skurðstofur og ónotuð tækni og ónýttur mannafli úti á landi kostar sitt.

Ég var 1966, níu ára gamall, skorinn upp við botnlangabólgu á Héraðshæli A-Húnavatnssýslu á Blönduósi af héraðslækninum þar Sigursteini Guðmundssyni, aðstoðarlæki hans og hjúkrunarliði á spítalanum. Uppskurðurinn tókst eðlilega með mestu ágætum. Þetta var einfaldlega hlutverk lækna og hjúkrunarfólks þá og fórst þeim vel úr hendi.

Enginn talaði þá um að ódýrara yrði að flytja mig suður því ekki væri ástæða til að leggja uppskurð fyrir starfslið Héraðshælis A-Húnavatnssýslu svo það gæti tekið í spil á meðan uppskurðurinn færi fram fyrir sunnan. Eðlilega, því engum datt slík víðáttu vitleysa í hug þá. En síðan þá höfum við eignast svo mikið af gáfuðu fólki að það er ekki grín. 

Nú er allt sagt sérhæft, læknar virðast ekki vera læknar lengur heldur einhverskonar „sérfræðingar“, hver á sínu sviði. Einn kíkir upp í nef annar upp í leggöng sá þriðji upp í „rectum“ o.s.f.v. og slíkir snobbpinnar starfa helst ekki utan Reykjavík hundrað og eitthvað. Þvílík helvítis della.

Það er nauðsynlegt af mínu viti að prufukeyra svona miðlægt heilbrigðiskerfi í smá tíma og þá með öfugum formerkjum þannig að sjúklingum af höfuðborgarsvæðinu væri gert að leita til Vestmanneyja, Ísafjarðar, Hólmavíkur, Egilstaða eða á önnur „krummaskuð“ með alla þjónustu sem kallar á meira en pillur og plástra.

Það kynni að kalla á endurútreikning á sögðum sparnaði við slíkt miðlægt fyrirkomulag. Það kæmi þá sennilega í ljós við útreikning snillinganna að mun dýrara væri að flytja sjúkling norður en að flytja sama sjúkling suður. 

Barnshafandi í Eyjum fæði í Reykjavík

Niðurgreiðum þjónustu særingarmanna

Þingkonurnar sem leggja til, í fullri alvöru, að tekið verði til athugunar að ríkið niðurgreiði störf heilara, kuklara, skottulækna og annarra svikahrappa geta vart verið þekktar fyrir annað en að bæta starfsheiti særingarmanna inn í tillögu sína, til að gæta fulls jafnræðis. 

Það væri hróplegt óréttlæti að særingarmenn, útrekendur illra anda og djöfla, verði ein „heilbrigðisstétta“ utan niður- greiðslukerfis ríkisins.

Starf særingarmanna, sem fást við ógnarverur af öðrum heimi, er eðli máls samkvæmt afar áhættusamt og þjónusta þeirra því óhemjudýr og vart á færi venjulegs fólks að nýta sér hana án aðkomu tryggingakerfisins.

Það hljóta allir að sjá og þessar jafnréttisstútfullu þingkonur hvað best.

Illur andi hljóp í börnin

Röng aðkoma

Eru ekki rangar starfsstéttir að höndla um mál þessara meindýra?  Af hverju er lögreglan og dómskerfið að eyða dýrmætum tíma sínum í mál sem klárlega ætti að vera á starfsviði meindýraeyða?

Annþór og Börkur ávarpa dóminn