Blaðamaður ársins?

Það er niðurstaða blaðamannsins að Minnie þessi hafi kennt karlmanns um það leyti sem hún varð þunguð! Þá vitum við það.

.

.

.

Burt með spillingarliðið....... og enga Breta hingað til landvarna, aldrei!

 

Heldur faðerninu leyndu

Er þetta réttlæti?

Hæstiréttur hefur staðfest 12 mánaða fangelsisdóm héraðsdóms yfir  24 ára manni fyrir tvöfalt manndráp af „gáleysi“ þegar hann með vítaverðum framúrakstri olli slysi þar sem 5 ára stúlka lést, í bílnum sem á móti kom,  8 ára bróðir hennar og faðir slösuðust alvarlega, drengurinn lamaðist m.a. varanlega. Farþegi í bíl ökuníðingsins  lést einnig.

Níðingurinn slapp sjálfur með minniháttar meiðsl, því miður leifi ég mér að segja.

Auk fangelsisdómsins var níðingurinn sviptur ökuréttindum í 4 ár! (??) 

Ekki verður séð að níðingurinn hafi sýnt iðrun eða lært af reynslunni því á nokkrum mánuðum eftir slysið var hann stöðvaður alls 9 sinnum fyrir hraðakstur. (Hvernig er með  punktakerfið? ) Auk þess laug hann fyrir dómi, framburður hans var vægast sagt verulega á skjön við framburð vitna.

12 mánaða fangelsi, sem þýðir 6, hámark 9 mánuði inni, er ótrúlega vel sloppið fyrir dráp á tveimur manneskjum og ævilangrar örkumlunar á  8 ára dreng. Og eftir 4 ár fær þetta „djásn þjóðveganna“ ökuleyfið aftur, maður sem aldrei ætti að fá að koma nálagt bíl aftur, nema til að láta hann keyra yfir sig.

Þessi dómur er þeim dómur sem hlífa skildi. Fórnarlömbin hafa nú fengið, sem blauta tusku í andlitið, ofan á allt annað að líf og limir þeirra eru ekki meira metin af dómstólum en þetta. 

Þetta er svívirða.

   

Árs fangelsi fyrir manndráp af gáleysi

Fáheyrð vinnubrögð

Fjármálaeftirlitið (FME) segir að hafin sé vinna óháðra sérfræðinga, sem skilanefndir bankanna hafi fengið til liðs við sig, á mögulegum lögbrotum í starfsemi bankana.

.

Gott og vel en hverjir eru þessir óháðu sérfræðingar?  Eru þeir erlendir eða innlendir og ef innlendir hefur verið gengið úr skugga um óvefengjanlegt hæfi þeirra til verksins, eða er þetta enn ein fjölskyldu rannsóknin?

.

Ef lögbrot hafa verið framin í bönkunum er þá ekki ljóst að þau hafa verið framin af starfsmönnum þeirra, eða í þeirra þágu? Jú það liggur í augum uppi, það sér hvaða bjáni sem er.

Er þá ekki undarlegt að þessir hugsanlegu brotamenn skuli , á meðan á rannsókn stendur, vera áfram í sínu gamla starfi hjá bönkunum með fullan og óskertan aðgang að öllum rannsóknargögnum? Menn sem hugsanlega gætu átt allt undir því að ekkert komi út úr rannsókninni.

Hversu gáfulegt er það, ef menn á annað borð leita sannleikans?

Ekki er líklegt að pappírstætarar bankana eigi náðuga daga framundan.

Burt með spillingarliðið....... og enga Breta hingað til landvarna, aldrei!

Skoða meintar milljarðafærslur

Til hamingju heimur!

Með kjöri Baracks Obama sem 44. forseta Bandaríkjanna getur mannkyn allt andað léttar, nýir tímar eru framundan, ný stefna hefur verið valin, ný von hefur verið vakin.

Tveir og hálfur mánuður eru þar til Obama tekur við lyklavöldum í Hvíta húsinu vestur þar og leysir af hólmi lélegasta forseta Bandaríkjanna og hættulegasta forseta par sögunnar, Bush og Cheney.

Þeirra verður ekki  saknað.

Obama: Þetta er ykkar sigur

Talað fyrir daufum eyrum

Tek undir hvert orð Sambandsstjórnar Farmanna og fiskimannasambands Íslands. Á sama tíma og við styrkjum æfingar erlendra herja um hundruðir milljóna liggja varðskipin tvö bundin við bryggju vegna fjárskorts.

Ég óttast að ríkisstjórnin láti þessi mótmæli sem vind um eyru þjóta, þetta er örugglega eitt af því sem þjóðinni kemur ekki við, eða mikill misskilningur eins og Björn Bjarnason myndi orða það. 

.

.

Enga Breta hingað til landvarna í desember, aldrei.

Stjórnvöld afþakki loftrýmiseftirlit Breta

Íslenskir stríðsleikir

Að eyða 1.400.000.000,00 kr. á ári í varnarmál á Íslandi var í bestafalli vafasamur gjörningur þegar best áraði og peningar uxu á trjánum. Þegar krumla kreppunnar  herðir að er svona bruðl fráleitt og verður að slá af.

Nú er einhver 13 manna hættumatsnefnd  (!!) að störfum að meta ógnir þær sem að okkur steðja,  beðið er eftir að hún skili af sér. Þá verður væntanlega eitthvað gáfulegt gert.

Alveg frá lokum síðari heimstyrjaldar höfum við mátt búa við ógn og ótta um öryggi okkar. Stöðugum og viðvarandi áróðri var haldið að okkur í áratugi, um Rússagrýluna sem beið tækifæris að hremma okkur, hina frjálsu menn og færa okkur í fjötra kommúnismans.

Nú hefur löngu komið í ljós að ógnin var áróður og ímyndun ein, ímyndun manna sem aldrei uxu upp úr þeim ótta barnsins að skrímsli væri undir rúminu. Hinir frjálsu menn hrepptu sjálfa sig í fjötra þröngsýni og þráhyggju.

Sumir hafa aldrei sætt sig við þá staðreynd að kaldastríðinu er löngu lokið og halda sig við sinn leist og kjósa að lifa áfram í sínum ótta.

Látum þá ekki ráða för, hættum öllum tindátaleikjum og stríðsæfingum, ef ekki af því að það er skynsamlegt, þá vegna þess að það er nauðsynlegt og óumflýjanlegt.

.

.

Enga Breta hingað til varna í desember, aldrei.

  

Takmörkuð sannfæring fyrir varnarmálafrumvarpinu

Fyrsta bindi Hvítbókar komið út.

Það er grafalvarlegt ef í ljós kemur að FME hefur lagt blessun sína yfir þetta og á þeirri forsendu að annars yrði yfirmannaskortur í bönkunum!  Spyrja má hvort þessir menn hafi einhvern tíma verið hæfir stjórnendur?

Þetta er eins og leiða kófdrukkinn mann undir stýri á rútu fullri af fólki og hann látinn aka, á þeirri forsendu að hann væri sá eini sem hefði rútupróf.

Ef þetta verður látið standa, er dag ljóst hvernig stjórnvöld ætla að standa að verki við „hreingerninguna“.  Sukkinu og svínaríinu verður sópað undir teppið.  Vafasamt er að nokkur önnur þjóð búi yfir jafn mikilli reynslu og státi af jafnmörgum reynsluboltum, í þeirri íþrótt og Íslendingar.   

„Hvítbókin“ svokallaða verður þá nákvæmlega eins og hún var sýnd í Spaugstofunni á laugardaginn.

  

FME hefur ekki samþykkt niðurfellingu skulda

Bókunin vantraust á Geir?

Efni umræddar bókunar hefur ekki verið birt þannig að við vitum ekki út á hvað hún gengur annað en að Samfylkingin hafi að sögn dregið til baka stuðning sinn við Davíð Oddson sem Seðlabankastjóra.

Forsætisráðherra fer með málefni Seðlabankans og ber því höfuðábyrgð á öllu sem að honum snýr. Geir Haarde hefur fram að þessu alfarið hafnað öllum breytingum á stjórn Seðlabankans, þrátt fyrir vaxandi þrýsting þar um.

Þessi bókun, með fyrirvara um það sem þar stendur,  er því ekki  um vantraust á Davíð Oddson heldur fyrst og fremst alvarleg athugasemd við embættisfærslur forsætisráðherra.

Það eru því ekki nema tvær leiðir út úr þessari krísu, önnur er sú að Geir axli sín skinn,  gefi eftir og reki Davíð og stjórnin sitji áfram, í skugga trúnaðarbrests eða hinn leiðin, stjórnarslit.

Velji Geir að verja sinn Davíð þýðir það ekki annað en stjórnarslit og þá á hann aftur tvo kosti.  Að hundsa bókunina með öllu og láta Samfylkinguna segja sig úr stjórninni, hún á þá ekki annan kost, vilji hún viðhalda trúverðugleika sínum. Eða fara á fund Ólafs út á Bessastaði og biðjast lausnar fyrir sig og ráðuneyti sitt.

Hvora leiðina sem Geir ákveður að fara  er ólíklegt að hann rjúfi í leiðinni þing því kosningar eru örugglega ekki ofarlega á aðgerðalista Geirs. Líklegra er að hann reyni að mynda nýja stjórn með VG.

Ólíklegt þykir mér að Steingrímur stökkvi á vagninn og gefi Sjálfstæðisflokknum líf.

En maður á víst aldrei að segja aldrei.

.

.

Og enga Breta hingað til landvarna, aldrei.

 

Samfylking afneitar Davíð

Ísland í dag

 

Þetta eru Galdur og Donni, langvinsælustu skemmtikraftar landsins í dag.

Eftirspurnin eftir þeim félögum hefur verið slík að þjóðin hefur steypt  sér í botnlausar skuldir til að geta notið þessara gleðigjafa sem lengst.

Þeir hafa fært birtu og yl í hjörtu landsmanna á þessum seinustu og verstu tímum.

.

.

 

Ræddu lítið um IMF

Rétti andinn

Tek ofan fyrir meirihlutanum í Reykjavík, þetta er málið.

Reykjavík íhugar framkvæmdir