Ástarbrímans fagurmæli

Það er eins gott að þessari nauðgunarhugmyndafræði skjóti ekki upp kollinum hér á landi.

Þá væri vá fyrir dyrum hjá báðum kynjum og dómskerfið færi gersamlega á hliðina.

Nægur er nú vandinn samt.

 

Bónorð réttlæti ekki kynlíf

Leiftur úr hruni fortíðar.

Það er ekki ólíklegt að Íslendingar fái svona aðkenningu af fortíðarleiftri eftir 20 til 30 ár og safni þá öllu sem viðkemur hruninu og höfundum þess.

Innrömmuð afskrifuð kúlulánabréf bankastjórnenda, stjórnmálamanna og annarra innmúraðra fjármagnsáskrifenda frjálshyggjunnar föllnu, munu seld dýrum dómum ásamt  brjóstmyndum af Geir, Bjarna, Halldóri og Sollu.

Ekkert verður talið of hallærislegt, afdankað eða ómerkilegt geti það kallað fram glæst fortíðarleiftur um hinar föllnu frjálsræðishetjur hvort sem það eru myndir af hálfbyggðum höllum hist og her, útrásarveifur, barmmerki, forsetabréfin eða bara allur pappírinn úr tæturum bankanna.

Ekki þarf að efa að Morgunblaðið muni þá birta um þetta frétt með flennifyrirsögninni „Sjálfstæðismanna afurðir aftur í tísku“, þ.e.a.s. ef þá verður ekki löngu búið að blessa minningu þess ágæta blaðs.

Kommunistavörur aftur í tísku

Þjóðsöngur landnámshænsnanna

 

Hænur ekki óráðshænsn

Aðdáunarverð þrautseigja.

Að leggja árar í bát, þótt á móti blási er hugtak sem greinilega er ekki  til í orðasafni þessarar þrautseigu konu, sem hefur náð skriflega hluta ökuprófsins eftir 950 tilraunir.

Vonandi verður verklegi hluti ökuprófsins ekki jafn brattur fyrir þessa stórmerkilegu konu, svo hún geti sem fyrst látið þann draum rætast að fá sér bíl.

Náði skriflega prófinu í 950. tilraun

Nýnæmi ef aðkeypt þjónusta kostar ekki neitt.

Málsskjöl sem innihalda allskonar viðkvæmar persónuupplýsingar eru fjölfaldaðar af einkaaðila út í bæ fyrir ríkissaksóknara- embættið.

Að sögn Valtýs Sigurðssonar ríkissaksóknara verður þetta fyrirkomulag viðhaft þar til fjármagn fæst svo hægt sé að ljósrita hjá embættinu!

Hvaðan kemur fjármagnið sem fer í þessa aðkeyptu þjónustu eða er hún unnin í þegnskylduvinnu, sem væri nýnæmi hér á Fróni?

Þeir ættu að gleðjast sem vilja að ekkert sé gert hjá ríkinu sem hægt er að fá aðkeypt.

 

Ljósritað úti í bæ

Að stóla á mbl.is

Á mbl.is hefur greinilega verið lögð af gamla aðferðin að setjast á stóla og standa upp af þeim.

Tekin hefur verið upp sú nýbreytni að stíga  á og  af stólum.

Davíð hefur þá stigið á ritstjórastól Moggans. Vonandi fatast honum ekki staðan þótt staða blaðsins sé afleit.

.

 

Fegurðardrottning stígur af stóli

Dæmir Héraðsdómur Suðurlands ekki eftir lögum?

 Héraðsdómur Suðurlands dæmdi í dag tæplega fertugan karlmann í átta mánaða skilorðsbundið fangelsi fyrir að hafa haft í tvígang samræði við 13 ára gamla stúlku í september í fyrra. Þá er honum gert að greiða stúlkunni 400.000 kr. í miskabætur og 697.000 kr. í sakarkostnað. 

Í 202. gr. Almennra hegningarlaga segir:  „Hver sem hefur samræði eða önnur kynferðismök við barn, yngra en 15 ára skal sæta fangelsi ekki skemur en 1 ár og allt að 16 árum. Lækka má refsingu eða láta hana falla niður, ef gerandi og þolandi eru á svipuðum aldri og þroskastigi......“.

Ég veit auðvitað ekki hvernig tímatalinu er háttað í Héraðsdómi Suðurlands, en síðast þegar ég gáði þá töldust vera 12 mánuðir í einu ári. Nema rétturinn sé að nýta sér þá heimild til refsilækkunar að fertugur maðurinn teljist vera á svipuðum aldri og þroskastigi og barnið.

Dómurinn metur miska- og skaðabætur stúlkunnar  hæfilega metna   4/7, eða rétt rúmlega helming  af  þeirri upphæð sem lögfræðingar og dómskerfið telja hæfileg gjald fyrir sína aðkomu að málinu.

 

Dæmdur fyrir að hafa haft samræði við 13 ára barn

Love Hurts - Nazareth & The Munich Philharmonic Orchestra

 

Er batnandi mönnum .....?

Það er alveg glænýtt að Heimdellingar skuli  tala um gagnsæi, sem hefur ekki verið þeim þjált orð í munni fram að þessu.

Gera Heimdellingar kröfu um gagnsægi á öllum sviðum eða bara um stundarsakir í aðkomu bankanna að endurskipulagningu atvinnulífsins svo hægt sé að fylgst með því að „réttum“ aðilum verði veittur aðgangur að kjötkötlunum?

Er t.d. líklegt að Heimdellingar ætli að leggja af árlegan harmsöng sinn þegar skattskrár eru lagðar fram?

Heimdellingar hafa algerlega hafnað því gagnsæi sem skattskrárnar veita og barist hatramlega gegn framlagningu þeirra, sem þeir telja til höfuðsyndanna.

 

Heimdallur hvetur til gagnsæis og útboða

Kötlugos lausnin?

Landbrot er farið að ógna byggðinni í Víl í Mýrdal.  Árni Johnsen boðar til fundar í fjörunni við Vík annað kvöld til að reyna að hemja hafið.

Ljóst er að hressilegt Kötlugos með öllu tilheyrandi myndi færa strandlengjuna við Vík verulega fram og redda málinu.

Í stað þess að rymja yfir fundarmönnum í flæðamálinu ætti Árni því að bregða sér á Kötlu kerlingu og taka lagið.

Þá er eins víst að Katla gamla rumskaði af svefni sínum, blési hressilega frá sér til að hrista af sér okið.

Ætli fundarmenn að bíða í fjörunni meðan Árni athafnar sig á Kötlu væri vissara að mæta í bússum.

Fundarmenn mæti í sjóstígvélum