Það er alveg nýtt...

...að það sé kölluð sjálfhelda að festa bíl í snjó.

Svo var „sjálfheldan“ ekki meiri en svo að þeir sem voru hjálparþurfi gátu hringt eftir aðstoð.

En þetta er bara Mbl.is. Vonandi að blaðamenn þeirra lendi ekki í sjálfheldu með svona fréttaflutningi.  

 

Ferðalangar í sjálfheldu

Fasteignamarkaðurinn við alkul en.....

 

....svo einkennilega sem það hljómar, þá biðu menn víst í röðum eftir því að þetta, einmitt þetta,  hús kæmi á sölu að sögn fasteignasala hjá Stakfelli.

Fyrrum húseigandinn hefur því auk hússins, lagt frosinn fasteignamarkaðinn í RÚST.

Margir höfðu samband vegna hússins

Hvað er næst, þvottur á snúrum í þingsölum?

Sumum finnst sú skoðun mín eflaust  gamaldags að þjóðþing sem og flestir vinnustaðir séu ekki heppilegir til barnagæslu, hvorki í Ástralíu eða annarstaðar og þá ekki hvað síst með hagsmuni barnsins í huga.

Aumingja konunni finnst greinilega niðurlægjandi að nota dagheimili þingsins, sem mun, ef mér skjátlast ekki því meir, hafa verið sett á laggirnar til að mæður með ung börn gætu sinnt þingstörfum.

Hvað er næst, þvottur á snúrum í þingsölum?

Ef þessi kona væri flugmaður, ætli henni fyndist niðurlægjandi að fá ekki að hossa barninu á hnjánum í vinnunni?

 

Ástralska þingið ekki barnvænt

Andfætlingar eru þeir oft kallaðir......

 ....sem búa á suðurhveli jarðar. En hitt vissi ég ekki að Kyrrahafsbúar væru andáttungar okkar, en áttirnar nunu víst vera öfugar á Kyrrahafinu ef marka má þessa frétt.

„Við höfum vissar áhyggjur af því að þeir skjóti eldflaugum til vesturs, í átt að Hawaii,"  

Sagði  Robert Gates, varnarmálaráðherra Bandaríkjanna um hugsanlega  eldflaugaárás frá Norður-Kóreu.

  

Það er hægt að taka undir ótta Gates af eldflaugaárásum og sérílagi frá N-Kóreu, því ekkert er hræðilegra fyrir vammlaust fólk en að vera drepið af kommúnistum.

 

Varnir auknar við Hawaii

Fyrstu hvalirnir komnir á land, þetta er góður dagur.

 

Vonandi verða þeir margir svona, dagarnir á þessari vertíð og vertíðum komandi ára. Til hamingju Ísland.

 

Risavaxinn morgunverður

Ég biðst afsökunar.

Ég hef í huganum beðið Ástu Ragnheiði Jóhannesdóttur afsökunar á að halda að hún myndi ekki valda embætti forseta Alþingis.

Hún sýndi í dag, þegar hún vísaði ruddalegum formanni Framsóknarflokksins, úr ræðustól að hún hefur bein í nefinu og hefur fulla burði til embættisins. 

Stjörnuhrap Sigmundar Davíðs hefur á stuttum tíma verið þvílíkt að fá dæmi eru um hliðstæðu þess.

Sigmundur hefur með undraverðum hraða breyst úr ungum glæsilegum, nýjum formanni Framsóknarflokksins, sem giska margir leyfðu sér að binda nokkrar vonir við, í agalausan og  leiðinlegan lýðsskrumara, sem ekki þekkir sín takmörk. 

Sigmundur glotti þegar hann hrökklaðist úr ræðustól, glotti fíflsins.

Framsóknarmenn margir hverjir eru örugglega farnir að sakna gáska og galsa Halldórs Ásgrímssonar.

.

  

Óásættanleg framkoma forsetans

Er enginn óhultur?

Nú er skörin farin að færast upp í bekkinn, H1N1 flensuskömmin leggst líka á fréttamenn. Allt getur gerst, það er ljóst.

 

Danskur fréttamaður með svínaflensu

“I’m not me I’m you”!

Það er misjafnt hvað fólk leggur á sig að gangast upp í hlutverkum sem það hefur ánetjast.

Þessi kona, Lorna Bliss, hefur kostað til nærri 30 milljónum í Britney Spears uppfærslur á sjálfri sér.„Ég geri hvað eina sem Britney gerir og það getur verið mjög erfitt." segir Lorna.

.

Við skulum vona fyrir þeirra beggja sakir að fyrirmyndin verði ekki brottkölluð „fyrir tímann“  svo afritið þurfi ekki að apa það eftir.

 

30 milljónum varið til að líkjast Britney

Kvikmyndatökuvélin flaug fyrir Hrafninn, fyrir björg

Hrafn Gunnlaugsson ekur bíl á Gíbraltar suður, lendir í árekstri einn úr hópi manna, sem  á móti koma, á bifhjólum.

Í skýrslu um frásögn Hrafnsins af atburðum segir m.a. á þessa leið:

„Hrafn sagðist hafa farið út úr bílnum eftir áreksturinn.  Þá hafi einn bifhjólamannanna reynt að hrifsa af honum kvikmyndatökuvél sem hann hélt á. Síðan hafi mennirnir ráðist á hann með höggum og spörkum, skellt honum í jörðina, snúið upp á hægri handlegg hans og náð af honum myndavélinni. Einn hafi kastað myndavélinni fram af grjótvegg og niður í fjöru.“

Hvort lýgur Hrafninn eða flýgur?  Af hverju hélt Hrafninn á kvikmyndatökuvélinni þegar hann fór út úr bílnum? Var hann kannski að nota hana samhliða akstrinum?  

Eða hafði hann minni en engar áhyggjur af manninum sem minntist við brettið á bílum og greip vélina með sér því hann taldi mannklessuna á brettinu kjörið myndefni?

Gildir einu hvort var, hvorutveggja virðist týpískur Hrafn.

Það eina órökrétta í þessu máli er að það var kvikmyndatökuvélin en ekki Hrafninn sem flaug, í fjöruna niður.  

 

Fær ekki bætur vegna líkamsárásar á Gíbraltar

Kemur munnvatn til bjargar?

Nú þegar frjálshyggjan hefur beðið skipbrot er ljóst að margir geta ekki á heilum sér tekið og vita vart í hvorn fótinn þeir eiga að stíga.

Þessi munnvatns hugmynd kann að vera himnasending fyrir sanntrúaða og hrjáða frjálshyggjumunaðarleysingja landsins.

Hugsið ykkur dásemdina ef munnvatn eða aðrir líkamsvessar Foringjans Davíðs og hugmyndafræðingsins Hannesar fengjust á flöskum, þá gætu hinir þjáðu roðið gumsinu á sig, sér til hugarhægðar og léttis á þessum síðustu og verstu.

Vessana mætti líka nota til inntöku, allt eftir þörfum hvers og eins.

Munnvatn fagurra stúlkna til sölu