Ekki það vinur,... Finns?

Er  núverandi samninganefnd ekki á forræði Alþingis, allra flokka, bæði stjórn og stjórnarandstöðu og undir forsæti erlendra "sérfræðinga" að kröfu m.a. Framsóknar?

Það verður að líta á það sem Steingrímur sagði, í samhengi við spurninguna. Hann var spurður hvort ríkisstjórnin ætlaði að semja eftir helgi í andstöðu við stjórnarandstöðuna?

Sem svar við þeirri spurningu varpaði Steingrímur fram sinni spurningu. Hann notaði orðið "samningaliðið", nefndi ekki samninganefndina sem slíka.  

Ég tel augljóst að með orðinu "samningaliðið" hafi Steingrímur átt við sameiginlega aðkomu stjórnar og stjórnarandstöðu að samningunum. 

Sigmundi Davíð Gunnlaugssyni ber að taka þessi orð Steingríms beint til sín enda hefur hann til þess fulla ástæðu og getur ekki annað.  

Hvað er Framsóknarflokkurinn að fela og verja með slíku offorsi, gæti verið að Finnur nokkur Ingólfsson, sem auðvitað er alls óviðkomandi Framsóknarflokknum, geti átt þar hlut að máli og allur sá skítur sem hrannast upp umhverfis það... ehm...þann mann?

Framganga Sigmundar Davíðs kann að hafa rofið öll grið, hann kann að hafa útilokað hugsanlega stjórnar þátttöku Framsóknarflokksins með Samfylkingunni og/eða VG í nánustu framtíð.

   

„Tek þetta ekki til mín“

Snjókerling særir blygðunarkennd Bandaríkjamanns

Fjölskylda í New Jersey í Bandaríkjunum lagði í það mikla vinnu og natni að skapa líkneski af "Venus frá Mílanó" úr snjó í garðinum. Tiltækið vakti að vonum athygli en ekki voru allir sáttir.

Snjóstyttan mun hafa sært blygðunarkennd einhvers kanans því lögreglan mætti á svæðið og snjókerlinguna varð, gjörið svo vel og ekkert múður, að færa í föt eða brjóta niður að öðrum kosti.

Þeir eru afar viðkvæmir kanarnir fyrir nekt, nakinn mannslíkami má undir engum kringumstæðum sjást í sjónvarpi, en við sama líkama hafa þeir ekkert að athuga sjáist hann alblóðugur sundurskotinn eða niðurbrytjaður á skjánum.

.

Hvernig ætli þessi viðkvæmi kani hefði brugðist við þessu snjólistaverki?

.

Þurftu að klæða snjókonuna í föt

Mun Eyjafjallajökull kjósa... ehh... gjósa á morgun?

Það skyldi þá ekki fara svo að Eyjafjallajökull vakni  á morgun af 187 ára svefni sínum og taki þannig, á sinn hátt, þátt í þjóðaratkvæða- greiðslunni.

Fari svo þarf ekki að efa að margir muni túlka slíkt brölt í fjallinu ýmist með eða móti Icesave, ríkisstjórninni og hverju því sem henta þykir.

.

Fyrsta háskastigi lýst yfir

Lýðræðið krefst þess að allir nýti kosningarréttinn....alltaf!

Til hvers eru kosningar? Eru þær ekki til þess að kalla fram vilja þjóðarinnar? Á að hundsa kosningar ef einhverjir telja þær óþarfar, eða niðurstaðan liggi ljós fyrir?

Ekki verður hætt við þjóðaratkvæðagreiðsluna úr þessu.  Ef betri samningur er í loftinu ætlar ríkisstjórnin þá að sitja heima í stað þess að hafna verri samningnum?  Hvað gerir ríkisstjórnin ef Icesave verður samþykkt, ætlar hún þá að ganga gegn vilja þjóðarinnar og gera annan samning? 

Þeir sem sitja heima, sitja uppi með það að allir túlka það á þann veg sem þeim best hentar.

Þetta er fyrsta þjóðar- atkvæðagreiðslan í sögu lýðveldisins og stór- merkileg og mikilvæg sem slík.

Hvaða skoðun sem menn hafa á kosningunni eða því sem kosið er um,  þá megum við ekki hundsa kosninguna og sitja heima.

Léleg kosningarþátttaka verður ekki túlkuð á annan hátt en að þjóðin hafi ekki áhuga á beinu lýðræði og verður vatn á myllu þeirra stjórnmálamanna sem eru ekkert alltof hrifnir af rúmu lýðræði.

 

Er það vilji þeirra sem ætla að sitja heima?

  

Steingrímur: Ólíklegt að ég kjósi

Æ,æ,æ mikil ósköp

Týndi hlekkurinn er þá áfram týndur, vonandi þó ekki tröllum gefinn.

 

Ida ekki týndi hlekkurinn

Jafnrétti á villigötum!

Samkvæmt lögunum þarf stjórn sem skipuð er 3 eða fleirum að innihalda  að minnsta kosti 40% af hvoru kyni. Getur einhver sagt mér hvernig þetta verður framkvæmt?

Þriggja manna stjórn getur aðeins haft, að mínu viti, eina konu og tvo karla eða öfugt.   Segjum ein kona og tveir karlar, þá er konan 33,33% af stjórninni og karlarnir 66.66%, öldungis ófullnægjandi  segja lögin!

Hvaða líkamsparta er best að karlarnir láni konunni á fundum svo hún nái 40% markinu?   

Erum við ekki komin örlítið út af sporinu. Er þetta til hagsbóta fyrir konur?

Hvað kemur næst í þessu bulli?  

Biðraðir, þarf að kynjajafna í þeim ef þær raðast ekki „rétt“?

Saumaklúbbar, verða konur að skikka karlana með sér svo ekki verði kynjahalli á klúbbunum?

Hvað með hjón sem eiga t.d. 4 stráka, þurfa þau að ættleiða stúlkur inn í röðina til að jafna hlutföllin?

Hvað með aðgreiningu kynjanna á salernum, er ekki hrópandi mismunun þar?

Kynjakvóti í stjórnum fyrirtækja

Upp, upp okkar sál.

    Það þarf eitthvað meiriháttar að gerast til að þjóðin sendi ekki frá sér stærsta nei í sögu þjóðarinnar á laugardaginn.  

   Það þýðir ekkert að berja hausnum við steininn, Icesave málinu, eins og það var upp sett, hefur þegar verið hafnað, þótt formlega gerist það ekki fyrr en á laugardag. Fjöldi erlendra fréttamanna er á landinu og gífurlegur áhugi er víða erlendis á málinu, nýtum okkur það í botn, sópum af borðinu og sköpum okkur nýja vígstöðu.

    Undarleg þykir mér afstaða og viðbrögð ríkisstjórnarinnar. Ístað þess að viðurkenna fyrir sjálfri sér staðreynd málsins og hysja upp um sig, nýta þann meðbyr  sem við höfum fengið erlendis og skipuleggja nýja sókn fyrir land og þjóð, þá húkir hún með hor og hland organdi útundir vegg og vorkennir sjálfri sér.

    Ef ríkisstjórnin nær ekki áttum þá hefur hún lokið hlutverki sínu. Hún getur þá allt eins afhent hrunaflokkunum völdin. Það verður þá í höndum Sigmundar og Bjarna að „þrífa“ upp sóðaskapinn, enda eru þeim hægust heimatökin.

 

Mikill áhugi erlendra miðla

Búnaðarþing óstarfhæft.

Samfylkingin mun hafa raskað illa starfsemi  Búnaðarþings með því að senda ekki fulltrúa í  klapplið þingsins.

Fleiri andstæðingar bænda hundsuðu þingið svo sem  NASA sem sendi ekki fulltrúa í geimferðanefnd Búnaðarsambandsins,  ísbirnir sendu heldur ekki  fulltrúa í hafísnefndina og Hafernir hundsuðu  háloftanefndina með öllu, svo fátt eitt sé talið.

Okkur er vandi á ljáum.

  

Kalt stríð milli bænda og Samfylkingar

Getur eitthvað verið kjánalegra?

Fyrir það fyrsta er það umhugsunarvert, svo ekki sé meira sagt, að fangar með langa og alvarlega dóma á bakinu fái eftirlitslaust „leyfi“ til að skreppa í bæinn.

Enn undarlega er að þeir haldi sínum vegabréfum og landamærin séu þeim ekki lokuð fyrr en formlega er ljóst að þeir hafi strokið. 

Þetta þættu kjánalegar uppeldisreglur hvað þá til að hemja glæpamenn.

Getur heimskan verið meiri?

 

Reglum breytt vegna Guðbjarna

Nema hvað?

Er eitthvað annað inn í myndinni en þeir standi við sinn samning og skili varðskipinu fullsmíðuðu?

 

Heita að klára Þór