Á að horfa á sjónvarpið í kvöld?

Það hitnar ekki í kvöld sjónvarpið, enda hefur dagskrá  RUV sjaldan eða aldrei verið jafn óboðleg.

 Eftir snemmbornar fréttirnar kl. 18.00 er dagskráin svona:

     HM  fótbolti – beint

     HM kvöld – Íslenskir spekingar spjalla um boltann

     Lífsháski – þá er bölvaður boltinn skárri

     Tíufréttir – fréttir af fótbolta

     Veðurfréttir – hvernig viðrar á boltann

     Íslenski boltinn – ekki má vanrækja hann

     HM fótbolti – beint

     HM kvöld – Íslenskir spekingar spjalla um boltann

     Fréttir E.   

Torres í byrjunarliði Spánverja

Datt Netanyahu á höfuðið, eða....?

Getur verið að Ísraelstjórn sé loks að átta sig á því að það sé hatursstefna þeirra gegn Palestínumönnum,  sem elur af sér Hamas og önnur öfgasamtök með tilheyrandi hryðjuverkum?

Það væri hreinlega of gott til að vera satt. Sennilega er þessi slökun þeirra á hörkunni gegn Gaza aðeins einþáttungs leiksýning fyrir reiðan almenning í löndum heims.

Þá er í framhaldinu stutt í venjubundna tilkynningu Ísraelsstjórnar  um nýjar landnemabyggðir þeirra  á landi Palestínu til að hleypa öllu aftur í bál og brand. 

Það hefur aldrei brugðist.

Veikir Hamas-samtökin

Það er vissara að....

 

....hafa þennan „Hannibal“ í einbýli framvegis.

 

Réttarhöld hafin yfir mannætu

Á að bera virðingu fyrir manndrápum?

David Cameron, for- sætisráðherra Bretlands segir það vera sam- félagslega skyldu allra breskra borgara að standa við bakið á Breska hernum og sýna honum virðingu.

 

Að standa að baki hernum í því hlutverki hans að verja föðurlandið er eitt, en að skilja og styðja veru hersins í fjarlægu landi í vafasömum pólitískum tilgangi er annað.

 

Ég er nokkuð viss um að þeir eru margir Bretarnir sem eiga í mesta basli með að skilja tilganginn með veru hersins í Afganistan og því síður að 300 fallnir hermenn séu ávinningsins virði.

 

Þjóðin standi við bakið á hernum

300 +

Litlar þrjú hundruð og þrjátíu milljónir mun húllumhæið kosta sænska skattborgara þegar Viktoría krónómagi  Svíþjóðar gengur að eiga Hans klaufa í dag.

 

Eftir að Hans klaufi hefur lögformlega verið tekinn í konunglegaómagatölu og fengið tilheyrandi titil getur hann,ef hann hefur ekki þegar þjófstartað, hafist handa við sinn eina tilgang, sem er að búa til litla yfirstéttarómaga, sem verða á ævilöngu framfæri sænskra, fyrir það eitt að vera til.

 

Ólafur og Dorrit í brúðkaup krónprinsessu

Er Össur að hóta rauða spjaldinu?

Það er ekki hægt að túlka orð Össurar á annan veg en sem alvarlega áminningu og skýra viðvörun til samstarfsflokksins í ríkisstjórn að þeir geti átt von á rauða spjaldinu þá og þegar.

 

Það er skoðun margra að umburðarlyndi Samfylkingar- innar  gagnvart stjórnar- andstæðingunum í VG sé löngu komið langt út fyrir það sem eðlilegt getur talist.

 

Skilaboðin eru nægjanlega skýr en verða þau meðtekin?

    

Össur hlynntur þjóðstjórn

Hver og hver og vill og verður?

Það kemur ekki á óvart að lítil eftirspurn sé eftir varaformannsembættinu í Sjálfstæðisflokknum við hlið formannsins laskaða.

 

Það sem kemur á óvart er algert kjarkleysi flokksmanna að hjóla beint í formanninn.  Því sjaldan hefur formaður Sjálfstæðisflokksins verið flokknum slíkur dragbítur og staðið jafn veikt og Bjarni Ben gerir núna, með sín lík í lestinni.

Ætlar ekki í varaformanninn

Stillið á Útvarp Sögu.

Hvet fólk til að stilla á Útvarp Sögu, útvarpsstjórinn Arnþrúður Karlsdóttir er þessa stundina dauðadrukkin í spjallþætti! (Kl.13.30)

 

Hún eys úr sér fúkyrðum, „þetta ógeðslega fólk“ voru ummæli hennar um ríkisstjórnina og annað eftir því.

 

Máttur bænarinnar

Fullyrða má að ekki hafi verið beðið meira fyrir nokkru öðru en fyrir friði.

 

Ekkert nema gott eitt um það að segja.

 

En ég má ekki til þess hugsa hvernig ástandið væri í friðarmálum í heiminum, ef engar hefðu verið friðarbænirnar.

 

Það væri sko subbó.

 

 

 

Beðið fyrir friði

Er þetta ekki feikna framför?

Þetta hlýtur að teljast til framfara.

Eru löggurnar vestra ekki því vanastar að rífa upp byssuna og skjóta viðkomandi,  svona til vonar og vara, sér í lagi ef viðkomandi er svartur?  

 

 

Lögreglumaður kýldi unglingsstúlku