Mr. Tony Hayward forstjóri BP er í óvissu og mjög leiður.

Sennilega stafar leiði hans og óvissa aðallega af áhyggjum af eigin skinni. Hann á yfir höfði sér reiði hluthafa, fyrir að hafa mistekist að afla þeim fúlgur fjár með því að hundsa öryggisreglur og hafa í  staðin valdið þeim tjóni.

Enginn glæpur er verri í augum þeirra sem taka fégildi framyfir manngildi.

Hluthafarnir munu örugglega skipta forstjóranum út fyrir annan sem getur þá tekið upp sama skollaleikinn  til að skapa hluthöfunum hámarksgróða.

Hayward baðst afsökunar

Er ekki rétt...

 

...að bíða og sjá hverju aðildarviðræðurnar við Evrópusambandið skila okkur áður en við fellum stóradóm.

Margir bloggarar vaða uppi með bull og þvælu,  mest byggðu á tilfinningum og fordómum, slíkur málflutningur skilar okkur engu og síst því sem honum er ætlað.

Hann er yfirgengilegur þvættinginn, sem mest virðist í tísku, að þjóðin hafi verið niðurlægð af því að aðildarviðræðurnar  voru formlega samþykktar í dag 17. júní.

Það er einungis til marks um málefnalega nauð þeirra sem slíku halda fram. 

„Heilladagur fyrir Ísland“

Gleðilega hátíð!

Gleðilega hátíð kæru bloggvinir og aðrir landsmenn.

.... 

Sterk staða þrátt fyrir hrakspár

Aumingja maðurinn.

Sigurmar K. Albertsson, lögmaður Lýsingar hf. og SP-fjármögnunar, segir hundruð milljarða vera í húfi og hafa í för með sér mikla erfiðleika, þá fyrir bankanna væntanlega.

 

En er ekki nákvæmlega sama upphæð, upp á krónu, í húfi fyrir lántakendur? 

Hafa gengdarlausar hækkanir afborgana ekki haft í för með sér mikla erfiðleika fyrir viðskiptavini bankanna?

 

Dómurinn mun skapa erfiðleika

Óstjórntækur flokkur.

VG er því miður að sanna það betur og betur að þeir eru gersamlega óstjórntækur flokkur og feta þar dyggilega í slóð Alþýðubandalagsins gamla sem var lengst af fullkomlega ósamstarfshæft.

 

Í stjórnarsáttmála Samfylkingar og VG stendur skýrum stöfum að ráðuneytum skuli fækkað úr 12 í 9 fyrir mitt kjörtímabilið.  Samþykktu  Atli Gíslason, Ásmundur Daðason og Jón Bjarnason,  ásamt öðrum ónefndum stjórnarandstæðingum innan VG, stjórnarsáttmálann einungis upp á grín, staðráðnir að hafa hann að engu þegar þeim best hentaði?

 

Því miður virðist það vera raunin, það sannar nánast óslitin röð svona dæmalausra uppákoma. Sem rök fyrir andstöðu sinni gegn þessu ákvæði  stjórnarsáttmálans segir Atli að framkvæmd þess muni veikja og grafa undan baráttu VG gegn öðrum liðum stjórnarsáttmálans! 

 

Hafið þið heyrt það betra?

 

VG verða að ákveða í eitt skipti fyrir öll hvort þeir ætla að standa við stjórnarsáttmálann, eða ekki.  Hafi þeir ekki áhuga á því, eiga þeir að sjá sóma sinn í því að slíta stjórnarsamstarfinu

 

Svona vinnubrögð eru ekki boðleg íslenskri þjóð. 

 

Eru andvígir frumvarpi Jóhönnu

Já einmitt - láta helvítin borga.

Auðvitað á BP að borga upp í topp og bæta skaðann að fullu. Það er eina refsingin sem þessir skrattar skilja að þurfa að horfa á eftir peningum og sjá hagnaðinn hverfa út í hafsauga.

 

Fyrr hætta þeir ekki að hundsa lög og öryggisreglur og stytta sér leið til að spara sér „smáaura“.

 

Það var löngu tímabært að Bandaríkjastjórn tæki olíurisana af vildarvinaskrá sinni.

  

Obama: BP þarf að greiða

Mulningur #35

Mig verkjaði af hungri, sem gerist alltof oft.  Ég skimaði því ísskápinn og.... aha pizzusneið blasti við, ekki það að pizza sé í neinu uppáhaldi, nema síður sé.

En allt er hey í harðindum. Svo pizzu sneiðinni var snarað á disk og hún gerð klár fyrir upphitun.

Ég reif upp hurðina á örbylgjuofninum og ætlaði að snara diskinum með pizzusneiðinni inn....en halló, halló hvað var í gangi?

Það sem við blasti kom mér vægast sagt úr jafnvægi. Hvað var kornflex pakkinn og samlokugrillið að gera inn í örbylgjuofninum?

Drjúgur tími leið, með ýmsum bollaleggingum , áður en ég áttaði mig á því að ég var ekki að horfa inn í örbylgjuofninn heldur skápinn við hliðina á honum.

Eftir að mistökin urðu ljós var vandræðalaust að hita sneiðarskömmina.

 

Flottur karl...

...hann Mikhaíl Gorbasjov. Hann er sá einstaklingur sem hvað mestum breytingum olli á 20. öldinni til hins betra.

Það er vert að taka ofan fyrir slíkum mönnum, því miður eru slíkir, sem hann, alltof fáir.

 

Kallar eftir sterkara lýðræði

Þetta eru góð nöfn

Magni og Móði skulu gígarnir á Fimmvörðuhálsi heita og hraunið, sem frá þeim rann, Goðahraun.

Þetta eru vel til fundin nöfn og rökstuðningur fyrir þeim góður.

.

.

Magni og Móði skulu fjöllin heita

Ekki alveg út í Q

Er það ekki bara jákvætt að þorpsbúar hafi viljað gera ónáttúru drengsins og löngun hans til kúa, löglega fyrir Guði og mönnum?

Neyddur til að giftast kú