Að vita ekki lengra lim sínum

Þessi Breska getnaðarlimarannsókn gleður örugglega fáa meira en Íslenska rasista.  Einar Gunnar Birgisson, og aðrir slíkir moðhausar, sem  efast ekki andartak  um mikilfengleika og yfirburði hins hvíta norræna eðalkynstofns yfir aðra kynstofna, hljóta að ærast af fögnuði.

Þeir hafa örugglega hópum saman, eftir lestur þessarar fréttar, rótað í skúffum og skápum í leit að tommustokk eða málbandi og í framhaldinu brugðið örvandi spólu í vídeótækið og  kannað hvort arískur manndómurinn stæðist mál.  Einhverjir munu eflaust miklast af eigin mælingum og segja limaburð sinn staðfesta yfirburð hvítra Íslendinga umfram aðra kynstofna.

En ég hygg samt að þeir verði mun fleiri sem þurfi,  þegar þeir mæta á næsta ársfund Íslenskra rasista, að kríta liðugt þennan tiltekna aríska yfirburð sinn.

Ársfundur Íslenskra rasista mun eðlilega fagna þessari rannsókn og segja hana óhrekjanlega sönnum um yfirburði hins hreinræktaða Íslenska stofns. Hinsvegar mun ársfundurinn eðlilega koma sér hjá því að álykta sérstaklega um þá niðurstöðu rannsóknarinnar, að a.m.k. fjórum lituðum og "óæðri kynstofnum" hafi verið úthlutað meiri manndóm en Íslenska „aðlinum“. Óopinberlega mun þetta sagt vera tímabundna stökkbreytingu og frávik í þróuninni.

Sköpunarsinnar innan rasistasamtakana eru eðlilega ekki sáttir við þá skýringu, því eins og þeir vita manna best er allt fastmótað, um aldir alda, eins og skaparinn gekk frá því, þróun er ekki inn í myndinni.  

Íslendingar „stærstir“ í Evrópu

Allt er í heiminum hverfult

Svo er að sjá sem þetta fyrrum trúlausa kommúnistaríki sé orðið kaþólskara en páfinn í trúaröfgum.

 

Opinber rannsókn á söngleik

Hvar er ritstjórn mbl.is núna?

Bloggfærslur eru misgóðar og misgáfulegar og eru þá færslur á þessari síðu ekki undanskyldar. Stundum les maður blogg sem bera af sem gull af eiri og líka færslur sem eru alveg á hinum endanum. Einstaka sinnum, en sem betur fer afar sjaldan, bera fyrir augu bloggfærslur sem eru þvílíkur viðbjóður að það hálfa væri yfrið nóg.

Eina slíka las ég í dag, í henni er öll sú sora- og andstyggðarhugsun sem hugsanlega getur rúmast í  einum mannskolli. Ég hef ekki geð í mér að rekja efni færslunnar, sem er eftir formann Bjartsýnisflokksins, heldur vísa á slóðina sem er hér, hafi menn geð til.

  

Leikur Eiður Smári með Grindavík á næstu leiktíð?

Eiður Smári Guðjohnsen er einhver ofmetnasti knattspyrnumaður Íslandssögunnar. En hvað sem því líður þá er hann endanlega kominn á botninn,  náði raunar aldrei að lyfta sér langt frá honum. Það sést best á því að hann gengur núna milli liða með grasið í skónum og bæn í augum. Þessa stundina beinir hann sjónum sínum að Cercle Brugge í Belgíu, sem er helsti fallkandídatinn í þarlendri  knattspyrnu.

En trú mín er sú að þeir Belgísku muni ekki hafa hug á að veikja liðið enn frekar og því vísa Eið frá. Þá á Eiður aðeins einn kost eftir, neiti hann enn að sjá sína sæng útbreidda. Það er að ganga til liðs við fallið úrvalslið Grindavíkur. Þar gæti hann átt von  því í því félagi ráða menn sem sett hafa, oftar en ekki, kíkinn fyrir blinda augað í mannaráðningum. Eins og sést best á þeirri glópsku að ráða sem þjálfara á yfirstandandi leiktíð, útbrunnustu risaeðlu þeirrar stéttar, Guðjón Þórðarson.

Þessir tveir fortíðarljómar, Eiður og Guðjón, gætu þá í sameiningu afrekað það á næstu leiktíð að skila Grindavík niður í 2. deild áður en þeir og aðdáendur þeirra átta sig endanlega á því að þeirra tími er löngu liðinn.

Verða Eiður Smári og Arnar samherjar?

Sannleikurinn skilgreindur sem óvinur Bandaríkjanna

Samkvæmt frétt á vísir.is er opinbert orðið að Bandaríski herinn hefur sett Julian Assange á sama stall og Al Kaída og Talibana og skilgreint hann sem óvin ríkisins.

Assange hefur sem kunnugt er haft milligöngu, gegnum samtökin Wikileaks, að opinbera leynigögn um ólöglega og glæpsamlega starfsemi CIA og Bandaríska hersins vítt og breytt um heiminn.

Sannleikurinn hefur þar með opinberlega verið lýstur óvinur BNA og fengið sömu réttarstöðu og hryðjuverkasamtök!

Bandarískir borgarar  sem svo mikið sem bjóða Assange góðan daginn eiga það á hættu að verða kærðir fyrir samstarf við óvininn, við því liggur dauðarefsing.  

In memoriam

Herbert Lom varð ódauðlegur með leik sínum í Bleika pardusnum á móti Peter Sellers.

 

Herbert Lom látinn

Hvernig er hægt að handleika það sem ekki er til?

Er það ekki rökvilla að tala um að handbært fé sé neikvætt? Hvernig getur fé sem er ekki til verið handbært?

 

Handbært fé neikvætt um 33,7 milljarða

IBM Romney

Mitt Romney, "maðurinn" sem keppir um Obama um forsetembættið í Banda- ríkjunum og tæplega hálf þjóðin virðist ætla að kjósa, skilur ekkert í því af hverju ekki er hægt að opna gluggana á flugvélum í flugi, vilji farþegarnir anda að sér hreinu lofti.

IBM áformar að nefna næstu ofurtölvu sína eftir gáfnaljósinu.

  

Skildi ekki hvers vegna ekki mátti opna glugga

Hvar á að draga línuna Jón Valur Jensson - Við hvaða aldur nemenda mega kennarar byrja að riðlast á þeim?

Það hefur verið í fréttum undanfarið að breska lögreglan leitar að 15 ára enskri stúlku sem hljópst að heiman og til Frakklands með þrítugum kennara sínum.

Jón Valur Jensson guðfræðingur bloggar um málið skilur ekkert í þessu uppistandi út af engu og telur „ástarsamband“  15 ára stúlku og þrítugs kennara hennar, sem enn er unglingur að hans mati, hið besta mál og réttlætir það með fimm aldagömlu barnaníðingsmáli íslensku.

Jón Valur telur það vera sósíaldemókrataískt vandamál og úrkynjun að sjá ekki það fallega í svona „ástarsamböndum“. Jón þessi hefur líka reynt að gera lítið úr barnaníðingsmálum í hans kirkjudeild, sem tröllriðið hafa fréttum undanfarin ár.

Hvar á, hr. Jón Valur guðfræðingur, að draga línuna í kynferðissambandi nemenda og kennara? Við 13 ár, við 11 ár eða jafnvel við forskólaaldur? Við hvaða aldur hættir slíkt samband að vera „fallegt ástarsamband“ og verður eitthvað annað?

Þú ert ekki í lagi maður, fjarri því!

*Þessi færsla er skrifuð hér sem athugasemd við þessa færslu Jóns, því mér er meinað að gera athugasemdir á bloggi Jóns Vals, auk þess sem hann fjarlægir miskunnarlaust allar athugasemdir sem eru honum ekki að skapi.*

  

Litli ríkisendurskoðandinn!

Kastljós var með frábæra umfjöllun um mál sem virðist hafa alla burði til að vera hneykslismál af stærri sortinni.  Ríkisendurskoðun virðist, ef rétt reynist, þjóna tveimur herrum.

Það eina sem ríkisendurskoðandi lét hafa eftir sér um þetta mál var að auðvitað væri þetta allt forvera hans að kenna. Svo harmaði hann auðvitað, ekki slóðaskap og vanrækslu Ríkisendurskoðunar, heldur að upp um „glæpinn“ hafi komist.

Nú verður allt kapp lagt á hjá þeim sem eiga sitt undir í þessu máli að gera litla ríkiendurskoðandann, sem lak málinu í Kastljósið, að skúrki málsins. Sóun milljarða af almannafé verður gert að algeru aukaatriði.

Trúnaðarskjali lekið til Kastljóss