16. til 18. sæti...

...verður það í kvöld í Eurovision, góðir hálsar. Allt þar fyrir ofan væri flott, en umfram getu lagsins.

Ég tel að Hera hafi orðið í 8. sæti í undanúrskitunum á þriðjudaginn.

Þýskaland sigrar.

 

 

Hera Björk á svið upp úr kl. 20

Leynilegar kosningar eða „opinberar“?

Búinn að kjósa. Það var ekki erfitt að þessu sinni, enda valið óvenju einfalt.  

 

En kjörseðillinn sjálfur var til skammar. Hann var gasgnsær, fölgulur og úr svo þunnum og lélegum pappír að lesa mátti úr langri fjarlægð það sem  á hann var ritað og merkt, þótt samanbrotinn væri. 

 

Langt frá því að vera boðlegt. Kjörseðillin hefði allt eins getað verið á glæru.

  

Ekki víst að fylgið gufi upp í kjörklefanum

Sóley í túni..., og sláttur er hafinn.

Engin efast um að Hjörleifur Guttormsson sé forkur duglegur og fylgin sér. Sama má líklega segja um Sóleyju Tómasdóttur.

En það er fleira sem Sóley og Hjörleifur eiga sameiginlegt, t.a.m.  eru persónutöfrar þeirra beggja fullkomin flatneskja.  Svo eru þau bæði gersamlega sneydd því sem hverjum stjórnmálamanni er bráðnauðsynlegt, sem er hæfileiki til þess að laða fólk til fylgis við skoðanir sínar, hvort heldur þær eru góðar eða slæmar.

Fylgi Alþýðubandalagsins á Austfjörðum var í beinu línulegu falli frá því að Hjörleifur bauð sig fyrst fram og þar til hann hætti. Sóley er öllu afkastameiri en Hjörleifur að reyta af sér fylgið, ef eitthvað er.

Sem er kostur út af fyrir sig, þá tekur þetta fyrr af.   

 

Oddviti VG á kjörstað

Sumir eru töluvert jafnari en aðrir.

Hér hefur E listinn lög að mæla. Það er forkastanlegt að Stöð 2 skuli með þessum hætti mismuna framboðum, til þess hafa þeir engar forsendur. Tilvísun Stöðvar 2 í skoðanakannanir er rakið bull.

Ekki hefur heyrst múkk um þetta fyrirkomulag frá þeim framboðum sem njóta velvildar Stöðvar 2 . Það kemur raunar ekki  á óvart að fjórflokkurinn láti sér þetta vel líka.

En á óvart kemur að Besti flokkurinn skuli leggja blessun sína yfir þessa mismunun, nema það sé fyrsta táknið um að hann sé þegar farinn að tileinka sér hugsunarhátt fjórflokksins.

Kærir Stöð 2 til útvarpsréttarnefndar

Fölsk friðardúfa

Pakistönsk dúfa hefur verið handtekin á Indlandi fyrir að rjúfa lofthelgi landsins og stunda þar njósnir.

 Lævís dúfan var dulbúin sem friðardúfa, drifalhvít  og sakleysið uppmálað.

En klókir Indverjarnir létu ekki gabbast þar sem íslamskar dúfur eru auðgreinanlegar frá hindúa dúfum.

Þetta njósnamál er litið mjög alvarlegum augum og dúfutetrið mun því, ef að líkum lætur, ekki eiga náðuga daga framundan.

Njósnadúfa í gæsluvarðhaldi

Já...þannig!

Mér sýnist þetta orðalag Kínverjana  frekar bera vott um tortryggni þeirra og efasemdir um atburðarásina frekar en stuðningsyfirlýsingu.

Kína stendur með S-Kóreu