Og koma svo!

Það er vaxandi krafa hjá þjóðinni að stjórnmálamenn axli ábyrgð á hagstjórnarlegum mistökum undanfarinna ára.

Vonandi er þessi yfirlýsing Jóhönnu merki þess að stjórnmálamenn almennt séu að vakna til vitundar og átta sig á gerbreyttu landslagi og krafan sé nýtt blóð, ný hugsun og síðast en ekki síst ný og bætt siðferðisvitund.

Koma svo hinir Bjarni og Sigmundur og renna upp að hliðinni á Jóhönnu en gæta þess umfram allt að taka ekki framúr?

 

„Létum þetta líðast“

Algert „umferðar-hveiti“ eins og einhver orðaði það

 

 

Umferðaröngþveiti á Hvolsvelli

Þingmenn í þrautakóng.

Mikið afskaplega er það heppilegt fyrir Þorgerði  og Illuga að Björgvin skyldi bresta kjark til að stíga skrefið til fulls og segja af sér þingmennsku.

Nú telja Þorgerður og Illugi að þau þurfi ekki að ganga lengra en Björgvin til að halda andlitinu og það nægi að stíga til hliðar tímabundið. Þau bíða svo tækifæris að laumast aftur inn á sviðið um leið og öldurnar lægir.

Vonandi  verður það  aldrei.

Ég bind vonir við að Björgvin sjá að sér og klári dæmið, það myndi setja  syndlausu og ómissandi Sjallana í verulegan vanda.

Hvernig er syndaregistur  varaþingmannanna  sem koma inn á þing í stað Þorgerðar og Illuga? Lækkar syndasúla flokksins við þessa aðgerð?

 

Þorgerður stígur til hliðar

Tveggja bíla árekstur......!

Þessi var góður...... kunnið þið annan?

Tveggja bíla árekstur við BSÍ

Er nema von að ástandið sé eins og það er,....

....þegar menn þurfa að mati formanns Sjálfstæðisflokksins að færa rök fyrir því að þeir skammast sín og snáfi burt?

Óttast Bjarni barnungi að missa spillingarliðið of langt frá sér?

Illugi færði fram sterk rök

Leit er hafin að týndum kjúklingi...

...sem talið er að sé sýktur af salmonellu. Ekkert er vitað um ferðir kjúklingsins síðan um miðjan dag í gær. Kjúklingurinn var þegar síðast var vitað klæddur í glært plast.

Kjúklingurinn er talinn hættulegur og fólk er beðið um að forðast beina snertingu við hann. Þeir sem verða hans varir eða hafa upplýsingar um ferðir hans síðan í gær eru beðnir um að hafa samband við lögregluna.

 

Grunur um salmonellusmit í kjúklingi