Framboð tekið af lífi

Undarlegar kröfur hjá Herdísi og vanhugsaðar og til þess eins fallnar að slá á fylgið við hana. Gott ef Herdís hefur ekki endanlega slátrað forsetadraumi sínum með þessum kjánaskap.

Utanaðkomandi stýri kosningaumfjöllun RÚV

Útvarp Saga hvetur til þess að forsetinn fremji valdarán

Útvarp Sori steig í dag inn í nýjar víddir í þeirri sorpvinnslu sem stunduð er á stöðinni.

Ólafur Ragnar var víst gestur á útvarpi Sora í morgun og svohljóðandi er frá þeirri heimsókn greint  í fréttayfirliti útvarps Sora:

Ólafur Ragnar Grímsson íhugaði utanþingsstjórn á þeim tíma sem búsáhaldabyltingin stóð sem hæst. Þetta kom fram í morgunútvarpinu rétt í þessu en Ólafur segist hafa íhugað það vandlega og verið kominn nokkuð langt með undirbúning þess þegar ríkisstjórnin féll en meðal þess sem Ólafur greindi frá var hann farinn að velta fyrir sér nöfnum þeirra sem hann hafði í huga. Að sögn Ólafs íhugaði hann utanþingsstjórn vegna þess að hann taldi óvíst að ríkisstjórnin réði við það ástand sem þá var í landinu og hætta væri á að landið yrði stjórnlaust.

Þarna er því haldið fram að forsetinn hafi verið kominn á fremsta hlunn að fremja valdarán. Því forseti getur ekki vikið sitjandi ríkisstjórn frá völdum og skipað nýja, samkvæmt stjórnskipun landsins. Það væri valdarán og ekkert annað.

Á Útvarpi Sora heillast saursekkirnir hinsvegar af hugmyndinni og vilja kanna undirtektir við hugmyndina, því spurt er í skoðanakönnun dagsins: 

"Vilt þú að Ólafur Ragnar Grímsson forseti Íslands undirbúi myndun utanþingsstjórnar"?

Ég fæ ekki betur séð en útvarp Sori sé með þessu að kalla eftir stuðningi við valdarán forsetans. Er ekki orðið tímabært að litið sé undir húddið á þeim sem ábyrgð bera á þessari stöð?

Ólafur Ragnar þarf auðvitað að gera hreint fyrir sínum dyrum varðandi þetta mál og upplýsa hvort hann deili sæng með útvarpi Sora. 

Ódýr yfirlýsing

Jón Lárusson hefur hætt við framboð sitt til forseta Íslands, því honum mun ekki hafa tekist að afla nægjanlegs fjölda meðmælenda, sem er að lágmarki 1500 og að hámarki 3000.

Jón segir ástæðuna vera þá, að fjölmiðlar hafi unnið gegn honum og sagt hann ekki vera viðlits verðan. Jón er með öðrum orðum að segja að almenningur sé viljalaust rekald og fjölmiðlar hafi slíkt ægivald yfir þjóðinni að ekki finnist 1500 sálir á landinu öllu, sem hafi þrótt til að ganga gegn boði þeirra.

Það er ekki merkilegt álit sem Jón hefur á löndum sínum. Það álit virðist vera gagnkvæmt!

  

Jón dregur framboðið til baka

Ekki byrjar hann bermilega, karl anginn

Þær renna, í dag, sem á færibandi fréttirnar á mbl.is  af Ólafi Ragnari Grímssyni. Ólafur er að hefja sína kosningabaráttu en hann hefur baráttuna að mínu viti afar illa.  

Ólafur er greinilega gramur yfir mun verra gengi í skoðanakönnunum, en hann vænti. Hann heggur á báðar hendur, ásakar menn og stofnanir hægri vinstri um að vinna gegn sér.

Forsetinn á að auðvitað að byggja sína kosningabaráttu á eigin ágæti og sínum verkum. Ef hann getur það ekki nema með skítkasti og illu umtali um keppinautana, er hans tími liðinn.

Ef þetta er og verður framlag forsetans í umræðuna, er eins víst að mín afstaða til hans verði tekin til endurskoðunar.

Segir Jóhönnu í herferð gegn sér

Ruglukolla úti á túni.

Það munar ekki um það hjá Lilju Mó, hún bregst ekki vonum – nú vill hún  hóta lífeyrissjóðunum skattlagningu á inngreiðslur í sjóðina, afskrifi þeir ekki skuldir þeirra sem fóru offari í fjárfestingum.  

Lilju finnst eðlilegt að lífeyrissjóðirnir afskrifi útlán fyrir útvalda og skerði með því lífeyrisréttindi allra þeirra sem ekkert hafa með þessar skuldir að gera.

Skattlagning á inngreiðslur í lífeyrissjóðina verður ekki skattur á sjóðina sjálfa heldur beinn skattur á launþega. Því það verður ekki sú fjárhæð sem dregin er af launþeganum, sem myndar inneign iðgjaldsgreiðandans, heldur sú fjárhæð sem kemur í sjóðinn eftir skattinn. Mismunurinn fer í að greiða óreiðuskuldir annarra, í boði Lilju Mó.

Þetta sýnir glöggt að Lilja er nákvæmlega það sem hún lítur út fyrir að vera – ruglukolla úti á túni.

Hóta ætti lífeyrissjóðum

Hengja skal bakara fyrir smið

Það er gott og blessað að stjórn lífeyrissjóðsins Stapa skuli, til að gæta hagsmuna félagsmanna sjóðsins,  íhuga að höfða mál gegn lögmannsstofunni sem olli sjóðnum 5 milljarða skaða með vangá.

En hvað á hinn almenni félagsmaður lífeyrissjóða að gera til að gæta sinna hagsmuna, þegar það eru stjórnir sjóðanna sjálfra, sem hafa með geggjuðum fjárfestingum, valdið þeim milljarða skaða, eins og dæmin sanna. Á hinn almenni félagsmaður lífeyrissjóðanna að höfða mál gegn stjórnum sjóðanna axli þeir ekki ábyrgð, bæti skaðann og segi af sér?

  

Ræða málshöfðun gegn lögmanni

Hvað, er allur....

...sandurinn fokinn úr sandkassanum?

 

Deilumálin lögð til hliðar

Gaukur eða Guðmundur

Á einhverri fréttastöðinni var sagt frá því, í dag,  að týndur páfagaukur hefði sagt finnandanum til nafns og búsetu. 

Öllu má nú ljúga, því ólyginn sagði mér að þessi sami páfagaukur og núna þættist vita hver hann væri og  hvar hann ætti heima,  væri  sami gaukurinn og nappaður var drukkinn undir stýri um daginn og hefði þá ekki haft nokkra glóru um hver hann væri, en sagst heita Guðmundur Franklín og vera formaður Hægri grænna, stjörnuflokks útvarps Sögu.

Trúlegt!

Ömmi enn við sama endaþarmsopið

Ögmundur Jónasson hefur megna andúð á efnamönnum og útlendingum. Sérstaka andúð hefur hann á mönnum, fari þetta tvennt saman. Þetta hefur Ögmundur núna staðfest og það var þessi andúð hans umfram allt annað sem stýrt hefur gerðum hans og orðum í þessu Grímsstaðamáli öllu.

Ég held að Ögmundur ætti að fara verlega í að hreykja sér af því hvernig hann gefur skít í hagsmuni lands og þjóðar, til þess eins að svala sjálfum sér. Hætt er við að eftirspurnin eftir honum fari ört minnkandi.

Huang fagni ekki of snemma

Er leiga Grímstaða ekki besta mál?

Ef Huang Nubo er tilbúinn að fjárfesta á Grímstöðum, án eignarhalds á landinu, getur það varla verið annað en besta mál.

Það er  því vandséð hvað gæti komið í veg fyrir að Huang Nubo fái Grímstaði til leigu til 40 ára og hefjist þar handa við uppbyggingu og atvinnusköpun.   

Og þó,  maður er nefndur Ögmundur Jónasson og honum er manna best treystandi til að finna endaþarmsopið á þessu máli, hvort sem það er til eða ekki.

Huang Nubo fær Grímsstaði í 40 ár