Berlusconi kjörinn formaður Sjálfstæðisflokksins

Kosningu formanns Sjálfstæðisflokksins er ný lokið á landsfundinum og stendur talning yfir.

Samkvæmt skoðanakönnun á þessari síðu nýtur Berluconi afgerandi fylgis sem næsti leiðtogi íslenska Íhaldsins. Við óskum honum til hamingju.

  

Formannskjör á landsfundi

Lánlaust lúðalið

Það er stórfrétt að fimmtán séu í kjöri til miðstjórnar Sjálfstæðisflokksins á landsfundinum í ellefu sæti!

Til að dramasera fréttleysuna telur mbl.is alla hugrökku frambjóðendurna upp og einhverjir fjórir verða að láta í minni pokann og fórna sér þannig fyrir heildina og sjálfstæðisstefnuna,  þvílík frétt, þvílíkt bull!

Mikið afskaplega hlýtur þessi landsfundur að vera bragðdaufur og innihaldslaus samkunta, umfram aðra slíka fundi, að þetta skuli vera ein aðal fréttin þaðan.

Svo á að telja fólki trú um að í þessu lánlausa lúðaliði liggi framtíð landsins, ósveittan!

  

Fimmtán bjóða sig fram

Hver....

....verður, á sunnudaginn, kjörinn formaður Íhaldsins til næstu tveggja ára?

Segið skoðun ykkar, takið þátt í könnuninni hér til vinstri.

  

 

Dögun nýrrar hugsunar, hið nýja Ísland

Fjármálanefnd Sjálfstæðisflokksins leggur fyrir landsfundinn tillögu að „siðareglum“ fyrir frambjóðendur flokksins. Þar segir m.a.:

 

„Frambjóðendur skulu skrifa undir drengskaparheit þess efnis að fyrri og núverandi fjárhagsleg umsvif sín muni ekki gera þá á nokkurn hátt vanhæfa í stöfum sínum sem sveitarstjórnarmenn eða alþingismenn né valda flokknum eða frambjóðandanum sjálfum skaða.“

Kjarninn í tillögunum er að hagsmunir Sjálfstæðisflokksins og frambjóðenda hans hafi sem fyrr algeran forgang, hagsmunir ríkisins, sveitarfélagana og almennings komi þar á eftir að því tilskyldu auðvitað að þeir rúmist innan heildarpakkans.

Greinilega glænýr og ferskur hugsunarháttur.  Það er því ekki skrítið að 40% kjósenda segist ætla að kjósa flokkinn, ef marka má skoðanakannanir.

Gísli, Eiríkur, Helgi hvað?

Þak sett á kostnað frambjóðenda

Það breiðir úr sér skítlega eðlið

Enn og aftur sýnir Sjálfstæðisflokkurinn þingi og þjóð fádæma lítilsvirðingu. Þingstörfin virðast ekki koma þingmönnum flokksins við, telji þeir sig hafa öðrum og mikilvægari hnöppum að hneppa. Þá hika þeir ekki við að hlaupa frá ábyrgð sinni og skyldum og mæta ekki til þings.

Skítlega  eðlið,  sem sagt var að prýddi fyrrum formann Sjálfstæðisflokksins, virðist hafa dreift sér eins og illgresi og heltekið allan flokkinn.

En eflaust koma þau tíðindi fáum á óvart, í sannleika sagt.

Verða upptekin þegar atkvæðagreiðsla fer fram

Biðst Goggi afsökunar eða forherðist hann í ruglinu líkt og annar ónefndur forsætisráðherra?

Það er athyglisvert þegar Landsbankinn opnar umræðuvef að hann skuli hafa fengið, af öllum mönnum, afstyrmið Gordon Brown til að skrifa á síðuna.

Þess var krafist á sínum tíma að Gordon Brown bæði Íslendinga afsökunar á því að hafa beitt hryðjuverkalögunum á þjóðina.

Goggi getur þegar hann hefur sín skrif á vefnum notað gamlan frasa sem einn ónefndur maður hefur notað með góðum árangri sem afsökun fyrir sínum afglöpum.  „Maybe I should have“.

Þá þarf ekkert að ræða það meira.

Skrifar á vef Landsbankans

Er Mörður að rumska?

Þetta er það gáfulegasta sem heyrst hefur frá Merði um langa hríð.

 

„Herra Ekkert berst við frú Ekkert“

Ímyndarsmíð

Mogginn reynir hvað hann getur að fegra ímynd Bjarna Ben fyrir komandi formannskosningu í Sjálfstæðisflokknum. Mogginn greinir m.a. frá því að Bjarni hafi tekið upp á þeirri nýbreytni, fyrstur formanna flokksins, að baða sig reglulega, í þeim tilgangi að líta vel út.

Svo er auðvitað nauðsynlegt í svona ímyndarsmíð að koma því að Bjarni hafi marga fjöruna sopið í líkamsrækt og hafi víðtæka þekkingu á því sviði. Þetta er eins og stöðluð ljósku tilsvör í fegurðarkeppnum, þegar þær misskilja sjálfa sig.

En sennilega þarf sterkari efni en vatn og sápu, haldi Bjarni og Mogginn að hann geti þvegið af sér nálykt flokksins.

Þekkir engan sem lítur ekki í spegil

Jarðgöng og ný brýndar tennur

Þessi Vaðlaheiðargöng eru eflaust það sem koma skal í fyllingu tímans, já fyllingu tímans.

En menn hljóta að spyrja sig, við þær aðstæður sem nú eru uppi, hvort ekki væri nær að beina þessum fjármunum, liggi þeir á lausu, sem þeir hljóta að gera, inn á aðrar brautir, sem skapa fleiri störf?

Eru fáein störf bormanna, með fullri virðingu fyrir þeim, það sem allt veltur á þessa dagana að því frátöldu að Guðjón Þórðarson er mættur með ný brýndar tennurnar til Grindavíkur?

Guðjón, verður eins og göngin opinn í báða enda og til alls líklegur, að sögn kunnugra. Báðar þessar aðgerðir eru mjög umdeildar og útkomu þeirra beggja vitum við ekki fyrr en í fyllingu tímans, þegar óafturkræfur skaðinn kann að hafa orðið.

1 milljarður vegna Vaðlaheiðarganga

Þöggun 102

Þetta er og verður vandræða mál. Erfitt verður að sanna eitt eða neitt úr því sem komið er og hvað ekki síst eftir þetta síðasta útspil systkina Guðrúnar Ebbu og móður þeirra.

En hvað sem því líður, þá virkaði málflutningur séra Skúla S. Ólafssonar í Kastljósinu áðan ekki mjög trúverðugur á mig.  

Rökstuðningur hans, máli sínu til stuðnings, að heimilislífið hafi verið hefðbundið er í besta falli broslegur. Þekkir séra Skúli muninn á lífi á „heilbrigðu“ heimili og lífinu á heimili misnotkunar þar sem bæði gerandi og þolandi gera hvað þau geta til að leyna viðbjóðnum? Ég vona hans vegna að hann geri það ekki og þetta hafi verið honum gersamlega hulið.

Ég skynja þetta sem neyðartilraun fjölskyldu Ólafs Skúlasonar til þöggunar, jörðunar á ljótu máli sem hún getur og vill ekki horfast í augu við.

Er annað hægt?

   

Heimilislífið hefðbundið