Snýttu þér maður

Ætlar Vilhjálmur Egilsson að fara grátandi í gegnum allt lífið? Hann hefur verðið vælandi með hor svo lengi sem menn muna.

Villi taktu þér tak maður og snýttu þér og þerraðu tárin. Mannaðu þig upp og vertu sjálfum þér samkvæmur og slepptu takinu á ríkispilsinu, sem þú hefur hangið í alla ævi.

  

Gegn mögulegum skattahækkunum

Og sjá

Það hefðu verið tíðindi hefðu allir helstu hægribloggararnir ekki stokkið á þessa frétt eins og hýenur á velstaðið hræ. Af svona fréttum nærast þeir, einu gildir hvort þær eru sannar eða ekki.

Þessi bloggarahópur bar lengi Lilju Mósesdóttur á höndum sér og dásamaði vit hennar og visku. Annað hvort hefur viska Lilju minnkað eða álit hýenuhópsins á henni risti ekki dýpra en svo að það hvarf eins og dögg fyrir sólu um leið og Lilja var ekki lengur ósprungna sprengjan í þingflokki VG.

Undarlega lítil umræða hefur verið um útflutningsskatta hugmynd Lilju miðað við allt vitið sem hefur væntanlega verið í hana lagt. Fastlega má gera ráð fyrir að hýenuhópurinn hefði dásamað skattahugmynd Lilju, væri hún enn ógnun við líf ríkisstjórnarinnar.

Skoðið könnunina hér til vinstri – takið þátt!

 

Virðisaukaskattshækkun á mat?

Undarleg hagfræði

Ef marka má Kristján Möller þá er nóg að tilgreina einhverjar upphæðir í Samgönguáætlun þá verða fjármunirnir sjálfkrafa til, þótt þeirra hafi hvorki verið aflað eða ákveðið hvernig það verði gert.

Heimilin gætu notað sér þessa hagfræði, gert áætlun um greiðslu skulda og þá þarf ekki að hafa meiri áhyggjur af þeim.

Undrast ummæli Ögmundar

Ég bið Kolbrúnu Halldórsdóttur afsökunar

Ég finn mig knúin til þess að biðja Kolbrúnu Halldórsdóttur afsökunar. Ég hef alla tíð talið hana vera kjána.  Ég þarf að endurskoða þá afstöðu því í morgun útvarpi rásar2 í morgun sagði Kolbrún í viðtali: 

Ég held að við séum í heilbrigðiskerfinu að eyða meiri peningum en við þurfum því það er oft þannig að dýrustu úrræðin eru aðgengilegust fyrir fólk en ódýrari úrræðin eru allsendis óaðgengileg af því að ríkissjóður tekur ekki þátt í að greiða þau niður. Þannig að ég held að með því að beina fólki í heilbrigðiskerfinu í ódýrari úrræðin í auknu mæli, þá getum við skorið niður í þessum fjármunum sem eru að fara í heilbrigðiskerfinu.

- Með ódýrari úrræðum, getur þú nefnt mér einhver dæmi?

Já, þá er ég náttúrulega að nefna svona óhefðbundnar leiðir. Við eigum stóra og mikla skýrslu um starfsemi græðara á Íslandi sem eru í raun og veru þeir sem að sagðir eru starfa undir merkjum óhefðbundinna lækninga, þó að þar séu í flestum tilvikum lækningar sem eiga sér lengri sögu en lækningar vestrænu læknavísindanna.  

En ég sé núna að ég hef haft algerlega rangt fyrir mér, Kolbrún er ekki kjáni, hún er ekki rugluð, hún er eitthvað miklu, miklu, miklu, miklu, meira.

 ....og þetta er fyrrverandi ráðherra,  vá! 

Skoðið könnunina til vinstri.   

Niðurstaða úr skoðanakönnun og ný könnun

Spurt var: Hvernig líst þér á frumvarpið að nýrri stjórnarskrá? 

 2.2%    Sæmilega      

23.9%   Vel                

10.9%   Besta bullið síðan Móses samdi boðorðin

26.1%   Frekar klént

28.3%   Illa

 

 8.7%   Hvaða stjórnarskrá

37% hallast á sveif með frumvarpinu en 54.4% gegn því, en 8.7% eru algerlega úti á túni.

 

Samkvæmt þessu líst fólki ekkert meira en svo á stjórnarskrárfrumvarpið. Því liggur beinast við að spyrja beint í nýrri könnun:

Ætlar þú að samþykkja eða hafna stjórnarskrárfrumvarpinu í þjóðaratkvæðagreiðslu? 

Samþykkja það

Hafna því

Ég læt útvarp Sögu ákveða það fyrir mig  

 

Vinsamlegast takið þátt

 

 

...og koma svo No Borders

Það verður spennandi að sjá hvaða rök og fullyrðingar leynisamtökin No Borders nota þegar þau krefjast þess að þessi maður fái hér hæli án rannsóknar á hans fortíð.

Manns sem byrjaði landvist sína með lygi og lögbroti þegar hann reyndi að villa á sér heimildir með framvísun á fölsuðu vegabréfi.

.

.

  Lítið á könnunina hérna til vinstri

Stöðvaður með fölsuð skilríki

Ný stjórnarskrá

Ég hef sett inn skoðanakönnun hér til vinstri.

Spurt er: Hvernig líst þér á frumvarpið að nýrri stjórnarskrá?

Könnunin verður opin í sólarhring.

Vinsamlegast takið þátt.

 

Stjórnarskrá verði breytt umtalsvert

Látum ekki okkar (drasl) eftir liggja, þessa helgi

Verslunarmannahelgin er framundan, hjá mörgum hefst hún í kvöld eða á morgun.

Íslenskt veður er óútreiknanlegt og hefur gert mörgum manninum marga skráveifuna þessa helgi.

En samt sem áður storma þúsundir landsmanna á vit ævintýranna og óvissunnar um þessa helgi, ár eftir ár.

Góða skemmtun Íslendingar,  hvernig sem veðrið verður.

Komið heil heim og auðvitað með allan farangurinn, látið ekki ykkar dót eftir liggja!

  

Margir á flugi

Það þyrfti að kíkja undir „húddið“ á allmörgum íslenskum bloggurum

Norski fjöldamorðinginn og þjóðníðingurinn kallaði Gro Harlem Brundtland „landsmorðingja“ á netinu, en aðeins er vitað um eitt slíkt tilvik, samt er Norðmönnum verulega brugðið.

Hér á landi viðhefur hópur Íslenskra bloggara samskonar orðbragð um íslenska ráðamenn ekki einu sinni, heldur oft, jafnvel oft á dag í færslu eftir færslu! Þar sem ráðherrar eru kallaðir öllum illum nöfnum og jafnvel landráðamenn, auglýst eftir eitri að gefa  þeim, eða senda þeim kúlu í hausinn og þá er fátt eitt talið.

Er ekki full þörf í ljósi atburðanna í Noregi að kíkja aðeins undir „húddið“ á þessu fólki?

Og þá væri ekki úr vegi að líta undir „húddið“ á stjórnendum bloggsvæðanna þar sem slíkur málflutningur hefur ekki aðeins verið liðinn, heldur beinlínis settur í forgang.

Eins og tildæmis hér á moggablogginu þar sem þessir menn hafa undantekningarlítið verið drifnir á forsíðuna, þar sem skrif þeirra hafa, fyrir vikið, fengið mun meiri athygli en annars! 

Kallaði Gro Harlem „landsmorðingja"

Svarið gæti legið í þínum eigin garði Guðlaugur.

Samkvæmt síðustu fréttum bendir flest til að hryðjuverkin í Osló séu alfarið norskt mál og tengist hægri öfgamönnum þarlendum.

Hvern er Guðlaugur Þ. Þórðarson að spyrja hvernig staðan sé í þessum málum hér á landi? Hún er slæm, virkilega slæm, ef marka má þann hatursáróður sem streymir frá skoðanabræðrum Guðlaugs og samverkamönnum í garð ríkisstjórnar og ráðherra.

Guðlaugur getur sem best byrjað sína könnun á hatursástandinu hér á landi með því að með því að spyrjast fyrir í sínu eigin liði og lesa bloggin þeirra þar sem m.a. hafa verið reifaðar áætlanir um að byrla ráðherrum eitur.

Þá fengi hann kannski einhverja hugmynd hvort þess sé langt að bíða, þar til svona lagað gerist hér.

 

Spyr hvernig staðan sé á Íslandi