Gylfi.....

....segðu af þér!

Samningarnir kolfelldir

Þessi hækkun....

...ásamt öðrum „afturkölluðum“ hækkunum verður laumað í umferð,  þegar samningahringnum hefur verið lokað.

Á einhver von á því að þessi hækkunarhrina og þörfin fyrir henni hverfi bara si svona?

Herjólfur dregur hækkun til baka

Glæsileg framtíðarsýn, héðan séð?

Margt bendir til þess að þróun ESB verði hröð í átt að aukinni miðstýringu á kostnað sjálfstæðis aðildarlandanna ef marka má orð Viviane Reding, dómsmálastjóra Evrópusambandsins og varaforseta framkvæmdastjórnar sambandsins. Hún vill raunar stíga  skrefið til fulls og gera Evrópusambandið að Bandaríkjum Evrópu. Þetta kann að vera skynsamlegt pólitískt séð og eina ráðið til að sameiginleg efnahagsstjórn og mynt verði ekki í skötulíki til frambúðar.

Þá standa aðildarríkin frammi fyrir því að yfirgefa sambandið eða afsala sér sjálfstæði sínu og gerast fylki í hinu nýja ríki.  Það gæti orðið erfiður biti að kyngja fyrir sum þeirra hið minnsta.

Hvernig ætli Íslendingum almennt hugnist sú framtíðarsýn að Ísland verði  sýsla í Bandaríkjum Evrópu?  Hrollur og heiftarleg gæsahúð verður eflaust svar margra við þeirri spurningu þó einhverjir muni reyna að þvinga fram bros, út í annað.

Ég efast meira segja um að margir fylgjendur aðildar að ESB í dag, yrðu  talsmenn aðildar þegar  Bandaríki Evrópu eru orðin að veruleika. Þetta innlegg Viviane Reding í umræðuna er líklegt til að hafa sterkari áhrif á afstöðu margra Íslendinga til ESB en öll umræðan fram til þessa. Eða hvað?

Byggð verði upp Bandaríki Evrópu

Ég vorkenndi Gylfa

Við áhorf á Kastljós kvöldsins komst ég á það stig að vorkenna Gylfa Arnbjörnssyni, forseta ASÍ, í viðureign hans við Vilhjálm Birgisson verkalýðsforingja af Akranesi, en aðeins augnablik.

Gylfi talaði lítið um vilja og þarfir sinna umbjóðenda, en því meira um vilja og þarfir Samtaka Atvinnulífsins. Hans málflutningur snérist aðallega um hagsmuni SA;  ...þeir sögðu nei,......þeir höfnuðu því,....þeir vildu ekki, ....þeir samþykkja ekki, ....þeir vildu ekki þetta og þeir vildu ekki hitt.

Rýr væri eftirtekja áratugabaráttu verkalýðshreyfingarinnar hefði hún alltaf strax lagt niður skottið, í hvert skipti sem  atvinnurekendur höfnuðu framsettum kröfum!

Aðspurður kvaðst Gylfi vel geta lifað af lágmarkslaunum. Til hvers er verkalýður þessa lands þá að greiða Gylfa fimm eða sexföld þau laun? Ekki verða ofurlaun Gylfa skýrð með árangri í starfi, svo mikið er víst.

Setjið Gylfa niður á lægsta taxtann strax á morgun, hann þarf ekki meira, segir það sjálfur. Líklegt má þó telja að skilningur hans á hækkun lægstu launa myndi aukast eitthvað eftir það.

Fyrirséður jarðskjálfti

Hressilegur skjálfti varð í Grindavík kl. 12.12. Samkvæmt grafi Veðurstofunnar var hann 3,5 á R. og  átti upptök sín rétt norð-vestan við „Þúfuna“ („bæjarfjallið“).

Skjálftinn kom hreint ekki á óvart, Þór Gunnlaugsson heilunartransandalæknamiðill var búinn að spá skjálfta á landinu á árinu - eða síðar.

Jörð skalf við Svartsengi

Sögufölsun Morgunblaðsins

Hvaða annarlegu hagsmuna er Morgunblaðið að gæta þegar það birtir lyga frétt um 100 ára afmæli  „Óskabarns þjóðarinnar“ ?

Óskabarnið - Eimskipafélag Íslands hf.,  sem stofnað var með þjóðarátaki 17. Janúar 1914 er ekki lengur til. Annað óskabarn þjóðarinnar, Björgólfur Guðmundsson, gekk af því dauðu.

Það félag sem í dag heitir Eimskipafélag Íslands á ekkert sameiginlegt með Óskabarninu annað en stolið nafnið. Ekkert skipa félagsins er skráð á Íslandi.

Annað hvort eru blaðamenn á Morgunblaðinu ekki starfa sínum vaxnir eða blaðið er orðið svo forhert að það vílar ekki fyrir sér vísvitandi sögufölsun.  Vankunnátta blaðamanna er raunar hæpin skýring því a.m.k. annar ritstjóri blaðsins veit betur.

Morgunblaðið skuldar þjóðinni skýringar.

Óskabarn þjóðarinnar 100 ára

Tapað - fundið

Allt var sett í ýtrustu viðbragðsstöðu hjá lögreglu í kvöld þegar dularfullur pakki fannst á tröppum Stjórnarráðsins því óttast var að í pakkanum væri virk sprengja.

En við nánari athugun kom í ljós að í pokanum var löngu sprungin bomba, óhrein og krumpuð kosningaloforð stjórnarflokkana, sem þeir höfðu fleygt strax eftir kosningarnar í vor. Skilvís finnandi hafði skilað pokanum á tröppur Stjórnarráðsins.

Hinum óheppna finnanda hefur verið tilkynnt að, að launum skuli hann ekki að gera sér háar hugmyndir um  skuldaniðurfærslu sér til handa.

Dularfullur pakki við Stjórnarráðið

Úps! - Smá mistök Silla!

 

Gleðileg jól!

Ég sendi öllum vandamönnum, vinum, bloggvinum, þeim sem vilja  þekkja mig og þeim sem heimsótt hafa þessa aumu blogg síðu mína gegnum tíðina bestu óskir um gleðileg jól og farsælt komandi ár með kærum þökkum fyrir ánægjuleg samskipti á árinu sem er að líða.

                        Axel Jóhann Hallgrímsson.

 

Sjálfsvirðing verkalýðshreyfingarinnar í húfi

Það er ljóst að ekkert stéttafélag, sem enn eru með lausa samninga, vill sjá samning ASÍ og SA sem fyrirmynd að þeirra samningi. Nokkur verkalýðsfélög innan ASÍ, sem eru að forminu til aðilar að þessum "samningi", hafna honum alfarið, telja hann afleitan. Það segir allt sem segja þarf um samninginn þann.

Því er ljóst að stórkallalegar yfirlýsingar Gylfa Arnbjörnssonar forseta ASÍ um ófrávíkjanlega kröfu um hækkun lægstu launa umfram aðra hópa snérist upp í hróplega andhverfu sína, rétt einn ganginn.  Þeir lægst launuðu eru enn einu sinni skildir eftir og horfa upp á launabilið breikka enn frekar. Verkalýðurinn er enn og aftur rassskelltur - af eigin forystu.

Hetjurnar í ríkisstjórninni eru svo kapítuli út af fyrir sig. Framkoma þeirra gagnvart launalægstu  hópunum og grímulaus misskiptingarstefna gefur verkalýðshreyfingunni ekki tilefni til friðarsamninga við þá herra. Ekki þarf að spyrja Sjálfstæðismenn um framgöngu sinna manna, en hvað segir grasrótin í Framsókn?

Verkalýðsfélög innan ASÍ hljóta að hafna þessum samningi, þá á Gylfi og hirðin hans ekki annan kost en segja af sér, hafi þeir minnsta snefil af sjálfsvirðingu.

Samþykki aðildarfélög ASÍ samninginn er ljóst að verkalýðshreyfingin hefur glatað sjálfsvirðingu sinni, hún hefur gefist upp - endanlega. 

Verkalýður sem gerir engar kröfur til sjálfs sín á  ekki rétt á kröfugerð á hendur öðrum. Hann verður að þiggja það sem að honum er veitt og þegja.

Þá hlær Gráskeggur!  Þá verður honum ekki misboðið!

Kennarar vilja meiri hækkun