Gott er að hafa rétta tilfinningu fyrir sjálfum sér

„Mér líður eins og asna“,  segir Mr. Sebastian Minsterman eftir að hann lét narra út úr sér 85.000 dali í þeirri von að hann fengi greiddan 980.000 dala lottóvinning.

Það er ekkert skrítið að karlanganum Sebastian líði eins og asna, það þarf sennilega fullkominn asna til að trúa því að hann hafi unnið stóran vinning í happdrætti án þess að taka þátt í því.

  

Nafn Íslands notað í svindli

Frétt tekur á sprett!

Þessi frétt rann með miklum hraða niður og út af forsíðu mbl.is eins og gjanan gerist með fréttir á mbl.is þegar sá miðill telur sig, af einhverjum ástæðum, ekki vera í traustri vígstöðu i viðkomandi máli. Hver ætli hún sé að þessu sinni?

 

Fagmaður að verki

Dýrslegt kynferðisofbeldi!

Þetta er klárlega kynferðislegt ofbeldi af grófustu sort. Fastlega er búist við að saksóknari muni krefjast þess að ofbeldisrottan sú arna verði dæmd til þyngstu refsingar og hljóti makleg málagjöld.

Rottan hefur enn ekki  verið kyngreind og því er óljóst á þessari stundu hvort femín- istasamtök muni koma rottunni til varnar.

    

Fangi sem var bitinn á viðkvæman stað höfðar mál

Misheppnuð auglýsing!

Skilaboð leigubílstjóranna í New York eru skýr, ef þú ætlar að drepa leigubílstjóra, ekki eyða kúlu í búkinn á þeim, skjóttu þá í haus- inn  -  just in case!

.

   

Leigubílstjórar í skotheld vesti

Naktar konur

Það segir í textanum undir myndinni sem fylgir fréttinni  að;  „Þessar ungu konur frá Sádi-Arabíu hafi vakið athygli á brjóstakrabbameini í október án þess að fækka fötum“.

Það er misskilningur að konurnar hafi ekki fækkað fötum, því konurnar hafa fellt blæjuna og eru því nánast naktar samkvæmt ýtrustu skilgreiningu Íslam, því andlit þeirra er kviknakið alveg frá hári og niður á höku.

Þvílíkur ósómi er þetta.

Berbrjósta konur valda usla

Auðvitað er barnið geimvera!

Jörðin svífur um í geimnum og því eru allir Jarðarbúar, eðli máls samkvæmt, geimverur.

Getur hvaða bull sem er orðið að fréttum?

 

Geimverubarn á leiðinni?

Ef hann beið bana eftir árásina...

 ...hvað varð honum þá að bana?

Þetta orðalag í fyrirsögninni og  margnotað hjá mbl.is, er dæmigert fyrir slappan málskilning.  

Maðurinn beið auðvitað bana þegar nautið réðst á hann, en notkunin á orðinu eftir segir beinlínis að eitthvað annað en árás nautsins hafi síðar banað manninum.

  

Beið bana eftir árás nauts

Ég er ekki einn um að hafa skotið sjálfan mig í fótinn

Þessi byssufrétt frá Bandaríkjunum er frétt vikunnar að mínu mati. Hvað er dásamlegra en að eiga byssu til að verja sig og skjóta svo sjálfan sig í fótinn í svefni. 

Nú er stóra spurningin hvort hinn bandaríski Sandford Rothman losi sig við byssuna, til að hindra að þetta gerist aftur, eða fái sér aðra byssu til að geta varið sig fyrir sofandi sjálfum sér?

Er það nokkur spurning?

   

Skaut sig í svefni

Ekta Moggafrétt í kaldastríðsstílnum

„Slysið er talið mesti harmleikur í geimferðasögu mannkynsins.“

Hvaða helvítis bull er þetta, R-16 var langdræg eldflaug til að bera kjarnorkuvopn og sú fyrsta þeirrar gerðar sem Rússar smíðuðu og hún var kölluð  SS-7 Saddler á vesturlöndum.  

Þessi eldflaug (missle) hafði ekkert með geimferðir að gera og var aldrei notuð til þeirra hluta, hennar eini tilgangur var hernaðarlegur.

   

Svartur dagur í Rússlandi

Ekki öll sagan sögð

Þetta var hörmulegt slys og ég votta aðstandendum samúð mína. Ljósið í myrkrinu er að litli drengurinn skyldi sleppa ómeiddur og það er vafalaust því að þakka að hann hefur verið í góðum og viðurkenndum öryggisstól.

En eitt hefur vakið athygli mína í töluverðri umfjöllun fjölmiðla um málið. Ekki hefur verið minnst einu orði á afdrif ökumannsins í sendiferðabílnum sem lenti í árekstrinum við bíl þeirra hjóna. Hann hefur líklegast verið Tyrki og spurning hvort það sé ástæða þess að íslenskir fjölmiðlar líta gersamlega fram hjá tilvist hans og afdrifum.

Nú eru fréttirnar hættar að snúast um harmleikinn sem slíkan en farnar að snúast meira um hvað Tyrkneskir fjölmiðlar segja, dálítið dapurt verð ég að segja.

Mikið fjallað um íslenska drenginn