Að kyssa vöndin

Að setja litla sjónvarpsstöð á hliðina er vart í frásögur færandi þegar sá hinn sami hefur sett heila þjóð á hliðina.

Sumir virðast ekki  vilja muna það  þessa dagana og biðja meira að segja um ábót.

.

.

Davíð Oddsson setti Skjáinn á hliðina

Ekki stóð það lengi.

Borgarahreyfingin er strax búin að gefa upp á bátinn að láta samviskuna ráða og eru byrjuð á hrossakaupum. 

Verði Icesave ekki hafnað þá hefur hreyfingin ákveðið að kasta yfirlýsingum sínum fyrir kosningar og breyta afstöðu sinni til tvöfaldrar þjóðaratkvæðagreiðslu.

Magnað.

„Bregðast trausti kjósenda"

„Rangur misskilningur“

Þetta er „rangur misskilningur“, Davíð hætti aldrei í stjórnmálum,  þótt hann hætti á þingi og færi í Seðlabankann.  

Vandamálið, ef vandamál skyldi kalla, er einungis að Davíð situr ekki á þingi og því verður ekki breytt fyrr en í næstu kosningum sem verða 2013.

Sé ekki hverju það breytti um framgang mála þótt Davíð væri hluti af grátkór stjórnarandstöðunnar.

Ég er hreint ekki viss um að það sé eftirspurn eftir Davíð í þingflokki Sjálfstæðisflokksins.

.

 

Skorað á Davíð á Facebook

Falbýður Tae kwon do (hvílu)brögð

Ekki kemur fram í fréttinni hvort hann sinni sjálfur þörfum viðskiptavina hússins eða hafi ráðið aðra til að sjá um puðið.

 

Vændishús fyrir ólympíudrauminn

Gætum að því hvað við gerum.

Að loka öldrunarheimili á landsbyggðinni í sparnaðarskyni er alvarleg aðgerð og stórmál fyrir viðkomandi sveitarfélag og þá auðvitað ekki hvað síst fyrir vistmenn heimilisins.

Þeir sjá nú fram á að fá ekki að eyða ævikvöldinu í sinni heimabyggð og þurfa að sæta hreppaflutningum  í annað sveitarfélag, líkt og gert var við niðursetninga á öldum áður og þykir ekki par fínt á vorum dögum.

Á þessu heimili voru „aðeins“ fjórir vistmenn, sumum kann að finnast það réttlæta gjörninginn. Þetta samsvarar því að öldrunarheimilum með 1053 vistmönnum  yrði lokað í Reykjavík í sparnaðarskyni, eða sem svarar til Grundar 4,8 sinnum, sjá menn það fyrir sér gerast?  

Hvað yrði sagt um og við þann mann sem léti sér til hugar koma að loka vistheimilum í höfuðborginni og flytja vistmenn hreppaflutningum út á land, í sparnaðarskyni?

Er aldraður landsbyggðarmaður léttvægari en jafnaldri hans í Reykjavík?

 

Óljóst hvað verður um vistmenn

Æ,æ mig auman

Að segja stúlkukindinni upp rétt fyrir 29 ára afmæli hennar tekur út yfir allt.

Höfum við ekki þolað nóg, bankahrunið, Icesave,  Evrópusambandsaðild(?), þótt ekki bættist þetta við? 

Ætlar þessum hörmungum aldrei að linna?

Jessica Simpson ein á ný

Þekkt vandamál.

Þetta eru örugglega sömu árarnir og stela öðrum sokknum, hvenær sem færi gefst.

Þarna er skýringin  á öllum stöku sokkunum komin.

.

Í mál við töfraanda

Þegar Árni Johnsen hefur upp raus(t) er vert að sperra eyrun.

Þegar Heimaeyjagoðinn talar um Sovét er vert að leggja við hlustir.

Þar talar maður sem hefur nef fyrir hlutunum  og  veit hvað hann „syngur“ og þar fara saman vit og vöðvar.

Þar talar maður sem allra þingmanna best þekkir Gúlagið, það verður aldrei frá honum tekið.

.

Eigum ekkert erindi í hið nýja Sovét

Vantar ekki eitthvað í þessa frétt?

Þessi frétt fjallar um, í löngu máli, að hulu hafi verið svipt af einhverju leynimakki CIA.

Ekki er minnst einu orði á hvað hafi verið undir hulunni. Er það fréttin að CIA vinni ekki fyrir opnum tjöldum?

Og ég sem hélt að ekki væri hægt að skrifa frétt án þess að minnast á það sem fréttin fjallar um. En svo lengi lærir sem lifir.

.

Hulu svipt af leyniverkefni

Harkan sex.

Þeir eru ekki að tvínóna við hlutina Frakkarnir. Allt eða ekkert skal það vera.

Frakkar hafa alltaf tekið málin föstum tökum og hugsa ætíð stórt í mótmælum og andófi, hafi þeir til þess tilefni. 

Þeir stöðva alla umferð, loka höfnum o.s.f.v.

Nú hóta starfsmenn varahluta- verksmiðju að sprengja hana í loft upp verði ekki orðið við kröfum þeirra. Ég efast ekki um að hugur fylgir máli.

Við hefðum átt að láta þá semja um Icesave fyrir okkur.

.

Sprengja verksmiðju fái þeir ekki starfslokagreiðslu