Það var Síminn sem rændi bankanna!

Þessa frábæru hugmynd gætu bankadólgarnir nýtt sér.

Gert símafyrirtækin, eigendur símalínanna, sem notaðar voru til að flytja og forða illa fengnu fé út og suður,  ábyrga fyrir glæpnum.

Pottþétt.

Lögsækir símafyrirtækið vegna framhjáhalds

Ef ég hlýt ekki kosningu...

...geta borgarbúar étið það sem úti frýs!

Þannig hljóma orð borgarfulltrúans Ólafs F. Magnússonar í lauslegri þýðingu.

Betri þýðing óskast.

„Ef ég fell í kosningunum segi ég bara verði ykkur að góðu"

Mulningur #31

Pabbi Hannesar dó og mamma hans tók því afspyrnu illa og var gersamlega óhuggandi, sat ein inni hjá sér í herberginu á elliheimilinu dögum saman og talaði ekki við nokkurn mann.

Loks tók hún sér tak og fór að blanda geði við aðra vistmenn. Þegar Hannes kom í heimsókn einn daginn sá hann sér til skelfingar að mamma hans gekk með nærbuxur pabba hans um hálsinn. 

Hannes kom því að máli við prestinn  og bað hann að gera eitthvað í málinu.

Séra Jón Valur fór til fundar við gömlu konuna og reyndi að fá hana til að sleppa nærbuxunum, en það var sama hvað hann sagði, sú gamla var ófáanleg til þess.

„En af hverju ertu með nærbuxurnar hans Jónasar heitins um hálsinn?“ –Spurði presturinn.

„Það er vegna þess að þær veita mér svo mikla huggun.“  -Svaraði gamla konan.

„Þú ættir þá frekar að ganga um með Biblíuna. Þar er miklu meiri huggun að finna.“ –Sagði presturinn.

 

„Já þú segir það“ –sagði gamla konan, „en það stendur ekki í Biblíunni sem stóð í buxunum hans Jónasar“.

 

Öllu má nú nafn gefa.

Að mati Gests Jónssonar lögfræðings Sigurðar Einarssonar er handtökuskipun á hendur Sigurði of harkaleg,  mannsins sem talin er einn af höfuðpaurunum í stærsta samsæri gegn þjóðinni í sögu hennar.

Víða erlendis væri svona menn taldir þjóðníðingar og glæpir þeirra taldir landráð og handtökur og réttarhöld afstaðin og jafnvel aftökur afgreiddar.

  

Handtökuskipun alltof harkaleg

Sannasta frétt sem komið hefur lengi um bresku konungsfjölskylduna.

Beta frænka er ekki á lífi og hefur aldrei verið.

Eða er það líf, sem hún lifir?  Innilokuð, steinrunnin, veruleikafirrt, öfugsnúin og hrokafull.

  

Sagði að Englandsdrottning væri látin

Andsk..... sjálfur, þar lá ég í því.

Það rann upp fyrir mér þegar ég las þessa frétt að ég er væntanlega sekur um gróf skattsvik. Ég hef aldrei gefið besta vininn og trúnaðarfélaga, hann Bangsa upp til skatts.

Bangsi telst ekki fjárfesting þar sem ég, líkt og Obama, fékk hann gefins á sínum tíma. En ef ég hefði talið  hann fram frá upphafi,  væri hann núna að fullu afskrifaður.

Ekki veit ég hvernig Bangsa líkaði það að vera afskrifaður.

 

Obama taldi Bo fram til skatts

Frjáls eins og fuglinn

 

 Beatles- Free As A Bird

 

Sleppt úr haldi

Enn bólar ekkert á skilningi fjórflokksins á velgengni Besta flokksins.

Kannanir sýna að Besti flokkurinn eykur stöðugt fylgi sitt í Reykjavík. Ekki endilega fyrir eigin stefnumál heldur  miklu fremur fyrir slappleika annarra framboða og tregðu þeirra til að horfast í augu við eigin syndir og afglöp.

Ég er raunar farinn að efast um að glæst útkoma Bestaflokksins og afhroð fjórflokksins dugi til að vekja  fjórflokkinn af þyrnirósarsvefni sínum og að þeir muni nokkurn tíma skilja að kjósendur vilja breytingar og pólitíska sótthreinsun.

Þessi könnun var gerð fyrir Sjálfstæðisflokkinn og spurningum auðvitað hagað að þörfum kaupandans þannig að aukið fylgi hans frá fyrri könnunum skýrist af því.

Góð útkoma borgarstjóra kemur ekki á óvart enda  hefur starfandi borgarstjóri undantekningarlítið komið best út úr svona könnunum, enda það andlit sem oftast kemur inn í stofur landsmanna.

Frambjóðendur Bestaflokksins er að vísu reynslulítið í pólitík, en gott fólk þarf ekki reynslu til að vilja standa sig vel. Vert að hafa það í huga að það voru reyndir og sjóaðir pólitíkusar sem sköpuðu ástand dagsins.

Tilkoma Besta flokksins er bestatækifærið sem kjósendur hafa nokkurn tíma fengið til að segja gömlu flokkunum til syndanna. Vonandi láta kjósendur tækifærið ekki úr greipum sér ganga og láta hræða sig frá því að hafa áhrif til bætts samfélags.

Kjósendur hafa engu að tapa - nema tækifærinu, sem óvíst er að gefist aftur.

Besti flokkurinn stærstur í Reykjavík

Tökum ofan...

...fyrir slitastjórn Kaupþings  sem hefur komist að komast að þessari merkilegu niðurstöðu,  eftir aðeins 19 mánaða  umhugsun.

Það er virkilega gleðilegt og fólki hvatning þegar menn láta hendur standa fram úr ermum á þessum síðustu og verstu tímum.

Niðurfellingu ábyrgða rift

Heggur sá er vægja skyldi.

BM Vallá hf.  er fallið í valin og eru örlög fyrirtækisins vissulega sorgleg.

En frekar lágkúrulegt þykir mér að stjórn fyrirtækisins skuli kenna núverandi stjórnvöldum um, hvernig fór.

Ekki voru það  núverandi stjórnvöld sem skuldsettu fyrirtækið upp í rjáfur í rúllettuleik græðginnar í miðju góðærinu.

Allir töldu að fyrirtækið væri stöndugt og vel rekið af hæfum mönnum, en svo bregðast víst krosstré sem önnur.

 

BM Vallá óskar eftir gjaldþrotaskiptum