Að „negla konur“

Þegar spjátrungar, af oflæti sínu, tala um að „negla konur“ þá eiga þeir væntanlega ekki við svona neglingu, geri ég ráð fyrir.

 

19 naglar fjarlægðir úr konu

Lophius piscatorius

Sigurður Einarsson  er eins og skötuselurinn, ekkert nema kjafturinn.

Þegar sérstakur saksóknari hefur velgt honum undir uggum og gert að honum, verður næsta lítið eftir, aðeins haus og kjaftlaus halinn.

Vill rannsókn á vinnubrögðum sérstaks saksóknara

Voru það ekki steinarnir...

...sjálfir sem báðu Árna og koma og taka sig, þeim langaði svo að verða hluti af þeim munum sem virðast dragast að Árna sökum hans einstæðu persónu- töfra og hrúgast upp í kringum hann.

Árni skilar móbergshellum

Heyrt en ekki séð

Þetta minnir á lög sem sett voru í Bretlandi á fyrstu árum bílsins. Lögin mæltu svo fyrir að engan bíl mætti keyra nema á undan honum færi gangandi maður með rauða veifu og kallandi viðvörunarorð til annarra vegfarenda.

Það er auðvitað bagalegt ef menn heyra ekki í bílnum, en þessum bílum á eftir að fjölga hratt og fólk venst þessu eins og öðru. Nota sjónina meira en treysta minna á heyrnina.

Ekki draga um of úr hávaðamengun

Fúlir og alltaf á móti

Hann er sannarlega vandrataður hinn gullni meðal vegur. Íhaldsbloggarar hafa farið hamförum yfir færslu borgarstjórans í Reykjavík á fésinu.  Þessi opni og alúðlegi stjórnunarstíll Jóns Gnarr á ekki upp á pallborðið hjá þeim. Ónei ekkí.

Það undarlega er að sömu bloggarar að upplagi hafa orgað og reytt hár sitt og skegg  (þeir sem hafa slíkt) yfir lokuðum og þvinguðum stjórnunarstíl Jóhönnu Sigurðardóttur. Hann er greinilega vandfundinn þverhausanna smekkur.

Augljóslega er það sú staðreynd, að íhaldsbossi vermir hvorugan stólinn , forsætisráðherrans eða borgarstjórans, sem angrar hvað mest viðkvæm skynfæri fúls á móti en ekki stjórnunarstíllinn þegar allt kemur til alls.

 

Tekur pólitískri gagnrýni of persónulega

Ég sef með Bangsa

Þó ég taki Bangsa ekki með mér í rúmið þá á hann það til að lauma sér upp í þegar ég er sofnaður og kúra sig upp að mér. Það er vinalegt og róandi.

 

Auðvitað tek ég Bangsa með mér nánast hvert sem ég fer. En ég hef aldrei gleymt honum á hóteli eða annarstaðar.

.  

35% fullorðinna Breta sofa með bangsa

Þarf að segja meira

 

 

Ætlar að halda upp á sjötugsafmæli Lennons á Íslandi

Sóðabloggara sem leyfist það sem öðrum er forboðið

Kynþátta- og trúarfordómar eru öðrum fordómum verr séðir hér á Moggabloggi en margskonar fordómar aðrir.  Ekkert í sjálfu sér við það að athuga ef ekki væri organdi slagsíða á þeim takmörkunum sem mbl.is setur trúarlegum fordómum.

Á meðan sumir mega vart orðinu halla á Gyðinga, hvað þá nota skammaryrði um það ágæta fólk, án þess að allt fari á hliðina, þá leyfist bloggaranum Vilhjálmi Erni Vilhjálmssyni í Kaupmannahöfn að skrifa nánast hvaðeina sem honum til hugar kemur, og nota þær nafngiftir sem honum best hentar, þegar hann þarf að upplýsa veröldina um óþverraskap nánast allra, sem ekki eru Gyðingar, og þá helst Palestínu araba í garð vammlausra Gyðinga.

Ég ætla ekki að reyna að lýsa ógeðsskrifum Vilhjálms, lestur á hans síðu er öllum lýsingum betri. 

Hvað ætli Villi Köben segði ef einhver bloggódámurinn myndi myndbreyta mynd af einhverjum  forystumanni Gyðinga í Hitler á sama hátt og hann gerði við meðfylgjandi mynd af Obama forseta Bandaríkjanna?

Jú ég veit hvað Villi Köben myndi gera, hann myndi sturlast og krefjast lokunar á viðkomandi bloggi.

Meðfylgjandi mynd er tekin af bloggi Vilhjálms.

Mjólkurbörnin miklu

Það hefði verið gott að hafa kusuna Örk frá Egg í Hegranesi á bás um borð í Örvari HU 21, fyrsta frystitogara landsmanna. Áhöfnin, sem taldi 24 hausa, sporðrenndi þegar best lét á  milli 450 og 500 lítrum af mjólk í hverjum túr, sem tók að jafnaði um 21 dag, sem samsvarar tæpum lítra á dag á mann.

Örk hefði annað okkur mjólkurbörnunum öllum með glæsibrag og við hefðum átt um 16 daglítra í afgang til osta og smjörgerðar. Svo ekki sé talað um þá ánægju sem það hefði fært mannskapnum að annast slíka þarfaskepnu.

  

Íslandsmet hjá Örk

Hinn Íslenski lýðveldisher í burðarliðnum

Íslensk samtök á borð við IRA virðast í burðarliðnum til að verja sjálfstæði landsins og hreinsa það af föðurlandssvikurum og hafa stofnað facebook síðu fyrir áhugasama.

Samtökin munu að sögn birta á næstunni lista yfir réttdræpa landráðamenn, Evrópusinna og önnur "meindýr" sem þarf að uppræta með öllum tiltækum ráðum.

Manni verður hugsað til þjóðkunns bloggara sem nýlega auglýsti eftir eitri til manndrápa. Margir bloggarar máttu vart vatni halda af hrifningu yfir þeim áformum og líklegt má telja að þeir sömu fylki sér um þessa nýju hreyfingu og hvetja hana til dáða.

Facebooksíða til skoðunar hjá lögreglu