Hverjum datt í hug....

....að spyrja þennan mann álits, hvort þjóðinni bæri að borga reikninga vina hans og samherja?

 

Klikkið á myndina til að stækka textann.

 

Ábyrgðin liggur hjá þjóðinni

Nýjar stjórnlagaþingkosningar fást þá nánast frítt!

Það er sjálfgefið að kjósa aftur til stjórnlagaþingsins, jafnhliða kosningunni um Icesave. Þá fást þær kosningar nánast frítt og það ætti að gleðja þá sem töldu fjármunum illa varið í kosningar um „slíkt fánýti“.

Þá er bara að vanda til verka, rasa ekki um ráð fram og framkvæma báðar kosningarnar rétt og óaðfinnanlega og taka þann tíma í þetta sem þarf svo ekki komi aftur til inngrips pólitíkusana í Hæstarétti.

Eðlilegast er að kosið verði aftur á milli þeirra 522 voru í framboði í fyrri stjórnlagaþingskosningunum. Framboðin sem slík voru ekki ógild aðeins framkvæmd kosninganna sjálfra.  Einfalda þarf þó kosninguna, nóg er að þrjú til fjögur nöfn, eða númer, verði rituð á hvern kjörseðil, því það er í raun aðeins efsta nafnið sem atkvæðið fær. Nöfnin sem á eftir koma hafa lítið eða ekkert vægi og því minna sem neðar dregur.

Þetta fyrirkomulag gæti, þó ekki væri annað, örvað þátttöku í stjórnlagaþingkosningunum, því ekki þarf að efa að kosningaþátttakan í Icesave verður örugglega með því sem best gerist. 

Tvöfaldar kosningar hugsanlegar

Amen, eftir efninu

Þá vitum við það. 

Ekki hafa aftur orðið pólskipti á ástar og haturssambandi forsetans og þjóðarinnar. Hann er enn hataður af þeim sem þar áður elskuðu hann og enn elskaður af þeim sem þar áður hötuðu hann.

Seint verður hægt að saka forsetann um að vera pólitískur bakherji ríkisstjórnarinnar. Hann er sá öryggisventill þjóðar gagnvart þingi og framkvæmdavaldi sem stjórnarskráin ætlar honum að vera.

Þjóðin á núna völina og kvölina og verður vonandi tilbúin að lifa með eigin ákvörðun, og afleiðingunum.

Forsetinn staðfestir ekki

Elska hann, hata hann, elska hann, hata hann, elska........

Það gildir einu hvað Ólafur gerir. Hann mun eftir sem áður verða bæði elskaður og hataður.

Ef hann skrifar undir mun hann verða hataður af þeim sem elska hann núna, en hötuðu áður og elskaður af þeim sem hata hann núna, en elskuðu áður.

 

Forsetinn kominn að niðurstöðu

Einn „sjóblautur olíufugl“

Er ekki full mikið gert úr meintri mengun af völdum strands Goðafoss? Er mengunin ekki aðallega í fréttum fjölmiðla,  sem reyna hvað þeir geta að dramatísera  strandið sem mest?

Talið er að gat hafi komið á tvo tanka í botni skipsins, en í svona stóru skipi skipta olíutankarnir tugum. Ólíklegt er að meira en 15 til 20 tonn af olíu sé í hverjum tanki. Gatið á tönkunum hlýtur, eðli máls samkvæmt, að vera á þeim neðanverðum þannig að þegar sjór kemst í tankana flýtur olían ofan á sjónum í tönkunum, auk þess sem svartolía rennur lítt eða ekki án upphitunar. Líklegt er því að mestur hluti olíunnar í tönkunum sé þar enn og aðeins lítill hluti hennar hafi farið í sjóinn.

Til marks um alla olíuna í sjónum hefur  aðeins einn  olíublautur sjófugl fundist. Af fréttum um mengunina og umfang hennar að dæma er slík eftirtekja undarlega rýr því ekki þarf að efast um að einlægan vilja og ásetning fréttamanna að finna sem mest af olíublautum fuglum, svo þeir geti fært allan hryllinginn heim í stofu til fólks.

Olía á land í vestanverðum firðinum

Hver vakti Gylfa?

Hver ætli hafi hringt í Gylfa og vakið hann af bjútýblundinum og sagt honum að nú yrði hann í það minnsta að hósta létt. 

Gylfi getur svo, sæll með sig, hallað sér aftur eftir allt erfiðið.

Forseti ASÍ gagnrýnir kjararáð

Af hvaða plánetu kemur þetta kjararáðspakk?

Þetta er hneyksli, þetta kjararáð er gersamlega út á túni. Með þessum úrskurði sýnir það þjóðinni ekki bara fingurinn, heldur rekur krepptan hnefann á kaf upp í rassgatið á henni og það án sleipiefna.

Meirihluti kjararáðs notar aukið álag á dómurum sem rök fyrir hundrað þúsund króna launahækkun og hundsar gersamlega þá staðreynd að nýlega var ákveðið að fjölga dómurum tímabundið til að mæta  þessari álags aukningu.

Ekkert er til skiptana til launahækkana fyrir almenning í þessu landi, einu hækkanirnar sem almenningi er úthlutað eru hækkanir á öllum mögulegum sköttum og þjónustu, hægri vinstri. En það er til aur í mánaðarlega launahækkun til dómara, sem nemur 65% af lámarkslaunum.

Burt með þetta kjararáðspakk áður en það útdeilir fleiri svona glaðningum til forréttinda hópa þessa lands.

Láti ríkisstjórn og Alþingi þetta standa án inngrips þá hefur þetta helvítis pakk endanlega sagt sig úr lögum við þjóðina.

  

Dómarar fá 101.000 kr. launahækkun

„Við getum ekki skilið eftir nein vitni“!

Sextán ára drengur í Bandaríkjunum sem braust inn á heimili ásamt tveim félögum sínum hefur auk innbrotsins verið ákærður fyrir illa meðferð á dýrum.  

Drengurinn sagði við innbrotsfélaga sína að ekki væri á það hættandi að skilja eftir vitni að  „heimsókn“ þeirra félaga. Að því búnu myrti hann, með köldu blóði, heimilis gullfiskana þrjá. 

Hann banaði fiskunum með tómatsósu, sinnepi og kryddi ýmiskonar. Þegar íbúarnir komu heim flutu gæludýrin í búrinu, marineruð og tilbúin á diskinn.

Frétt af Vísi.is. 

 

 

Merkilegir Svíar

Hvað þarf til að atburðir í fjarlægum heimshlutum verði frétt á Íslandi? „Ferðamannabátur“  sökk á Ha Long flóa í Víetnam, tólf fórust, einn heimamaður og 11 erlendir ferðamenn af ýmsu þjóðerni.

Meðal þeirra látnu voru tvær sænskar konur. Þá staðreynd gerir mbl.is að megin inntaki fréttarinnar, bæði í fyrirsögn og texta.

Eru Svíar eitthvað umtalsvert merkilegri en annað fólk, hefði þetta slys orðið jafn dramatísk frétt,  eða frétt yfir höfuð, hefði það verið algerlega Svíalaust?

Tveir Svíar létust í Víetnam

Leynipósthúsið

Holskefla þjónustuskerðingar gengur yfir hjá Póstinum um alla landsbyggðina. Pósturinn er svo léttur á bárunni og gamansamur að kalla þessar breytingar „hagræðingu“. Með góðum vilja má samþykkja þá nafngift í einstaka tilfellum.

En víðast hvar væri nær að kalla aðgerðir fyrirtækisins svívirðu og dónaskap í orðanna sterkustu meiningu. T.a.m. þar sem póstafgreiðslunum hefur alfarið verið lokað en íbúunum, sem áttu og byggðu upp þetta fyrirtæki á sínum tíma, er ætlað að grípa póstinn sinn af einhverjum bíl sem brunar hjá og kyngja því sem eðlilegri þjónustu.

Í Grindavík fengu íbúarnir sína póstlegu hagræðingu þegar pósthúsinu var lokað fyrir fullt og fast 19. janúar s.l. og flutt í bás í Landsbankanum. Það kann að vera að þetta gangi með tímanum, en undarleg eru vinnubrögðin og skipulagið á því „pósthúsi“.

Það er ekki kassi eða sjóður í afgreiðslubás póstsins! Þurfi menn að leysa út kröfu eða inna af hendi greiðslu, setja bréf í póst þarf fyrst að fara í biðröðina hjá bankagjaldkeranum greiða kröfuna, kaupa frímerkið og fara síðan í biðröðina hjá póstinum með kvittun bankans eða frímerkið og fá sína póstlegu afgreiðslu á bás póstsins. Nú er mánuður liðinn frá hagræðingunni en enn hafa Landsbankamenn ekki áttað sig á fáránleika þessa afgreiðslukerfis.  Allavega æpir ekki hagræðingin á viðskiptavinina.

Strax daginn sem Pósturinn flutti voru merkingar póstsins fjarlægðar af gamla pósthúsinu en núna,  mánuði síðar,  hefur merki póstsins ekki enn verið sett á Landsbankahúsið. Það er ekkert sem bendir til þess að í þessu húsi sé póstafgreiðslan í Grindavíkurbæ, ef frá er talin lítill og illa staðsettur póstkassi.

Til að bíta hattinn af skömminni þá var þetta illa kynnt eða auglýst. Ég bý beint á móti gamla pósthúsinu og er enn að sjá fólk koma og ætla að snara sér inn á sitt pósthús en það kemur að sjálfsögðu að lokuðum dyrum. Til að fullgera ruddaskapinn þá höfðu þeir hjá Póstinum ekki einu sinni fyrir því að setja tilkynningu í glugga á húsinu til leiðbeiningar, t.a.m. með staðsetningu nýju afgreiðslunnar. Þá vandast málið, það gagnar ekki fyrir viðskiptavininn að keyra um í leit að pósthúsinu, því merkingarlega séð er engin póstafgreiðsla í Grindavík.

Ef farið er inn á heimasíðu póstsins og póstafgreiðslur landsins skoðaðar og Grindavíkur afgreiðslan valin má sjá mynd af Landsbankanum og á myndina hafa Póstmenn af miklum myndarskap sett inn lógó Póstsins á gafl hússins. Kannski það verði látið duga og teljist partur af allri hagræðingunni.

.

Myndir: Landsbankahúsið á heimasíðu Póstsins og myndir af sama húsi teknar í dag.