Glæsilegt

Þetta er glæsilegt hjá Ólafi Birni. 

Til hamingju strákur!

.

.

.

.

Lítið á skoðanakönnunina hérna til vinstri!

  

Magnað afrek hjá Ólafi Loftssyni

Það er hart...

... fyrir stolta þjóð og þurfa að spara sér til skaða. - Í boði íhaldsins.

 

Ónýtar sprautunálar í útboði

Einstaklega ábyrg og hugrökk móðir

Ég tek ofan fyrir henni, ég vildi að ég hefði þennan kjark.

Fleira þarf ekki um þetta að segja.

Átakanlegt viðtal við móður óeirðaseggs

Hitaveita á Skagaströnd - Góð áform en ekki endilega þau bestu

Það var frétt á vef RUV nýlega og nú í dag á Vísir.is að viðræður væru í gangi milli Sveitarfélagsins Skagastrandar og RARIK um lagningu hitaveitu frá Reykjum, innan við Blönduós, og út á Skagaströnd.

Ekki er vafamál að veruleg lækkun húshitunarkostnaðar yrði hreinn hvalreki fyrir Skagstrendinga. En er lagning 35 km langrar hitaveitulagnar og dreifikerfis um Skagaströnd besti kosturinn fyrir íbúana og samfélagið í heild?

Kastað hefur verið fram að þessi framkvæmd muni kosta á annan milljarð, það segir okkur að 2 milljarðar hið minnsta verði niðurstaðan. Þá er ekki talin kostnaður fjölmargra húseigenda að breyta úr rafmagnsþilofnum í vatnskerfi. Það er vart undir einni og hálfri milljón á hús og óvíst að allir verði sáttir þó tilneyddir verði. 

RARIK, sem á hitaveituna, selur nú þegar alla orku til húshitunar á Skagaströnd. Orku sem flutt er eftir raflögnum nákvæmlega þessa sömu leið. Hitaveita yrði þá ný orkulögn samhliða núverandi orkulögn til að flytja þessa sömu orku, sömu leið, en aðeins í öðru formi.

Áætlað er að heitavatnið yrði á þetta 30 til 40% lægra verði en rafmagnið. Gott og vel, en hvaða skynsemi er í því fyrir RARIK að leggja nýja lögn upp á tvo milljarða aðeins til þess að lækka verðið um 40%?

Miklu nær væri að RARIK lækkaði hreinlega verðið á raforkunni til húshitunar á Skagaströnd um þessa upphæð og sparaði sér miljarðana tvo. Raunar mætti lækka orkuna meira, jafnvel 50 til 60% til að koma út á sléttu, þar sem þá þyrfti ekki að greiða upp stofnkostnaðinn við hitaveituna.

Það kann að vera að lagabreytinga sé þörf til að þetta sé  mögulegt, en lagabreytingar hafa verið gerðar af minna tilefni en tveim milljörðum.

Þetta er óskaplega mikið 2007 og hreinlega galið að ætla að eyða 2 milljörðum til að lækka húshitunarkostnað á Skagaströnd þegar hægt er að fá sömu niðurstöðu fyrir íbúa Skagastrandar með einni stjórnarsamþykkt í RARIK, og kostar ekki krónu.

Fleiri fréttir um sama efni hér , og hér.

 

Eltingaleikur í Viðey

„Hvalur elti makríl í Viðey“

 

Það hlýtur að vera sjón að sjá makríl og hval í eltingaleik um móa og grundir í Viðey.

 

Hvalur elti makríl í Viðey

Hvenær er nautaat ekki harmleikur?

Aðdáendur þessa villimannaleikja réttlæta þá gjarnan með þeirri klisju að nautið eigi jafna möguleika á móti manninum.

Í gær skoraði nautið og þá er það kallað harmleikur af einhverjum blaðamannabjálfa.

Eini harmleikurinn í þessu máli öllu er að nautið „sigrar“  því miður ekki nægjanlega oft til að þessi villimennska verði endanlega lögð af.

   

Harmleikur í nautaatshringnum

Stuldur, nei efnahagsaðgerð

Það verða varla nein mótmæli að ráði við þessum landþjófnaði Ísraela því stuldurinn er að þessu sinni efnahagslegur en ekki pólitískur.

Þetta breytir auðvitað öllu fyrir Palestínumenn, eigendur landsins, því hver sættir sig ekki við efnahagsaðgerðir?

Þetta er auðvitað ekki gagnrýni á Ísraelsstjórn, því eins og allir vita má ekki gagnrýna þarlend yfirvöld án þess að fá á sig stimpilinn gyðingahatari.

Það er mikið lán að aðalgerendurnir og sóðarnir í efnahagshruninu Íslenska voru kristnir, en ekki gyðingatrúar. Því annars hefði algerlega verið bannað að fjalla um hrunið eða ræða það á nokkurn hátt. Ef út af því hefði brugðið hefðu Villi í Köben og önnur slík risaeðlubein samstundis runnið inn á sviðið hrópandi gyðingahatur, gyðingahatur!

  

Leyfa fleiri landtökuhús

Hetjan og ofurmennið Pútín

Það er með öllu óvíst að Pútín hafi svo mikið sem snert þennan „fjársjóð“ þó fundur hans sé honum eignaður. Það virðist lögmál í söguritun að yfirmönnum og leiðtogum séu eignuð verk undirmanna sinna.

Það var m.a. fullyrt í minni mannkynssögu að Ferdinand Magellan hefði fyrstur manna siglt í kringum hnöttinn. Þó var sú staðreynd öllum kunn að Magellan komst ekki nema hálfa leiðina áður en hann bar beinin. Siglinguna kláraðu síðan þeir sem eftir lifðu af upphaflegri áhöfn, þeir urðu fyrstir til að sigla hringinn, en þeirra er í engu getið.

Ef spurt var: Hver sigldi fyrstur kringum hnöttinn? Þá hefðu öll svör önnur en Magellan verið röng.

Hver kleif fyrstur Mount Everest?  Svarið við þeirri spurningu var áratugum saman ofur einfalt: Edmund Hillary. Punktur.  Það er ekki fyrr en á seinustu árum sem þess hefur verið getið að í för með Hillary var sjerpinn Tenzing Norgay.  Norgay var lengi vel ekki nefndur á nafn, hann var „aðeins“ leiðsögumaður , ekki hvítur, hann taldist ekki með.

Hvor þeirra snerti tindinn fyrstur hefur held ég aldrei verið opinberað en það er sjálfsögðu eignað Hillary, ennþá.

 

Pútín finnur fjársjóð

Hefndin er ekki sæt, hún er súr.

Það er upp runnin víxlverkun hefnda í þessu stríði, skynsemin hefur endanlega verið send heim af báðum aðilum. 

Hefnd og hatur eru slæmir förunautar og ekki líklegir til að stuðla að vitrænni lausn á þessu brjálæði.

Árásarmennirnir látnir

Fellur ríkisstjórnin?

Óeirðirnar í Bretlandi eru komnar á það stig að lítið þarf útaf að bregða til að samsteypustjórn Camerons hreinlega falli.  

Cameron boðar hertar aðgerðir