Samfylkingin skýtur sig í fótinn og miðar á hinn.

Ég hef ekki verið því fylgjandi að mótmæli séu stunduð við heimil fólks, þótt viðkomandi teljist hafa eitthvað til saka unnið.

En vafasamt verður að telja að þögul mótmælastaða út á götu og án alls áreitis geti talist röskun á friðhelgi heimilisins.

Þessi ályktun framkvæmdastjórnar Samfylkingarinnar er, þótt hún ætti fullan rétt á sér, afskaplega undarleg svo ekki sé dýpra í árinni tekið.  Stundum má satt kyrrt liggja og það hefur sjaldan átt betur við en í þessu tilfelli. Ekkert er verra í knappri stöðu en reyna illan málstað að verja.

Það er ekki trúverðugt að þegar framkvæmdastjórn Samfylkingarinnar  segist í framtíðinni ætla að fylgja eftir reglum, þegar ekkert á að gera í málum þeirra sem í fortíð þverbrutu þau sömu prinsipp og ætla að láta sem ekkert sé.

Er ekki komin tími til að stjórnmálaflokkarnir hver og einn taki sig saman í andlitinu og geri sjálfir eins og þeir ætla öðrum að gera?

 

Friðhelgi heimilis og fjölskyldu rofin

Hinn fullkomni heimur.

Þá er það komið, kynjahlutfall í stjórn og trúnaðarmannaráði VR er loks jafnt. Mjög gleðileg tíðindi segir Þórhildur Þorleifsdóttir formaður Jafnréttisráðs en tjáir sig ekki um það hvort trúnaðarmannaráðið sé betur mannað fyrir vikið.

Enda skiptir það Jafnréttisráð og femínista engu hvort stjórnir og ráð séu skipuð hæfum eða óhæfum einstaklingum, eina markmiðið er að tippin séu ekki fleiri en píkurnar.

Mun minni áhersla er lögð á jafnréttisbaráttuna, halli á tippin, þá heitir það jákvæð mismunun.

Jöfn kynjahlutföll í VR öðrum til eftirbreytni

Vonandi gerist það aldrei aftur....

....að annað eins fífl og viðundur og George W. Bush komist í embætti forseta Bandaríkjanna.

Það er ráðgáta hvernig þessum  bjána tókst að halda fingrinum á kjarnorkugikknum í átta ár án þess að hleypa af.

  

Það segir raunar meira um þjóðina en Bush að hún hafi kosið hann, ekki bara einu sinni, heldur tvisvar. 

Bush sendir frá sér endurminningar

Er pólitíkin að breytast?

Er allt orðið á röngunni,  snýr orðið út það sem skal snúa inn?

Er það misskilningur hjá mér að um árabil hafi megnið af stjórnmálamönnum ekki haft nokkuð annað fram að færa en taumlaust gort um eigið ágæti og verið klappað lof í lofa?

Er það hætt að vera inn?

Kynlífsgort kom frambjóðanda í koll

Hvaða, hvaða, hverslags eiginlega er þetta?

Það er ekki fyrr búið að venja heiminn við tilhugsunina um hnattræna hlýnun, bráðnun jökla og heimskautaíssins en öllu er svo frestað um óákveðin tíma og kuldaskeiði spáð.

Hverslags hringlandaháttur er þetta, geta menn ekki ákveðið sig?

Spá köldum vetrum næstu árin

Þjóðvegaskelfir sviptur ökuleyfi tímabundið

Það væri synd að segja að hann hafi ekki verið kappsamur og fullur áhuga þessi ungi maður, að hafa lög og reglur að engu og ekið eins og hann ætti vegina.

Í ljósi ökuferils mannsins, þar sem hann hefur brotið allt lagastafrófið auk annarra brota er dómur yfir manninum núna broslegur ef ekki beinlínis hlægilegur. Í dómsorði segir m.a.:

Með vísan til brotaferils ákærða þykir einsýnt að það skipti hann litlu hvort hann hafi ökuréttindi eða ekki.

Það er því niðurstaða dómsins að eðlilegt sé að maðurinn fái aftur ökuleyfi 12. júní 2011.

Þessi maður er greinilega ómissandi af þjóðvegunum, rétt eins og þingmennirnir , sem rústuðu þjóðfélaginu, eru ómissandi af þingi og sviptu sjálfa sig þingsætinu, bara tímabundið auðvitað.

Ungi maðurinn gæti svo tekið upp aðferð útrásarbófanna og síbrotapólitíkusa og birt opinberlega aumt yfirklór og réttlætingu á gjörðum sínum, þá gæti þjóðin  grátið úr sér augun og veitt honum uppreisn æru.  

  

185 umferðarlagabrot á 15 árum