„Við erum stórastir“

 „Ísland er stórasta land í heimi“ er orðin fleyg setning í sinni jákvæðustu mynd.

Þetta sagði kona með stórt hjarta, kona sem elskar sitt land, Ísland. Kona sem er hispurslaus og bara hún sjálf. Mættu margir taka hana sér til fyrirmyndar.

Það er ekki annað hægt, en að bera virðingu fyrir forsetafrúnni og þeim hjónum báðum.

Áfram Ísland, áfram Dorrit!

 

Þegar Dorrit veifaði

„Carsala“ ??

Það virðast engin takmörk fyrir hugmyndafátækt og smásálar hugsun manna þegar kemur að því að gefa verslunum og fyrirtækjum nafn. Íslenskan hefur átt undir högg að sækja í þessu efni.

Æ oftar er gripið til enskunnar og heiti á því máli valið. Þetta á væntanlega að vera "töff" eða áhrifaríkara en íslensk orð, en er það fráleitt ekki.

 Nú eru menn farnir að blanda saman íslenskum orðum og enskum. Bílaoutlet er það nýjasta. Hver andsk.... er nú það?  Er það einhver „CARsala“?

Hið opinbera er meira að segja farið að nota ensku. Enska hefur verið innleidd í vegamerkingar. Orðið BUS er farið að sjást á akreinum! Hvenær var það innleitt í íslensku?

Er ekki mál að linni?

Höfum það Íslenskt.

 

 

Þorgerður í fótspor forsetans!

 

Það er full ástæða til að taka vel á móti „strákunum okkar“ þegar þeir koma heim. Ekki spurning. Þorgerður Katrín mennta- og íþróttamálaráðherra ætlar, sem þá starfandi forsætisráðherra, að sjá til þess. Er það vel.

Þorgerður hefur boðað að hún fari nú þegar til Kína til að styðja strákana í leiknum gegn Frökkum. Það er vel til fundið. Hún hefði  mátt fara fyrr.

En hvað segja þeir hægrimenn nú, sem fóru mikinn og áttu ekki til orð til að lýsa hneykslan sinni á för forsetans til Kína og vildu að hann sæti heima í pólitískum tilgangi. Þá hefur sett hljóða.

 

 

Áfram Ísland

Þorgerður Katrín: „Ég fer út að fagna með strákunum"

Magnað, magnað, frábært.

Við unnum með 6 marka mun! Hugsið ykkur.

Þetta eru magnaðir drengir. Ef einhverjir hafa unnið til Fálkaorðunar þá eru það þeir.

Nú er bara að taka það á sunnudaginn.

Áfram Ísland.

Íslendingar í úrslitaleikinn

Hér er ökuleyfið þitt, 21. útgáfa gjörðu svo vel!

Ætli það hafi verið meiningin að láta hann hafa ökuleyfið í 21. sinn? Er ekki nokkuð ljóst að maður sem sviptur hefur verið ökuleyfinu 5 til 6 sinnum hefur ekkert með ökuleyfi að gera?

En það hefði sjálfsagt engu breytt í þessu tilfelli  því hann ók eftir sem áður, þrátt fyrir sviptingu. En miðað við ákæruna er ökumannsferli hans endanlega lokið. Þó fyrr hefði verið.

 

Lyftu strætó og björguðu barni

Of margar byssur. Lausnin......fleiri byssur

Ef kennarar þurfa að geta varið sig ef til skotárásar kemur, þurfa þá ekki nemendur líka að verja sig. Er ekki rétt að vopna alla í skólanum svo fulls jafnræðis sé gætt?

Það er í hæsta máta undarlegt að eina lausnin, sem bandaríkjamenn sjá, þegar upp koma byssuvandamál, er að fjölga byssum í umferð!

Kennarar fá að bera byssur í Texas