Bifreiðin SK 033

Rétt fyrir kl. 16.30 í dag verslaði fólk á bifreiðinni SK 033, sem er hvít Hyundai, í  lúgu í Bárunni  hér í Grindavík. Bifreiðin var síðan færð 20 metra frá lúgunni og þar voru krásirnar snæddar.

Þetta væri í sjálfu sér ekki í frásögur færandi ef ekki hefði legið á götunni, hrúga af rusli, þegar þetta ágæta fólk ók á brott.

Það væri þessu fólki til sóma ef það sægi að sér og kæmi og hirti upp eftir sig ruslið og henti því þar sem ruslið á heima.

Breytt hegðan bætir ástandið, eða hvað?

 

Dregið hefur úr vandamálum sem fylgja papparössum í borg Englana. Ástæðan mun víst vera sú, að sögn William Bratton lögreglustjóra þar á bæ, að  „Britney Spears er farin að „ganga í fötum og haga sér sæmilega,“ París Hilton er farin úr bænum, „guði sé lof,“ og „Lindsay Lohan er víst orðin að lesbíu.““

Sú síðastnefnda mun víst ekki hress með þessa yfirlýsingu, enda hefur þessi „skápaútferð“ hennar eflaust átt að auka á umtalið. Sumir virðast þrífast á því og lifa fyrir það.

 

Lohan skammar lögguna

Fyrirmynd fyrirmyndanna.

Bandaríkin vilja gjarna gefa þá mynd af sér og trúa því að þau séu fyrirmynd annarra ríkja. Bandaríski herinn á að vera sá besti á öllum sviðum. Eitthvað er samt rotið og illaþefjandi þar innandyra ef þessar tölur eru réttar. 40% kvenna í bandaríska hernum hafa orðið fyrir kynferðislegu ofbeldi af einhverju tagi. Og þriðju hverri konu í hernum er nauðgað!  

–Þriðju hverri konu í hernum er nauðgað!     

Aðeins 8% kæra um kynferðislegt ofbeldi í hernum fer fyrir dóm! Málin eru þögguð niður. Þar vinna sem ein hönd væri allt frá gerendum til æðstu yfirmanna í varnarmálaráðuneytinu. Gott teymi það og sannarlega fyrirmynd allra fyrirmynda.

 

29% kvenhermanna nauðgað

Tæplega matvinnungur

Ætli hann þurfi að renna á limmanum til Mæðrastyrksnefndar fyrir jólin til að ná sér í hangiket í matinn?

 

Með 62 milljónir á mánuði

Réttarfarslegur harmleikur.

Þessi frétt vekur í senn sorg og furðu og var lestur hennar átakanlegur. Þetta er harmleikur ekki hvað síst þeirra sem eiga um sárt að binda vegna gerða þessa skrímslis, svo er niðurstaða  þessa máls, réttarfarslegur harmleikur.

Í niðurstöðu héraðsdóms segir, „að við ákvörðun refsingar sé litið til þess að maðurinn hafi gerst sekur um mörg kynferðisbrot gegn barnungum stúlkum og að sum þeirra séu mjög alvarleg. Brot hans tóku að hluta til yfir langt tímabil og hann nýtti sér sakleysi stúlknanna og trúnað og traust sem dætur hans og stjúpdóttir báru til hans. Þá hafi  framburður hans einkennst af því að hann vilji draga úr ábyrgð sinni og varpa þeim yfir á þolendur misgjörða sinna, en á þessu hafi einkum borið þegar maðurinn lýsti afstöðu sinni til þeirra brota gagnvart stjúpdóttur sinni og annarrar stúlku.“

Ekki verður annað skilið af þessu en að dómurinn telji að þung refsing sé eðlileg og sanngjörn í ljósi brotanna. Fjögurra ára dómur er semsagt þungur dómur í þessu máli að mati réttarins.

Sveiattan bara.

Svo er þolendum dæmdar bætur fyrir það tjón sem þeir hafa hlotið andlega og líkamlega og þær eru svo „ríflegar“ að þær eru samtals rétt rúmlega þóknun þeirra löglærðu sem að málinu komu.

Sveiattan.

Það er ljóst vegna aðkomu barnaverndaryfirvalda að málinu að þau þurfa að taka sig í naflaskoðun, eitthvað brást, svona má ekki gerast.

Nú hefur aftur verið brotið illa gegn  þolendum í málinu. Þessi dómur er eins og blaut tuska í andlit þeirra og reyndar í andlit þjóðarinnar allrar, nema þeirra ógeða sem svona stunda, þeir brosa í laumi.

Sveiattan. 

4 ára fangelsi fyrir kynferðisbrot

Umhverfisverndarhræsni

Svo virðist að þeir umhverfisverndarsinnar sem Urriðafoss heimsækja á dánarbeðið, séu ekki alveg heilir í gegn í umhverfis heilagleika sínum. Í það minnsta finnst þeim ekkert athugavert að skilja eftir sig rusl af öllu tagi. Það passar ekki alveg inn í helgimyndina.

Fossinn sem gleymdist