Hanna Birna er orðin leiðtogi Sjálfstæðisflokksins þó Bjarni sé enn formaður að nafninu til

Engum blöðum er um það að fletta að Hanna Birna Kristjánsdóttir kom, sá og sigraði í þessu prófkjöri Sjálfstæðismanna í Reykjavík. Hún er með glæstum sigri sínum þar með orðin leiðtogi Sjálfstæðismanna á landsvísu. Það hljóta allir að sjá og viðurkenna, samherjar jafnt sem andstæðingar.

Ekkert (nema þá landsfundur Sjálfstæðisflokksins ef svo ótrúlega vildi til) getur komið í veg fyrir að Hanna Birna verði næsti formaður flokksins. Með þessum glæsta sigri er hún þegar komin með annan þjóhnappinn í formannsstólinn.

Héðan í frá og fram að landsfundi Sjálfstæðisflokksins verður Bjarni Benediktsson, pólitískt séð, vart annað en ígildi innihalds ótæmdrar sorptunnu, sem hefur ekki annað hlutverk en að bíða eftir öskubílnum á næsta losunardegi.

Lokatölur í Reykjavík

Léttur húmor í svartnættinu

Það vakti athygli og rataði í fréttir í gær að verjandi eins sakbornings í stóra ofbeldismálinu dottaði í réttarsalnum.  Vinnufélagar lögfræðingsins hrekktu félaga sinn ansi skemmtilega þegar hann mætti til vinnu í morgun og hans beið uppbúið „rúm“ á skrifborðinu hans, segir í frétt á Vísi.is.

Lögfræðingurinn, sem hefur greinilega húmor fyrir sjálfum sér, fullkomnaði hrekkinn með því að fá sér kríu á skrifborðinu. Það er gott að hægt sé að sjá eitthvað jákvætt í tengslum við þetta skelfilega mál.

Þeir eru ekki öfundsverðir af sínu hlutskipti lögfræðingarnir, verjuendur þessara hrotta. Það þarf sterk bein til að fá svona viðbjóð í fangið og skaðast hreinlega ekki á sálinni.

  

Verjandi sofnaði við málflutning

Bjarnargreiði við frambjóðendur

Kappsamur bloggari, sem segist ekki vera í Sjálfstæðisflokknum eða kjósandi hans, finnur samt hjá sér knýjandi þörf til að mæla sérstaklega með og mæra ákveðna frambjóðendur í  komandi prófkjöri Sjálfstæðisflokksins í Reykjavík, umfram aðra.

Það er afar ólíklegt að hinir „lánsömu“ frambjóðendur kunni hinum kappsama bloggara nokkrar þakkir fyrir opinberaðan stuðninginn, því líkum má að því leiða að fyrir þá sé vænlegra til vinsælda að umræddur bloggari sé yfirlýstur andstæðingur þeirra frekar en samherji. Ekki þarf að efa að þeir sem ekki urðu stuðningsatlota bloggarans aðnjótandi lofa örugglega skapara sinn fyrir þá náð.

Bloggarinn kappsami leyfir ekki athugasemdir við þetta tiltekna blogg, sennilega af ótta við að tilfinningahiti og þakklæti frambjóðenda, fyrir stuðninginn, fari gersamlega úr böndunum.

Æ,æ,æ....

....æ, æiiiii, hvað þetta er sárt! 

 

Mig verkjar...

  

Gunnar kærir Guðlaug Þór

Augnablikið fangað

 

 

Hjörleifur, einstakur maður - alltaf með öfugum formerkjum

Þegar Hjörleifur Guttormsson talar um fylgistap í flokka ættu menn að leggja við hlustir. Því enginn annar kemst með tærnar þar sem Hjörleifur hefur hælana í að reyta af sér fylgi og losa flokkinn sinn við kjósendur.

Þegar Hjörleifur kom fyrst á þing 1978 fyrir Alþýðubandalagið í Austurlandskjördæmi, fékk flokkurinn 3 þingmenn og var Hjörleifur þriðji maður inn. Eftir að Hjörleifur kom í þinglið flokksins tapaði flokkurinn stöðugt fylgi í Austurlandskjördæmi. Í þingkosningunum 1995, sem voru þær síðustu sem Hjörleifur tók þátt í, var hann nærri fallin af þingi. Hjörleifur var þá í fyrsta sæti framboðslistans.

Framsóknarflokkurinn hefði aðeins þurft að ná 17 atkvæðum af Alþýðubandalaginu í kosningunum 1995 og Hjörleifur var  fallinn og Alþýðubandalagið orðið þingmannslaust í sínu sterkasta vígi!  Það hefðu þótt tíðindi!  

Já Hjörleifur er bólgin af reynslu í þeim fræðum að sópa af sér fylginu, það þarf engum blöðum um það að fletta. Í því er hann ókrýndur meistari og hann getur klárlega miðlað öðrum af reynslu sinni, en varast skyldu menn að sækja nokkuð í hans smiðju, ætli þeir sér frama í stjórnmálum.

Segir VG „ósjálfbært rekald“

Að skemmta skrattanum

Forsætisráðherra Finnlands, Jyrki Kateinen, segir fyrirhugaða loftrýmisgæslu finnska flughersins á Íslandi á næsta ári vera æfingu en ekki hernaðaraðgerð. Óvopnaðar þoturnar munu ekki sinna vörnum landsins og því t.a.m. ekki fljúga í veg fyrir aðrar þotur meðan á veru þeirra á Íslandi stendur. Svo segir á frétt á Vísi.is.

Íslensk stjórnvöld hafa kappkostað að réttlæta flug erlendra flugherja í lofthelgi Íslands með þeirri staðhæfingu að flugsveitirnar væru að sinna vörnum landsins. Núna hefur forsætisráðherra Finnlands staðfest vissu flestra Íslendinga að þær fullyrðingar væru hrein ósannindi.

Á þessum síðustu og verstu tímum þegar ríkið þarf að horfa í hverja krónu er vitandi vits verið að leggja fé til reksturs erlendra flugherja í algeru tilgangsleysi. Fyrsta skrefið inn í draum Björns Bjarnasonar um hervæðingu Íslands hefur verið stigið og það af svörnum hugmyndafræðilegum andstæðingum hans. Birni hlýtur að vera skemmt.

Það hljóta að vera til pillur við þessu

Það er hámark sjálfs- blekkingarinnar og tákn  um veruleikaflótta á háu stigi hjá Jóni Gunnarssyni þegar hann kallar fram- boðslista Sjálfstæðisflokk- sins í kraganum sterkan og frambærilegan.

Listi sem leiddur er af manni sem helmingur flokksmanna í krag- anum hafnaði verður aldrei annað en hálfvelgja. Listinn er leiddur af manni sem er svo „öflugur“ að hann rétt marði það að verja sína stöðu á landsfundi, helsta helgidómi flokksins. 

Bjarni er og verður flokknum aldrei annað en hálfdrættingur. Það er svo sem engin ástæða til að harma það.

 

Fjölbreyttur og sterkur listi

Bjarni helmingur segir stöðu sína sterka

Það er sannarlega lán fyrir Bjarna að reiknis- og prósentukúnstir hans sjálfs voru ekki notaðar í þessu prófkjöri. Útkoma formannsins hefði þá vart verið mælanleg.  

„Það var að mér sótt með stórum orðum“ segir Bjarni formaður til skýringar á afleitri útkomu hans. Þrátt fyrir að hafa að eigin sögn séð margt í pólitíkinni hefur það greinilega farið framhjá Bjarna að í kosningum og prófkjörum er yfirleitt hörð og óvægin samkeppni um atkvæðin.

Bjarni reiknaði með að fá rússneska kosningu alveg vafningslaust, en gleymdi að reikna með vafningi eigin fortíðar.

„En staða mín er sterk og enginn ógnar minni stöðu, ég lýk þessu prófkjöri með afgerandi sigri“ segir Bjarni kokhraustur með sinn helming.

Núna telst 54% afgerandi sigur hjá Bjarna en ekki eru nema nokkrir dagar síðan sami Bjarni notaði stór orð um 64% fylgi við frumvarp að nýrri stjórnarskrá og sagði slíka niðurstöðu ekki marktæka og í raun skipbrot fyrir þá sem að kosningunni stóðu.

Þá vitum við það.

  

„Getur verið kalt á toppnum“

Hver væri stuðningurinn við Bjarna, væri sömu reikniaðferð beitt og hann notaði sjálfur í þjóðaratkvæðagreiðslunni nýverið?

Í þjóðaratkvæðagreiðslunni um stjórnarskrárfrumvarpið um daginn mætti helmingur kjósenda á kjörstað og kaus. Tveir þriðju greiddu stjórnarskrárfrumvarpinu atkvæði sitt sem útlagðist rúm 64% greiddra atkvæða.

Þá niðurstöðu gat Bjarni Ben ekki unað við og dró upp á dekk alla sem heima sátu og ekki kusu og bætti þeim við nei atkvæðin á kjörstað og fann þannig út að stuðningur við stjórnarskrárfrumvarpið væri ekki nema 30% og því gífurlegt áfall fyrir ríkisstjórnina, sem ætti að segja af sér.

Þar sem Sjálfstæðismenn liggja á félagatali sínu eins og ormar á gulli er fjöldinn á kjörskrá óljós. En gefum okkur að kjörsókn hafi verið 50% eins og í þjóðar- atkvæðagreiðslunni. 

Bjarni Benediktsson fékk 54%  greiddra atkvæða í þessu prófkjöri. Ef reikniaðferð Bjarna er notuð og þeir teknir sem höfnuðu Bjarna á kjörstað að viðbættum þeim sem ekki kusu Bjarna með því að sitja heima þá hefur hann aðeins fylgi 25% sjálfstæðismanna og 75% þeirra hafna honum alfarið.

Ætla mætti að Bjarni sæi sína sæng uppreidda, færi að eigin ráðum og segði af sér. En það gerir hann vonandi ekki, því vandfundinn er meiri dragbítur á eigin flokk en vafningurinn Bjarni Ben.

 

Bjarni með 54% atkvæða