Góði græðirinn

Ég, þú, hann og hún, já við öll hljótum að krefjast þess að þessi listi verði gerður opinber í heild sinni og jafnframt að hætt verði að fara með númer lækna eins og hernaðarleyndarmál, eins og nýverið var gert að kröfu persónuverndar.

Númer lækna eru skráð á lyfjahulstrin en hvergi er hægt að fletta þeim upp í opinberum skrám. 

Á heimasíðu Landlæknis er að finna Exel skjal um íslenska lækna frá a til ö, fullt nafn, kandídataárið, hvenær lækningaleyfið var gefið út, hvaða lækningar þeir stunda, sérgreinasvið o.s.fv., en læknanúmer þeirra er leynó að kröfu persónuverndar, að því mér skilst.

Stórundarlegt, vægast sagt og af hverju eru númerin leyndarmál, hvað þarf að fela? Má ekki sjást af lyfjahulstri, sem foreldrar eða aðrir aðstandendur fíkla finna, hver góði græðirinn er?  

Ávísuðu lyfjum fyrir 160 milljónir

Var ráðherrum hótað limlestingum eða lífláti?

Frú Arnþrúður Kalsdóttir útvarpsstjóri á útvarpi Sögu dregur ekki af sér frekar en fyrri daginn í samsæriskenningum og mannorðsmorðum.

Frú Arnþrúður fullyrti í morgun að ástæðan fyrir því að ekki hafi verið farið í aðgerðir gegn Björgólfi Thor væri sú að hann hafi hótað ráðherrum að eitthvað myndi koma fyrir þá ef ekki yrði látið kyrrt liggja!

Ekki hvarflar að mér að halda uppi vörnum fyrir Björgólf Thor, en er þetta ekki full langt gengið, jafnvel á sorpmiðli eins og útvarpi Sögu?

Upp úr sauð á þingi

Spunameistarinn tekur flugið

Þetta er hreint út sagt yndisleg „frétt“ sem kennslubókardæmi um „góðan“ spuna.  Öll formúlan er gernýtt, heilu úlfaldalestirnar hannaðar úr dauðri mýflugu, skröksögum og ýkjum. Allt haft eftir nafnlausum,  en „áræðalegum“ heimildum.

Agnes Bragadóttir, höfundur fréttarinnar, hefur sýnt og sannað að hún er magnaður spunapenni en hennar helsti galli er vita ekki hvar á að draga línuna þegar hún nær fluginu. Morgunblaðið hefur enda þurft að biðjast afsökunar á beinum ósannindum Agnesar, þegar ekki hefur dugað að bera við „áræðalegum“  heimildum.

Agnes hefur sennilega ekki lifað betri daga en eftir að Morgunblaðið breyttist úr góðu dagblaði í pólitískan sorphaug, hvar hún nærist og dafnar eins og maðkur í hræi.

Ágreiningur um kvóta vex

Einar hefur áhyggjur af afdrifum kjarasamninga, það er alveg nýtt!

Þessar áhyggjur Einars K. Guðfinnssonar lýsa væntanlega þeirri einlægu von hans og vilja að ekkert í forsendum kjarasamninga og stefnu ríkisstjórnarinnar bregðist þannig að stjórnin þurfi ekki að hvika frá settri stefnu.

Traustur maður hann Einar, hann er maðurinn á gólfinu, maður fólksins! Þetta hefur verið hans stefna alveg frá því að honum var í vöggu sagt að hann væri prinsinn af Bolungarvík.

Ríkisstjórnin að eyðileggja kjarasamningana

Haldið kjafti!

Félagsmenn Flóabandalagsins hafa látið 16.5% félaga sinna samþykkja fyrir sig nýgerðan kjarasamning.

Þátttakan í kosningunni var aðeins 19.4%, 80.6% hundsuðu atkvæða- greiðsluna, sem er afar dapurt því nánast ekkert þurfti fyrir kosningunni að hafa.

Þessi 80.6% félagsmanna Flóabandalagsins hafa með hjásetu sinni í atkvæðagreiðslunni afsalað sér öllum rétti til nöldurs og óánægju yfir nýsamþykktum samning út gildistíma hans.

Þið þessi 80 prósent sem sátuð hjá auk þeirra 16.5% sem samþykktu, gjörið svo vel gott fólk, þið uppskáruð eins og þið sáðuð og haldið því kjafti yfir rýrum hlut ykkar fram að næstu samningum! 

Flóinn segir já

Er skeggið skylt hökunni?

Ég er Össurar maður, en mér finnst skeggsmekkur hans afleitur.

Er skegg Össurar undantekningin frá reglunni að skylt sé skeggið hökunni?

Hvað finnst ykkur?

 

Langur fundur með Clinton

„Ekki benda á mig“

Ég held að þetta sé hárrétt hjá Björgólfi Thor Björgólfssyni. Menn vanmátu gersamlega afleiðingarnar af því fullkomna  hafta og stjórnleysi sem ríkisstjórn Davíðs Oddsonar innleiddi í Íslensku fjármálaumhverfi í nafni Hannesar Hólmsteins frjálshyggjuformúlunnar.

Afleiðingin varð  taumlaus græðgi  þar sem það varð að pissukeppni hver gæti rakað að sér sem mestu fé á sem skemmstum tíma, sama hvernig.

Þar fóru forsvarsmenn bankanna í broddi fylkingar og þá ekki hvað síst sá Grægjólfur sem hér blæs sínar hefðbundnu „ekki benda á mig“ sápukúlur!

Segir Árna hafa vanmetið aðstæður

Pétur Blöndal er klárlega maður dagsins

Ef marka má Pétur Blöndal  hefur útgerð og sjósókn á Íslandi verið vonlaust fyrirbrigði allt frá landnámi og fram til þess dags að kvótakerfið var sett á með  frjálsu framsali aflaheimilda.

Það sem Pétur er að segja, er að arðsemi sjávarútvegs á Íslandi liggi ekki í veiðum og vinnslu, heldur braski og sukki. Sem er, þegar grannt er skoðað, sjálfstæðisstefnan í hnotskurn. 

 

Arðsemin hverfur úr greininni

Tvískinnungur Péturs Blöndal

Pétur Blöndal alþingismaður hugsar allt út frá krónum og aurum, metur bragð og lykt eftir verðinu.

Hann hefur ekki komið í Hörpuna og langar það ekki,  til þess segir hann húsið vera allt of dýrt. Pétur hefur nokkuð til síns máls hvað kostnaðinn varðar, ekki vafi á því.

Ef Pétur getur ekki hugsað sér að koma í Hörpuna vegna kostnaðarins, hvernig getur hann þá verið í Sjálfstæðisflokknum, flokki sem hefur kostað þjóðina ófáar Hörpurnar?

Hefðum átt að breyta holunni í fangelsi

Hér segir af kvígum og fleira fólki.

Að sögn Ragnheiðar Elínar Árnadóttur Þingvallanefndar- og þingmanns eru hún og Þorgerður Katrín Gunnarsdóttir fulltrúar Sjálfstæðisflokksins í nefndinni mjög ósáttar með vinnubrögð formanns Þingvallanefndar.

Formaðurinn vann sér það til óhelgis í augum þessara vammlausu kvenna  að kanna það fyrst hvort þeir einstaklingar sem hugmyndin var að skipa í dómnefnd um uppbyggingu Þingvallasvæðisins væru tilbúnir að taka þann starfa að sér áður en stungið væri upp á þeim og um þá greidd atkvæði á fundi Þingvallanefndar.

Til að fylgja máli sínu eftir stungu þær stöllur síðan upp á ýmsum einstaklingum, en fóru síðan í magnaða fýlu þegar ætlan þeirra að troða mönnum í nefndina, að þeim forspurðum, mistókst.

Það var eftir þennan átakafund sem Þráinn Bertelsson móðgaði alla sjálfstæðislínuna þegar honum varð það á að blanda íslenska kúastofninum að ósekju við persónur kvennanna. Þráinn hefur að sjálfsögðu beðið kýrnar afsökunar á þessu frumhlaupi sínu.

Líklegt má telja að Björn Bjarnason skrifi pistil um þennan vindmillubardaga flokkssystra hans, Björn hefur rétt nýverið fengið, öllum að óvörum, ákafann áhuga á vandaðri og opinni stjórnsýslu.

Vilja hugmyndir almennings