Færsluflokkur: Vinir og fjölskylda

Hátíð í skugga lágkúru

Fáninn einiÉg óska sjómönnum og fjöl- skyldum þeirra til hamingju með daginn, sem og öðrum lands- mönnum.

Látum sem við sjáum ekki þann skugga sem LÍÚ mafían reynir að varpa á daginn með sinni landsþekktu lágkúru.

þvingað brosBrosum þeim í mót.

 

 


Lýst eftir manni

Ég lýsi eftir Jóni Val Jenssyni. Þegar þetta er ritað eru liðnar 37 mínútur frá því þessi frétt um forystu Þóru Arnórsdóttur í kapphlaupinu til Bessastaða var birt.  Jón Valur hefur ekki enn komið með sínar útskýringar á því að þessi útkoma fáist með engu móti staðist. Hann hlýtur því að vera týndur, veikur, eða ekki sjálfs sín ráðandi.

Jón Valur hefur ekki sést á blogginu síðan rúmlega eitt í dag. Þeir sem vita um ferðir Jóns eftir þann tíma eða hvar hann er núna niðurkominn eru vinsamlegast beðnir um að hafa samband við Kattholt.

  


mbl.is Þóra með 9% forskot á Ólaf
Tilkynna um óviðeigandi tengingu við frétt

Mér var gefið start - gömul saga og ný.

Á fimmtudaginn í síðustu viku vaknaði ég rétt fyrir klukkan 7 árdegis, að ekki var allt með felldu. Ég þekkti strax einkennin, hjartslátturinn var farinn út og suður, rétt eins og Ástþór Magnússon slægi taktinn.

Ég tók þessu rólega, enda alvanur þessum uppákomum, brá mér undir sturtuna í lágadrifinu og skolaði af mér nætursvitann. Vakti síðan konuna og bað hana að aðstoða mig á heilsugæsluna. Hún skammaði mig fyrir að hafa ekki vakið sig strax, rétt eins og það hefði einhverju breytt.

Þegar við komum á heilsugæsluna var mér skotið að strax. Læknirinn lét taka af mér línurit og boðaði síðan vælubíllinn með það sama til að flytja mig á gáttadeild Landspítalans.

Þar reyndu læknarnir fyrst öfgafulla lyfjagjöf til að koma hjartanu í takt, þótt fyrri reynsla segði það til lítils. Enda fór það svo að stuttu eftir hádegi var mér ekið inn á sláturdeildina, rétt einn ganginn, ég tekinn af lífi og síðan endurræstur, með hjálp Landsvirkjunar.  

stuðtækiÞað gekk vel í þetta skiptið. Ég hrökk í taktinn strax við fyrsta skot, en samt hef ég verið eins og undin tuska síðan.  

Það er mjög mismunandi hvernig ég kem undan þessu. Í eitt skiptið þegar ítrekuð skot þurfti til að koma mér í „gang“  og brjóstkassinn á mér var  eins og jarðýta hefði spólað á honum var ég samt á eftir stálsleginn, rétt eins og ekkert hefði gerst, ef frá voru taldir verkirnir í rifjunum.

Já - þetta er gömul saga og ný.


Hið sanna ríkidæmi

Við gömlu brýnin, fórum í dag að ná í Axel Þór dótturson minn og nafna á Reykjavíkurflugvöll, ég og amma hans. Nafni  var að koma úr páskaheimsókn til pabba síns á Akureyri. Mamma og fósturfaðir Axels komust ekki svo við gömlu græjurnar hlupum í skarðið.

Það var eins og alltaf áður við svipuð atvik eins og í flugstöðinni, þegar Axel litli kom hlaupandi til okkar og flaug upp um hálsinn á okkur, þá fannst mér eins og ég hefði himinn höndum tekið. Það sama á við um öll barnabörnin, ég bráðna niður og verð að gjalti þegar þau umfaðma mig, með hlýju sinni og væntumþykju og kúra höfuð sitt í hálsakoti.

Manni verður ósjálfrátt hugsað, á stundum sem þessum hve ríkur maður er, rúmlega fimmtugur, að eiga sex barnabörn, hvert öðru dásamlegra.


mbl.is Gátu flogið þrjár ferðir vestur
Tilkynna um óviðeigandi tengingu við frétt

Konur

Allar konur þessa lands, dætur, mömmur, ömmur, langömmur og langlangömmur - til hamingju með daginn!

yellow-flowers


Gleðileg jól kæru vinir!

christmas_treeÉg óska bloggvinum mínum, sem og öðrum lesendum bloggsins, gleðilegra jóla og farsæls komandi árs.

Ég þakka allar heimsóknir, jafnt sem   athugasemdir á blogginu á árinu sem er að líða.

Kær kveðja,

Axel Jóhann Hallgrímsson


Ég verð óþolandi af monti í dag

Mér fæddist 6. barnabarnið í gærkveldi, 15. ágúst, þegar Bryndís dóttir mín og Magnús maður hennar eignuðust frískan og fjörugan 15 marka dreng.

Fæðingin gekk vonum framar og öllum heilsast vel.

 

Tökum höndum saman

Mér er bæði ljúft og skylt að vekja athygli á þessari síðu VG sem er netdagblað í Noregi.

Hér geta allir sýnt samstöðu og samhug með Norsku þjóðinni og aðstandendum fórnarlambanna á Útöya og jafnframt fyrirlitningu á slíkum voðaverkum.

Tökum í hönd næsta manns og réttum hina höndina út til næsta manns. Myndum eina allsherjar keðju friðar og samhugs, segjum nei við ofbeldi.

Aðeins þarf að klikka á   Klikk her for å styrke lenken og skrá sig inn, með nafni og landi. 

Tæplega 1,2 milljón manna, kvenna og barna hafa þegar myndað hlekki í keðjunni.  

 

Slóðin á síðuna er: http://www.vg.no/nyheter/innenriks/oslobomben/lenke.php

Látið þetta berast sem víðast!

   


mbl.is Breivik yfirheyrður á morgun
Tilkynna um óviðeigandi tengingu við frétt

Þjóðarsorg á Norðurlöndum

Það er ekki ofsögum sagt að atburðirnir í Osló og Utøya séu átakanlegasti atburðurinn á Norðurlöndum í áratugi. Þetta snertir okkur Íslendinga ekki síður en Norðmenn, það er eins og þetta hafi gerst í okkar eigin bakgarði, þetta snertir alla Norðurlandabúa djúpt.

Það ríkir þjóðarsorg á Norðurlöndum.

Þetta gerist vegna haturs, haturs einstaklings á Norsku þjóðfélagsgerðinni og stjórnvöldum. Morðinginn mun vera  félagi í samtökum hægri öfgamanna og mun ekki hafa farið leynt með útlendingahatur sitt og þjóðernishyggju.

Því miður höfum við bæði hér á moggabloggi og víðar horft upp á sjúkleg skrif í anda þessa auma manns. Eftir þennan hræðilega atburð í Noregi er full ástæða til að taka alvarlega skrif manna sem vilja hengja ráðherra, eitra fyrir þeim eða senda þeim kúlu í hausinn.

Þessir atburðir eru þeim sem halda úti bloggsíðum þörf áminning um hættuna sem leynst getur í slíkum skrifum, sem þeir virðast sumir hverjir hafa litið á sem hressandi pólitískan rétttrúnað.  

Slík skrif geta hæglega velt sjúkum einstaklingum fram af brúninni, með ófyrirsjáanlegum afleiðingum, eða beinlínis skapað slíka menn.

Ég hvet alla Íslendinga til að sýna Norsku þjóðinni samhug og samstöðu með því að draga þjóðfánann okkar í hálfa stöng í dag.


Sýnum samhug.

fáni í hálfa2Ég hvet alla sem tök hafa á að votta Norsku þjóðinni samúð okkar og hluttekningu yfir þessum hræðilegu atburðum með því að draga Íslenska fánann í hálfa stöng um allt land á morgun.

Þetta er þyngra en tárum taki.

 
mbl.is Enginn Íslendingur særðist
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband