Þá loksins það gerist...

...þá er fyrirhuguð kyrrsetning eigna auglýst vel og vandlega fyrirfram.  Af hverju í andsk...?

Geta menn ímyndað sér að lögreglan væri svo vitlaus að hringja í Lalla Johns og boða komu sína í næstu viku?

Eignir auðmanna frystar

Mulningur #23

Tvær konur á besta aldri voru á vappi um Austurvöll, fyrir forvitnis sakir, þegar mótmæli stóðu sem hæst fyrir framan Alþingishúsið.  Þær komu þar að þar sem Jón Valur Jensson stóð með gjallarhorn og sendi syndugum alþingismönnum tóninn.

„Hvernig líst þér á hann þennan“  sagði önnur konan við hina og benti á Jón.  Konan horfði lengi á Jón þruma yfir þingheimi  og dró við sig svarið,  en sagði að lokum:

„Ef hann væri vettlingur sem ég hefði prjónað, myndi ég rekja hann upp“.

  

Skúbb vikunnar?

Það er vert að óska Dögg til hamingju með þessa stöðuhækkun.

En ég skil ekki fréttagildið fyrir allan almenning að innanbúðarkona í bókabúð hafi verið færð úr afgreiðslunni inn á kontór.

Nýr verslunarstjóri Máls og menningar

Mesta umhverfisslys Íslandssögunar

Loksins hafa menn séð ljósið en ætla samt að láta eins og þeir hafi ekki séð það. Bullinu skal samt fram haldið.

Landgræðslan ætlar að hætta dreifingu alaskalúpínu í landinu nema á skilgreindum landgræðslu- og ræktunarsvæðum til að takmarka tjón af völdum alaskalúpínu í Íslenskri náttúru! En samt á að halda áfram að nota hana á rýrum svæðum.

Er búið að ganga frá því við illgresið að það haldi sig einungis á þeim svæðum. Þó slíkt væri hægt er það haldlaust meðan lúpínan fær óhindrað að vaxa og dreifa sér út frá þeim stöðum sem hún hefur þegar komið sér fyrir.

En það er gott að menn sem hingað til hafa varið þetta illgresi í íslenskri náttúru með odd og egg skuli loks vera að ná áttum, en ekki má dragast of lengi að segja þessari plöntu stríð á hendur, eigi að vera von um sigur.

Hætt að dreifa alaskalúpínu

„Ekki benda á mig, segir....“

Fullvíst er að Sigríður Ingibjörg Ingadóttir þingmaður talar fyrir munn mikils meirihluta Samfylkingarfólks og stuðningsmanna flokksins.

Það er vonlaust að friður verði um nokkurn skapaðan hlut í þjóðfélaginu, sjái stjórnmálaflokkarnir ekki að sér og geri hreint fyrir sínum dyrum, undanbragðalaust.

Fyrr verða þeir ekki trausts verðir og gildir einu hvað flokkurinn heitir.

  

Hver og einn verður að gangast við ábyrgð sinni

Versalamistökin endurtekin?

Þessi hundslegu vinnubrögð Breta, Hollendinga og taglhnýtinga þeirra að setja AGS stólinn fyrir dyrnar með afgreiðslu lánsins til Íslendinga eru forkastanleg.

Því meir sem þeir ólmast Bretarnir, því fjær verður sú lausn sem allir gætu, með reisn, sætt sig við. Eini ávinningur þeirra er að fjölga skoðanabræðrum Jóns Vals Jenssonar, svo geðfellt sem það er.

Versalasamningunum sem þröngvað var upp á Þjóðverja eftir lok fyrri heimsstyrjaldar, skapaði það ástand og þann jarðveg í Þýskalandi sem ól af sér Hitler.

   

Íslandslán ekki á dagskrá AGS

Úps!

Úps, segi nú ekki annað.

Fjárveiting GR í hættu

Að halda gæludýr sem þetta...

...er auðvitað ekkert annað en galið, hvernig sem á það er litið.

Kóbraslanga tók fjölbýlishús í gíslingu

Með lögum skal land byggja.

Yfirlýsing sakborninga í málinu lýsir ótrúlegu virðingarleysi fyrir lögum og rétti og yfirgengilegum barnaskap.

Lög verða að ríkja og ráða hversu ósátt sem fólk er við framkvæmdavaldið á hverjum tíma.

Ef ekki  sitjum við uppi með algert stjórnleysi á öllum sviðum. Hætt er við að þessu unga fólki líkaði ekki það ástand, væri það uppi.

.

.

Mál gegn mótmælendum tekið fyrir

Johnny Cash

 Folsom Prison Blues