Hvar eru mörkin á milli stríðs og stríðsglæps?

Varla er nokkur svo einfaldur að halda að stríð verði rekin eftir bókinni og alþjóðasamningum án þess að útaf bregði. Bandaríkjamenn eru ekki heilagri í hegðun sinni á vígvellinum en aðrir stríðsunnendur.

 

Stríðsglæpir verða stundaðir svo lengi sem menn telja að stríðsrekstur leysi fleiri vandamál en hann skapar.  

 

Vísbendingar um stríðsglæpi

Og koma svo.....

....ofurandstæðingar ESB og krossfarar "sannleikans".

Segið okkur frá ósvífni Össurar, þjóðníðings hætti, svikum, glæpum og landráðum hans,  að hann skuli dirfast að koma við í Brussel án þess að hafa ykkar umboð til þess.

Þetta verður að stöðva!

 

Össur á leið til Brussel

Velkominn til Íslands Hugo Chavez

Ég rétt eins og flestir Íslendingar er ekki par hrifinn af því að útlendingar eignist auðlindir landsins. Vg fékk, eftir langa meðgöngu, skyndilega þá hugljómun að kaup Magma á HS sé ólögleg.  Gott væri ef það reyndist rétt.

En lögfræðingurinn Atli Gíslason er ekki sannfærður um að samningurinn sé ólöglegur. Það segir meira en mörg orð þegar lögfræðingur Vg stendur ekki lengur stífur á þeirri skilgreiningu og telur að samningurinn geti meira að segja verið löglegur.  

Er Atli þá af baki dottinn, nei ekki aldeilis, hann er með lausnina á því litla vandamáli. Gefum bara skít í lögin og þjóðnýtum draslið, segir Atli.  „Hugo Chavez“  er mættur til leiks, einmitt það sem vantaði í þetta bull allt saman.

 

En það kæmi mér ekki á óvart þó jafnvel  hörðustu frjálshyggjupostular leggi trúarbrögðin til hliðar um stundarsakir og taki hugmynd Atla fagnandi og gerist jafnvel manna ákafastir að ryðja henni braut.

 

Vill taka hlut Magma eignarnámi

Legið í lummunni.

Auðvitað fordæmir Bandaríkja- stjórn þennan leka.

Hver vill láta það vitnast að þeir séu ekki bara með skítinn upp á bak heldur standi í honum upp að nösum.

.

Bandaríkin fordæma birtingu leyniskjala

Mönnum skrikar fótur í eigin afurð.

Þeir voru ófáir sem gersamlega ætluðu af hjörunum, þegar  ráðherrar leyfðu sér að velta vöngum yfir gengislánadómi Hæstaréttar og afleiðingum hans.

Einstaklingar og hagsmunasamtök  hrópuðu á torgum af hneykslan yfir þeirri ósvinnu og sögðu að án undantekninga ættu dómstólarnir að vera yfir gagnrýni hafnir.

Núna ná þessir sömu aðilar ekki upp í nefið á sér af vandlætingu og rífa sig niður í rassgat í gagnrýni sinni og fordæmingu á vaxtadómi Héraðsdóms og vanda dómaranum ekki kveðjurnar.

Það er greinilega mjög afstætt hvort og hvenær dómstólar eru hafnir yfir gagnrýni og hverjum leyfist slíkt.

Furða sig á gengisdómi

Ríkisstjórnin er sprungin...

...en það verður bara ekki tilkynnt formlega fyrr en náðst hefur í alla nánustu aðstandendur.

.

.

 

Gæti ógnað ríkisstjórninni

Orðbragð er mælikvarði á málefnastöðuna.

Ég rakst áðan á eftirfarandi pistil Evrópusambandsandstæðings og þar sem hann leyfir ekki athugasemdir á sínu bloggi má ég til með að birta pistilinn hér. Vonandi fyrirgefur höfundurinn mér það, þó það sé gert að honum forspurðum.

Uppnefni Evrópusambandssinna

Það er iðulega talið til marks um slæma málefnastöðu þegar gripið er til þess ráðs að uppnefna þá sem eru andstæðrar skoðunar. Formaður Evrópusamtakanna undirstrikaði málefnafátækt sína á dögunum í aðsendri grein í Fréttablaðinu með því að uppnefna brezka þingmanninn Daniel Hannan "agúrkumanninn" vegna þess að hann gat ekki svarað honum málefnalega og síðan hafa fáeinir Evrópusambandssinnar fylgt í kjölfarið.

Látið hefur verið skína í það að um uppnefni sé að ræða sem hafi lengi loðað við Hannan og hann sé þekktur undir. Staðreyndin er þó sú að aðeins er um að ræða nokkurra daga gamalt örþrifaráð fáeinna íslenzkra Evrópusambandssinna vegna þess að þeir eru að tapa umræðunni um Evrópumálin enn eina ferðina þar sem málefnastaða þeirra er eins og áður engin.

Höfundi pistilsins er mjög misboðið yfir orðbragðinu, eðlilega. Ef eitt uppnefni er til marks um algera málefna fátækt Evrópusinna þá óar manni við þeirri málefnaörbyrgð sem hlýtur að ríkja hjá Evrópusambandsandstæðingum í ljósi uppnefna, fúkyrðaflaums og jafnvel morðhótana sem, streymir frá þeim í síbylju, sumum hverjum.

Sem betur fer, verð ég að segja, hefur pistilshöfundur greinilega ekki séð þann fúkyrðaflaum, því þá yrði honum fyrst illa brugðið ef eitt uppnefni setur hann á hliðina.

„Landráðamenn, Sossaskítur, þjóðnýðingar, skítseiði, glæpamenn, gungur og druslur, meindýr,  Tungan þagni og höndin visni á þeim“,  rasistar íslenskra hagsmuna“.

Þetta eru aðeins fátt eitt og það nýjasta, sumt er ekki prenthæft og svo gróft að jafnvel ritstjórn mbl.is hefur séð sig knúna til aðgerða, þó hún kalli ekki allt ömmu sína þegar andstæðingar ríkisstjórnarinnar tjá sig.

  

Mulningur #42

Bandaríkjamaður var  á ferðalagi í Rússlandi og hitti Rússneskan verslunarmann. Þegar þeir höfðu spjallað saman um hríð sagði Bandaríkjamaðurinn:

„Venjulegur Bandaríkjamaður er tíu sinnum snjallari en venjulegur Rússi. Ég skal veðja við þig um það. Ef ég get ekki svarað einhverri spurningu þinni skal ég gefa þér 100 dollara. Ef þú getur ekki svarað einhverri spurningu minni þarftu ekki að borga mér nema 50 dollara. Og þar sem það er ég, sem skora á þig í þetta veðmál, mátt þú bera fram fyrstu spurninguna.“

Rússinn hugsaði sig aðeins um og spurði svo:„Hvað er það sem hefur sex vængi, fjögur augu, flýgur á 500 km hraða, blakar vængjunum 50 sinnum á sekúndu og blístrar á meðan það kúkar, vakir allan sólarhringinn og syngur rokksöngva klukkan tvö á nóttunni?“

„Þetta veit ég bara ekki“ sagði Kaninn eftir langa umhugsun. „Hér hefurðu 100 dollara. Hvað er þetta eiginlega?“

 „Það hef ég ekki hugmynd um heldur“, sagði Rússinn. „Hér hefurðu 50 dollara.“

Heill þér sjötugum Ómar og til hamingju Ísland að eiga svona mann.

Það er virkilega gleðilegt að þessi drenglyndi, ósérhlífni og ótrúlega afkastamikli baráttumaður skuli geta, með samstilltu átaki þjóðarinnar, horft áhyggjulaus fram á veginn.

Friðrik Weisshappel á heiður skilið fyrir að hafa haft frumkvæði að því að þjóðin gæti sýnt í verki þakklæti  sitt fyrir allar þær gleðistundir sem Ómar Ragnarsson hefur fært henni í gegnum árin.

Ómar orðinn skuldlaus

Er ný stjórn í burðarliðnum?

Það fer tvennum sögum af því hvort ríkisstjórnin geti rift þessum samning, þar sem hún er ekki samningsaðili.  

Ef það er ætlun VG að slátra ríkisstjórnarsamstarfinu er þetta mál eins og klæðskerasniðið til þess. Það er létt verk að fullyrða að ríkisstjórnin hafi útgönguleið í málinu, þó svo sé ekki, því fátt vilja landsmenn frekar heyra. 

En eitt er víst að VG sprengir ekki nema fyrirfram sé frá því gengið að þeir þurfi ekki að yfirgefa ráðherrastólana. Hvernig stendur á  algerri þögn Sjálfstæðisflokksins? Hvar er Bjarni Ben, er hann enn að dæla diesel  á bílinn fyrir austan?  

 

Draugasögur um afarkosti